:icon28: :icon28: :icon28:
أخيراً حلينا لغز الكيكه الفلبينية ..
ارسلت لها رابط الموضوع على جوالها وفتحته عن طريق جوالها ومرة انبسطت يوم شافت صورة كيكتها << والله صارت سالفة ذا الكيكة ههههههههههه
وقلت والله مااخيب أملكم وفزعتكم الله لايحرمني منكم ..
المهم مالكم بالطويله ..<< تتخيل نفسها متجمعه تسولف معكم
ارسلت المقادير بالانقلش وكانت سهلة سهلة مرة مرة .. وفعلاً صارت تنطبخ على بخار مثل ماذكرتوا .. وسويتها وكانت نفس طعم كيكتها ..
{وأعذروني يابنات والله خلص اشتراكي وتوني شحنت }
نجي للمقادير:)
المقادير:
_ كوبين دقيق << أنا أستخدمت الدقيق الكويتي
_ كوب ونص سكر ..
_ كوب ونص حليب طازج .. ( حليب سعوديه أو نادك ) أنا استخدمت نادك ..
_ ثلاث ملاعق صغيره B.B
_ ثلاث بيضات ..
_ نص كوب زيت أو زبده .. بس هي تقول الزيت أفضل .. لأن الزبده تخليها قاسية .. على حسب كلامها ..
الطريقة :
تخلطين كل المقادير في الخلاط الكاس ماعدا الدقيق والـB.B ..
بعدين تحطينها فوق الدقيق وتخلطينها بخلاط الكيك ..
ووزعيها في الصحن الخاص بالكوب كيك وغطيها بالقصدير .. وضروري تحطين تحتها حمام مائي << هذا السر في طعمها ..
دخليها الفرن في الوسط واتركيها ربع ساعة وافتحي عليها وشوفي نضجت ..
بعد ماتنضج خذي جبنة مربعات .. وقطعيها وحطيها على الوجه وغطيها بالقصدير عشان تذوب من الحرارة ..
والله يابنات طعمها يم يم ..
وهذي صورتها من الموضوع الأول ..
وكان هذا رابط الموضوع اللي سألتكم عن طريقتها ..
http://forum.hawaaworld.com/showthread.php?t=1858680
ووالله ماقصرتوا كلكم .. والله يجزاها خير غزل البنات واللي ترجموا الطريقة ..
وأعذروني اللي ارسلوا على الخاص ولا رديت لأن خلص اشتراكي ..
وتوني شحنت ونزلت لكم الطريقة على طول ..
واللي تجربها لاتنسانا من ذكر تجربتها .. إن شاء الله انزلها لكم قريب ..
وتراني بحاجة دعواتكم ..
الله يفرج همها ويسر أمرها ويشرح صدرها يارب اللي تدعي لي لو في نفسها ..
يعني فيييه مجال للإبداع فيها ..