الجوهر الصافي @algohr_alsafy

عضوة نشيطة

هي وعدتها..بس خايفة توفي بالوعد!!

السلام عليكم يا بنات..

أبا أعرض عليكن مشكلة ربيعتي..وإن شاء الله تساعدونها..

ربيعتي بنت ما شاء الله عليها أخلاق وطيبة وحبوبة..وخلال هذي السنة وقبل نهايتها اتصورت هي وربيعتها صورة ..وربيعتها خذت الصورة عنها..وقالت لها بتسوي لها نسخة من الصورة..

المهم مرت الأيام والبنت ما يابت الصورة..وراحت لها ربيعتي وقالت لها هاتي لي الصورة بطلع عليها نسخة عشان تكون ذكرى..وبعدين البنت يابت لها الصورة..

فقامت ربيعتي عشان تبا تطلع نسخة لكنها خافت تعطي حد من اخوانها يطلع النسخة لانها أمانة وهذي صورة بنت مب صورتها هي بروحها..فقررت إنه ترد لها الصورة بدون ما تسوي لها نسخة..

قبل فترة بسيطة سمعت عن هالبنت إنها (حركات) يعني إنها خفيفة ومب رزينة وايد..فقررت الإحتفاظ بالصورة..تقول هي في مكان آمن عندي على الأقل اضمن إني ما بتعرض للمشاكل..!!بس هي نفس الوقت خايفة لانها وعدت البنية إنها بترد لها الصورة..فهل هذا يعتبر إخلاف للوعد ..إلا شو..؟؟

يا ريت تساعدونها..

يلزم عليك تسجيل الدخول أولًا لكتابة تعليق.

تسجيل دخول

هدية عمري • 19 سنة

أهلين حبيبتي ... خليها تقص الصوره قسمين ... صورتها لها وصورة زميلتها لزميلتها ... وبعدين ترد صورة زميلتها لها وتقطع الصورة الخاصة في زميلتك ...

أنسة ملعقة • 19 سنة

انتبهي تعطين صورك لاحد حتي لو بنات عمك انتبهي

][§][-~المتغـلية ~-][§][ • 19 سنة

حلووو حل هدية عمري :D

ولو تزعل عليها كم يوم ولا انها تضيع مستقبلها علشان هالصوره مايسوى عليها

ولا اشجع ابدا ً مسائل التصوير خاصة في هالزمن انواع الفضايح ويقدرون يلعبون بصور ويقلبونها لبلاوي اعوذ بالله

..

.

أم أسما • 19 سنة

هدية عمري :

أهلين حبيبتي ... خليها تقص الصوره قسمين ... صورتها لها وصورة زميلتها لزميلتها ... وبعدين ترد صورة زميلتها لها وتقطع الصورة الخاصة في زميلتك ...

أهلين حبيبتي ... خليها تقص الصوره قسمين ... صورتها لها وصورة زميلتها لزميلتها ... وبعدين ترد صورة...

صح لسانك

و أنا أختي بحذرك من موضوع الصور مشاكله كثيرة جدا أقلها الحسد و أشدها السحر و العياذ بالله فبكل سهولة يستطيع المشعوذ و العياذ بالله سحر إنسان من صورته :30:
وفقك الله و حفظك بحفظه

حبيبة أبوها • 19 سنة

كل وحده تاخذ صورتها

وهذا درس انتبهي تعطين صورتك لاحد حتى لو اختك

الله يستر عليك ياقلبي