وأخيرا....سويت التحليل....

يارب يارحمن يارحيم يارب العرش العظيم صبرني وأخواتي في المنتدى وارزقنا الحمل السليم المعافى عاجلا غير آجلا ياأرحم الراحمين....

والله ما أدري وش أقول أحس إني ودي أفضفض وأطلع إللي بخاطري ولا لي إلا أنتم...

يابنات أنا صايرة أتوهم الحمل..:unhappy:
من جد فشيلة الأيام إللي راحت أحس بتعب ودوخة ومغص وغثيان وغيره...
وطبعا قررت من راسي إني حامل لأني أحس بكل أعراض الحمل..(يعني الأخت مجربة أعراض الحمل عشان كذا تعرفها :dozey: )

وأمس أنواع الإزعاج لزوجي أبيه يجيب لي تحليل منزلي وهو شكله عارف أنها أوهام ويقول لي بعدين.. لاتصيرين مطفوقة((قوية:024: ))... إصبري.. إفهمي...

وأبدا تناحة لأبعد الحدود مسكت معي إني حاااامل ياناس حامل...أبغى تحليل..يعني تحليل:mad2: ...

وصياح ونياح:06: :icon33: ....وأخيرا وبعد الفيلم المسائي اللي صار وعشان عنده دوام قال زوجي لنفسه شكلي مانيب نايم الليلة إلا بالتحليل:angry2: ومن حظي إن الصيدلية عند بيتي...

وأخير جا التحليل وأخيرا وصل التأكيد على فرحتي إللي أنتظرها من زمان ...

وقلت في نفسي أسويه الصباح أضمن للنتيجة...

نمت وكانت ليلة مليئة بالأحلام والتحاليل المنزلية:40: ...

((طالت السالفة خلصينا ))

جا الصباح وإنتظرت حتى راح زوجي للدوام ((عشان أسويها مفاجأة لما يرجع..خلاص خططت الأخت ))

وسويته وياليتني ما سويته إزعاج وصياح على نتيجة تعودت أني أشوفها ...

لا وبعد وحم وتعب وأرهاق كلها راحت ولا عاد حسيت بشي ...

ياربي صدق مستحية:D ماأدري وش أقوله مع إنه حاس إني أتوهم بس من جد إذا سألني وش أقول...

أقول مافيه حمل..بيقول وين الوحم والتعب....أقول راحت مافيني شي...والله صدق متفشلة وودي إني أمسح من ذاكرته هالسالفة والموال إللي صار..

والله إني محتارة ومصدومة ...
الله يصبرني ويرزقنا جميعا ولا يحرمنا عاجلا غير آجلا..ياأرحم الراحمين....