السلام عليكم ورحمة الله وبركاته
شخباركم ؟ علومكم ؟
اخواتي ف موضوعي اللي راح كانت عندي اخطاء كثيره
مثل امانه والسسلام ونبهوني عليها الاخوات
ربي يجزاهم الخير ويسعدهم
اليوم بعد مااكتب الموضوع اذا فيه اي غلط بعد نبهوني ربي يسعدكم
المهم انا كنت قبل تقريبا 3 شهور وشوي يعني مااهتم بصلاتي
ولا اعرف شي عن الاستغفار ولاافتح القراءن الابرمضان وعايشه بغفله
وحسيت ب الضيق والهم وان في شي ناقص بحياتي وكل الامور ضدي
ف اختي هي مشتركه هنا وفتحت المنتدى من جهازي ف جلست اتليقف وفتحت الحياه الاجتماعيه
وجلست اقرا عن ققص الاستغفار واستغربت ماكنت ادري عنو
وجلست افتح مواضيع تختص بهالموضوع وكنت بعدني مابديت فيه ماعرف ليش
بس الين ماجا اليوم اللي خلاص نويت فيه اتغيير
وبديت اصلي ب انتظام كل صلاه بوقتها اهلي يصحوني اذا نايمه
وف يدي مسبحتي استغفر ف اليوم تقريبا 4000 مره او اقل او اكثر على حسب الوقت
واحيان استغفر بدون مسبحه اذا صرت مشغوله
وطبعا سَورة البقره كل يوم بعد كل صلاه 50 ايه وبعد صلاة الليل الباقي وقرأت هالطريقه من المنتدى بعد
وصلاة الليل اكيييد ماتكلفني اكثر من 5 دقايق وادعي فيها كل اللي بخاطري
اول قصه :
كان بابا موقف شغل له فتره طويله تقريبا 7 شهور ومادفعنا الايجار بس عشان صاحب العماره يعرف ان بابا
اول واحد يسدد لما كان عنده فلوس ف سامحه ع التأخير وكانوا اخواني كل مايطلبوا شي ابوي يقول والله ماعندي
وقضيناها فول وتميس :) والحمد لله حياتنا ماشيه
فصرت استغفر وادعي طول الوقت ان ربي يرزق ابوي ويرجع يشتغل كل يوم ادعي وف كل سجود مع الاستغفار
وجا يوم واحد من اصحاب بابا لو 20 سنه ماشافه اخذ رقمه من الناس وقاله ان اخوه سوا شركه جديده ورشحوا باباتي كل الناس اللي سئلهم صاحب الشركه لهل الوظيفه وامس ابوي ولله الحمد راح وقع العقد مع الشركه
وبدأ يداوم من اليوم (ماشاء الله)
القصه الثانيه :
اخوي كان يدور على وظيفه واول ماطلع من باب البيت جلست استغفر وادعي ان ربي يوفقه
وفعلا رجع اخوي مبتسم قلت له خير قالي انتي دعيتي لي قلت له ايوه قالي اول ماوصلت جنب الشركه تعرفت على واحد اخذ اوراقي وقالي انا واسطتك وامورك ان شاء الله ماشيه
القصه الثالثه :
كنت ماابي شخص وهالشخص يبى يتزوجني ف اهلي مو راضيين يسمعوا رائيي ف الموضوع والولد قريبنا وصاحب اخوي ف نفس الوقت واخوي يدري عنو فضايح وقالها لي
واخوي بعد مايباني اتزوجه ولاانو يقرب لنا اهلي مو قادريين يرفضو رغم اني جالسه ارفضه ومحد يسمع لي
فقلت مالي غير ربي صرت استغفر وادعي ب السجود ان ربي يشيل الفكره كلها من راس اهلي ويبعدو عني
بعدها بشهر امي عصبت ونادتني قالت لي فلان انسسسيه
وانا والله العظيم اني جلست اناقز ب الصاله وقلت افراج الحمد لله ابوي جلس يضحك علي
وان شاء الله يستمر الوضع على هالحال ومايرحعوا يغيروا رايهم
القصه الرابعه:
انا مصممة استايلات فجتني فتره مع ابوي لما وقف شغله محد يطلبني استايلات وبعد مابديت الاستغفار والله العظيم انه جوني ف نفس اليوم 4 عملاء
وفرحت مره
وغيرها قصص كثيره بس هاللي اتذكرهم دحين
اتمنى تجربوا الاستغفار وسورة البقره غير الراحه النفسيه امور كثيره ودي اياها تحققت ولله الحمد
بنات الله يخليكم قولوا ماشاء الله و
ادعولي اهلي مايرجعوا عن رايهم ويبعد عني الشخص اللي ماابغى اتزوجوا ويحقق لي اللي ف بالي
يلزم عليك تسجيل الدخول أولًا لكتابة تعليق.
الصفحة الأخيرة
واستمري