بسم الله الرحمن الرحيم
قال صلى الله عليه وسلم في خطبة الوداع (اتقوا الله في النساء فإنكم أخذتموهن بأمانة الله واستحللتم فروجهن بكلمة الله ولهن عليكم رزقهن وكسوتهن بالمعروف)
كل ما افتح عالم حوآء تشدني المشاكل الزوجية ودايم اقرآء (زوجي طقني..زوجني أهآني..زوجي خآني.. بموت قهر من زوجي...زوجيي يجبرني اخدم اهله...زوجي أهاني قدام الناس... إلخ)
إذا قريت موضوع زي هذا انقهر واحزن واغضب لحالهم
:mad:
واستغرب اي حيآة هذي يتمسكون فيها مهما كان يحبهآ او تحبه ومهما كان عندها عيال الأنسآن ما يرضى على نفسه ...صحيح انا مو متزوجـة لكن شفت زوجات منهم اللي تقبل المذلة ومنهم ألي وقفت زوجها عند حده
اعرف وحده الله يذكرها بالخير عاشت حياة متفتحه شورها من راسها واهلها ربوها ان لها شخصية مستقلة ورأي مسموع
تزوجت مره وطلقت ما قدرت تصبر على زوجها وتزوجت المره الثانية وطلقها زوجها مرتين وبقت وحده
ومره سافروآ برى وعجبها الجو هناك وزوجها قالها يللا نروح ..هي ما رضت وقالت تبغى تجلس وصارت بينهم مشادة بالكلام و مد يده عليها وقالها بتجين معي ولا اطلقك..!
قالت له: هي باقي وحده ...طلقني ...و ماراح اموت بعدك
وفعلا تطلقت ..ورجعت عآشت حياتها من اول
ويوم سألتهآ..ما اشتقت لحياة الزوجية.؟...قالت.. اشتقت لسفرات و الكلام الحلو بس
لكن كل ما اذكر ان فيه احد يأمرني ويبغى يتحكم فيني.. اقول الحمد لله اني تطلقت
--------------------
و اذكر مره قريت قصة وحده في المنتدى..تقول ان زوجها يهينهآ كثير ...وكثير منكم رد عليهآ وقالها اصبري
ووحده قالت لها وقفيه عند حده ..
وبعد فترة كتبت موضوع وقالت انها وقفت زوجها عند حده وفهمته انها ماهي مجبورة تتحمله..ورجع زوجها زي العسل .
------------------
ووحده طلبت الطلاق من زوجها بعد ما ذوقها انواع الذل وتحملت عذاب فراق عيالها..وكان تدعي ربنا انه يصبرها و دايم وتقول ..عيالي لهم رب يحميهم وزوجي له رب يحاسبه وانا لي حياة مسؤله عنها
وقصص كثيررررة تدل ان الزوج إذا شاف زوجته مكسورة وماترد على الأهآنآت يزيد حتى لو بدأت الأهآنـة كـ مزحـه
الزواج عقد شرآكـة مو عقد تملك لصالح الزوج
ويكون شرآكـة بين 2 لكل طرف حقوق و لكل طررف الحق في فض الشرآكـة
لكن في البلدان العربية بشكل عام و في السعوديـة بشكل خاص اغلب الفتيات تربت ان الزوج كل شي ..ترسخ براسها انها لازم تفني حياتها عشانه ..لازم تتحمله عشان تموت وهو راضي عنها .
وإذا جت اشتكت من تعامله قالوآ لها اصبري يمكن ربي يصلحه..اصبري عشان عيالك...
ويروح عمرها وهي تخدمه وتخدم عيالها..وهو إذا شافها صابره زاد اكثر
وعلى رأي المثل من أمن العقاب ساء الأدب
وبنهاية يروح يتزوج عليهآ وعيالها يكبروآ ويتزوجوآ وينشغلوآ بحياتهم..وهي تجلس تحاول تتذكر اي ذكرى حلوه في حياتها..لعلى وعسى تؤنس وحدتها.
يا اختي المتزوجـة ...لا تخلي زوجك محور حياتك...لا تهلكي حياتك بالمشاكل
لا تضيعي عمرك وانتي تراقبينه ...لا تخلي ليلك يروح وانتي تفكرين..بيخوني ولا لا؟؟؟ بيتزوج علي ولا لا؟
صدقيني لو وربي كاتب انه بيتزوج...راح يتزوج حتى لو طبقتي السماء ع الأرض ..
يعني ريحي نفسك
ولا تضيعي شبابك عشان ترضينه وهو مو سائل فيك ...إذا حس بتعبك وقدرك وكافئك وقتها عطيه عيونك تفدآهـ
اما إذا ضرب فيك عرض الحيط < انتبهي لنفسك احسن
لا تقهري عمرك و ترفعي ضغطك بسبب الغيرة شاف فلانة ولا كلم فلانه
ترا الرجال فيهم فطرة لازم يشوف هذي ويشوف ذيك إلا من رحم ربي
لا تتحملين ضربه وأهآنته عشانك تحبينه او عشان عيالك
الحمد لله الدين ضمن حقكـ...صحيح الدين وصى الزوجـة انهآ ترضي زوجها
لكن برضوآ وصى الزوج انه يراعي زوجته قال تعالى: {وَعَاشِرُوهُنَّ بِالْمَعْرُوفِ}
وإذا عافها يرجعها بيت اهلها معززة مكرمة (( او سرحوهن باحسان ))
الدين ما اعطى الزوج اي سلطة انه يضرب زوجته (إلا في حالة النشوز وكحل اخير..وضرب ما يسبب اي اثر )وما اعطاه الحق بتلفظ عليها بألفاظ مالها دآعي
وما اجبر الزوجه انها تصبر عليه.
الدين ما يجبرك انك تخدمينه وهو مو سائل فيك...الدين ما يجبرك انك تسكتين عن تصرفاته...الدين ما يجبرك تتحملين بخله
عن عائشة رضي الله قالتشة : { أن هندا قالت : يا رسول الله إن أبا سفيان رجل شحيح وليس يعطيني ما يكفيني وولدي إلا ما أخذت منه وهو لا يعلم فقال : خذي ما يكفيك وولدك بالمعروف }
و اللي تقول :( زوجها يجبرها على خدمـة اهله..وإذا رفضت قوم القيامة على راسهآ)
الدين حدد مسؤلية الزوجـة وهو على بيتهآ وزوجها وواولادها ...وغير ذلك فيكون كرم منها
قال رسول الله( كلكم راع وكلكم مسؤول عن رعيته..... والمرأة راعية في بيت زوجها ومسؤولة عن رعيتها.....)
اللي تقول (زوجها حابسها في البيت حتى اهلها في السنة مره ) نسي كلام رسول الله عن صلة الرحم
و اللي تقول (عآيشة عند اهل زوجها في غرفة وحدهـ هي وعيالها وزوجها و لسبب ان زوجها ما تلحلح و جاب لهم بيت )
و اللي تقول: (زوجها يطلبها لحقه الشرعي..واحيانا يجبرها وهي ما تبغى ... وياخذه بدون اي مقدمات ..وفي النهاية ينقلب على جنبه وينآم)
و اللي يغتصب زوجتـه ..؟؟ و اللي يسوي اشياء ماهي طبيعية حتى لو تأذي زوجته...؟؟ واللي يقول لزوجته تخيليني واحد ثاني ... واللي يقول..انا اتخيلك فلانه ...!!!! وإذا رفضت الزوجة وزعلت واحتجت ..ما تسمع غير
(إِذَا دَعَا الرَّجُلُ امْرَأَتَهُ إِلَى فِرَاشِهِ فَأَبَتْ فَبَاتَ وَهُوَ عَلَيْهَا سَاخِطٌ لَعَنَتْهَا الْمَلَائِكَةُ حَتَّى تُصْبِحَ ) ترا الملئكة بتلعنك وهذا زوجك..يسوي معاك ولا يروح لوحده ثانية..!!
والله اذكر مره قريت في وعالم حوآء (وحده قالت ان زوجها قالها يللا ابيك ومو محبة بوجه لكن ابغى افرغ بس )؟؟؟؟!!!! < حمآم هي !!!(اعذروني على كلامي)
لكن انقهرت انقهرت انقهرت
وهي صابرة على زوجها كله عشان كلام النآس...! اي مذلة بعد هذي؟؟
ووحده ثانية (تقول زوجها يدخل فيها قضيب حديد.. يحس بمتعة إذا تألمت وصرخت من الألم)..!!
اشياء تسبب صدمـة.........
:44:
الدين وهو اللي يضمن لك حياتك بالدنيا و الآخرة منتي مكرهه تدخلينه ( لا اكراه في الدين )
فكيف تتحملين الشي هذا...!!
الرسول صلى الله عليه وسلم كان آخر وصاياه (رفقا بالقوارير)
و عن عائشة، رضى الله عنها أنها قالت «كان الرسول يتودد إلى نسائه قبل أن يباشرهن وبعد أن ينتهى يتوضأ ويؤنسهن)
انتي كائن حي لك كرامة لك حياة لك شخصية مستقلة .. إذا كان زوجك من النوع اللي يسب ويشتم ويعيب ويضرب منتي مجبورة تتحملينه ..ولا تطلقي منه إذا ما تقدري على فراقه(زي اللي ماعندها اهل..او عندها اطفال صغار )
لكن خليه وانسيه...و عيشي حياتك كأنه مو موجود اهتمي بنفسك ادخلي دورات او برامج... تصفحي النت وتثقفي ادخلي المطبخ وتفنني فيه وارسلي لجيران واقاربك ... اهتمي بالبيت وطلعي مواهبك فيه.....تعرفي على النآس وزوريهم وخليهم يزورونك...اشتري كتب واقري ... سوي حفلات في البيت ...خليه يعرف انك منتي معلق فيه وإذا مد يده عليك.. قولي له(انا بشتكي عليك ..وبفضحك قدام الناس انك تسوي كذا وكذا وفيك كذا وكذا..و اللي فيها وفيها..صبرت وصبرت و الظاهر مافي فايدة ) وطبعا اغلب الأزوآج يخآفون من الفضايح يخافون ان النآس تدري ان هذا الزوج همجي..!!
بس لا تفضحينه ولا تشتكين عليه....انتظري اسبوع او 2 إذا تغير وتعدل سلوكه خير وبركـة اما إذا رجع لقلة الحيا,,,
(( فإن لنفسك عليك حق ))
!
ولا تقولي اخاف من اسم مطلقه...اخاف من كلام النآس و نظراتهم...اخاف على اهلي و اخاف واخاف
ترا هذي حياتك عشتي او متي ...ضحكتي او بكاتي ما احد راح يهتم...و الناس راح تتكلم وتتكلم حتى بعد ما تموتي
ومطلقة مرتاحة البال اهون مليون مره من متزوجـة وتعيسة او متزوجة مع اهانة ومذلة
لكن
قبل ما تقدمي على اي قرار فكري مية مره...في لحظة هدوء وراحة بال بعيد عن العصبية و القهر
وقيمي حياتك...وتذكري انك الوحيدة اللي راح تخسري او تكسبي...
وآخر شي الجأي إلى الله سبحانه وتعالى عشان يدلك لصوآب
انا ماني عايشة ضروفك..ولا عارفه حياتك ...لكني متأكدة مليون بالمية انك انسانة وبنت ناس ولك كرامتك ومافي اي مخلوق له الحق في أهآنتك
---------------------
صحيح الزواج قسمة ونصيب وكل شي مقدر ومكتوب
لكن الغلط ما احد يسكت عليه و الدين ضمن لك كل حقوقك...فلا تدفني عمرك ..وتقولي..مقدر ومكتوب..
انسي العادات و التقاليد ..انسي المجتمع
فكري بس برضى الله ..وسوي الشي اللي يريحك ويضمن لك حياة معززة مكرمة
و صحيح الصبر مفتاح الفرج ..واالزوجة مأجوره على صبرها...لكنها ماهي معاقبة إذا اختارت الفراق...وربي عالم بحالك...واللي يسويه زوجك مايرضي حتى الكافر
وفي النهايـة هذي حيآتكـ ..وهذي وجهـة نظري
.
ملآحظـة:
موضوعي مو دعوة لشن الحرب على الأزوـآج
ولا دعوة لطلب الطلآق
ولادعوة لهجر الزوج
موضوعي الغرض منـه
الحفآظ على حقك كأنسآنـة و أدآء ما تحآسبين عليه يوم القيآمـة
وإذا حسيتي ان زوجك فيه خير وممكن يتغير ساعديه على التغير
مع الدعآء الدآئم
اما إذا عجزتي منه...فالحل قدآم عينكـ..!
وراح اكتب موضوع مستقل للي مقبلة على الزواج عن الشروط اللي من حق كل زوجه تشرطها
عشان تضمن حقها..بعد مشيئة الله
كل الـود
و الأمآني بحيآة تملئهآ الكرـآمـة و العزة
aisha21 @aisha21
عضوة فعالة
يلزم عليك تسجيل الدخول أولًا لكتابة تعليق.
أخطروحده
•
الله يجزاكي خير
كلا من ذهب وربي
الله يهدي النفووس ويصلح الحال
ومشكووووووووووووووور ه اختي
كلا من ذهب وربي
الله يهدي النفووس ويصلح الحال
ومشكووووووووووووووور ه اختي
يعطيك الف عافيه
والله كلامك درر وكل كلمه قلتيها بمحلها الله يكثر من امثالك
حبيبتي بإنتظار موضوعك (المقبلات على الزواج) عجلي علينا خاصةً موسم الزواجات قرب
لك ارق تحيه
والله كلامك درر وكل كلمه قلتيها بمحلها الله يكثر من امثالك
حبيبتي بإنتظار موضوعك (المقبلات على الزواج) عجلي علينا خاصةً موسم الزواجات قرب
لك ارق تحيه
يا اختي المتزوجـة ...لا تخلي زوجك محور حياتك...لا تهلكي حياتك بالمشاكل
لا تضيعي عمرك وانتي تراقبينه ...لا تخلي ليلك يروح وانتي تفكرين..بيخوني ولا لا؟؟؟ بيتزوج علي ولا لا؟
صدقيني لو وربي كاتب انه بيتزوج...راح يتزوج حتى لو طبقتي السماء ع الأرض ..
يعني ريحي نفسك
موضوع رائع والعباره السابقه ارووووع
لا تضيعي عمرك وانتي تراقبينه ...لا تخلي ليلك يروح وانتي تفكرين..بيخوني ولا لا؟؟؟ بيتزوج علي ولا لا؟
صدقيني لو وربي كاتب انه بيتزوج...راح يتزوج حتى لو طبقتي السماء ع الأرض ..
يعني ريحي نفسك
موضوع رائع والعباره السابقه ارووووع
الصفحة الأخيرة
مع الدعآء الدآئم
اما إذا عجزتي منه...فالحل قدآم عينكـ..!
يعني بلاش القرقره ...يا اطخو يا اكسر مخه.. ههههههههههههه
بس عجبني كلامك مع اني تعبت وانا اقرا
و فعلا بعض القصص تكئب الواحد ..والله يعين الجميع
ويعطيكي العافية .. سلمت اناملك يا شيخه