ماعليك من ضيوفها قولي لزوجك انها تفتش باغراضي وتتدخل في خصوصياتي وانا ما احب كذا. لازم يفصل البيت وادخلنا فصله مالك دخل بضيوفها نهائيا. واذا عرفتي ان بيجيها احد. اطلعي روحي للسوق او لاهلك. لحد ما تمل وهي بنفسها تطلب عامله وسكن مستقل
لوتس30
•
حبيبتي اصبري كل انسان له عيوب مافيه شخص كامل وبعدين الحياه كذا لازم فيها تنغيصات انتي تنغيصتك من ام زوجك وغيرك زوجها وام زوجها عسل وغيرها من عيالها او ماعندها عيال لازم هذي هي الحياه شوفي مافيها راحه لاتتعبي نفسك خليها على الله شوفي انا اعرف وحده مره قريبه مني مره مره دايم تشتكي من ام زوجها وام زوجها احمدي ربك بس على النعمه الي انتي فيها ام زوجها مريضه نفسيا من هي صغيره ماحد يتحملها الا ولدها هذا الله يجزاه خير ويبارك له في ماله وعياله زوجها طلقها اولادها البنت والولد مايتحملونها مره حتى زياره حبيبتي تخيلي اذا جات تتغدى تطردها وتهزئها تقول لها ليش جالسه معنا واذا تمشي تهزئها تقولها لك صوت تمشين بصوت على الارض كل شي عنيدها مره مرهكانت تقول لزوجها ويقول تحمليها هذي امي وش اسوي ارميها لازم تحملين وكانت تتحمل حتى جاها المرض الخبيث في الرحم وكانت قريبتي هي الي توديه للمستشفى وتترك عيالها وهي تهزئها انسانه مريضه تهزئها قدام الناس وفي الشارع لا وكانت ما تلبس فوط وتوسخ البت والدم ينقط بالبيت ولا تروح الحمام عناد توسخ بالبيت وتكلمها تقولها قومي نظفي بس وتمسح بالملابس يالله مااعظم صبرها زادت مرضها وقريبتي صابره وكانت تبكي والله من الهم وبعدين توفت العجوز الله يرحمها ويسكنها جنته كانت مريضه نفسيه واعصاب والسكروالخبيث الله يرحمها وشوفي قريبتي الان ملكه كل العالم يثنو عليها بيض الله وجهه ماقصرت بام زوجها كل الرجال معجبين بصبرها وزوجها يموت فيها اختي الصبر الصبر اذا زوجك طيب حطيه هو وامه فوق راسك وابشري بالخير باذن الله
ღlilacღ
•
ياشين المثاليه الزايده اللي تقول هذي ام زوجك تخيلي انها امك ام زوجي على عيني وعلى راسي بس مااشتغل لها خدامه هي وبناتها وحريم عيالها غير البزارين والصجه واللجه صدق اللي ايده بالماء مو مثل اللي ايده بالنار ياناس البنت تبي خصوصيه تبي راحه موب كل شوي ناط لي بزر يحوس ويدوس في بيتي ولا حماة جايه تبلع وتقهوى على حسابي البنت ماقالت مابي ام زوجي بس حطو نفسكم مكانها 24 ساعه كرف والضيوف ماشالله يجون من غير احم ولادستور متى تقعد مع زوجها وعيالها ؟؟؟ ان رضيتي بفله وحده ترابيتك بيصير منتززززززه وماراح يستانس الا حريم العيال الثانيات لا ملو من عيالهم ارسلوهم لجدتهم واذا ضاقة صدورهم جو يسلمون على خالتهم وسبحان الله بعض حريم العيال تحب خالتها بس تجي تسلم عليها وتعبي كرشها وتروح مادري ليه ماتحبها تعزمها ببيتها حلي انها تسكن الدور الارضي وانتي الدور الثاني وبينكم باب بحيث انه اذا كنتو لحالكم تنزلون عندها فطور غدا عشا وخلي المطبخ تحت معليش اذا كان زوجك ماراح يتفهم وانا مابي اخلي امي ومن هالاكلام وفوق حطي بوفيه صغير فيه غلايه وثلاجه صغير وماكرويف يعيني انفصلي عنهم بطريقه غير مباشره لاتقولين مابي امك قولي عشان الضيوف لاجو وعشان خواتك ياخذون راحتهم واذا بغلى يجيها ضيوف وانتي مالك نفس تستقلين او تعبانه ترقين دورك وصلى الله وبارك والشغاله لابد من وجوده السالفه مو سالفة خالتك وبس خالتك بتقدرين تخدمينها بس هالجيش اللي بيهضل عليك غير لاراحو من المنتزه تقعدين تلقطين ورا حوستهم وحوسة بزارينهم ولاتجي وحده تقول انتي تحرضينها ومن هالكلام اللي ماخوذ خيره انا اتكلم بواقعيه واتوقع الحل اللي قلته منطقي جدا ولا يزعل احد واله يهدي يسكم ويجمعكم على خيرياشين المثاليه الزايده اللي تقول هذي ام زوجك تخيلي انها امك ام زوجي على عيني وعلى راسي بس...
الله يفـــرج همــك
مدام نون
•
أنا أشوف عادي تسكن معك وعيالها بيجونها طبعا بس لاتعودينهم ع الخدمه يعني جو خلاص ترتاحين أوتطلعين لأهلك أ والسوق أو تمشي وفهمي بناتها ان البيت بيتهم واطلعي وان حبيتي تكونين مهم عادي بس لاتسوين فوق طاقتك والله ياحبيبتي أم زوجك تخيليها أمك رح تتقبلينها بكل مساوئها والله مايضيع الصبر
الصفحة الأخيرة
ولك حياتك المستقله ولها حياتها المستقله
وقولي لزوجك يجيب لها شغاله