الف الف مبروك
الله يحفظهم
ويرزق جميع المسلمات عاجلا غير آجل يارب

جزاكم الله كل خير ...جميعا ........
والله يعطي كل وحدة اللي تتمنى...ويرزق كل محرومة الذرية الصالحة.....آمين..
الأخوات اللي سألوني عن الإجهاض على الخاص ( رح اكتب لهم على الخاص)والأخوات اللي يبغون أكتب هنا ..رح اكتب عن حالتي و الحالات اللي شفتها بشكل عام. واللي تبغى تفاصيل اكثر تراسلني على الخاص لانه صعب كتابة بعض التفاصيل ولولا فرحتي ونفسي كل محرومة تفرح مثلي واكنت كتبت سر احتفظت في طوال السنين ومأساة كنت ارفض حتى مجرد الكلام فيها مع اقرب الناس.


في كل مره كنت أحمل فيها يقولون يمكن السبب كذا,,,أو احتمال كذا وفي كل حمل أجرب أدوية جديدة...( نوع في كل حمل...)وبصراحة ما خليت طبيب ...ولا دواء...ولا مكان سمعت عنه..ولا ممرخه...حتى الكتب ألا جنبيه بهذا الخصوص حفظتها عن ظهر قلب.حتى ان الاطباء كانو مندهشين من خبرتي ومعرفتي بأدق الامور. ( لكن الله لا يضيع لي تعب ) المهم ما أطول عليكم..
طلبت من طبيب انه يطبق لي هذا العلاج وقال ماتحتاجين كل هذه الاحتياطات واجهاض وراء اجهاض..
بعدين
رحت لطبيبة متخصصة وممتازة( استشاريه في الحالات الحرجة)....وقال لي اصلا هذا هو البرنامج المتبع عندنا
قالت لي تتنومين وتكونين تحت المتابعة وطبعا بعد عناء السنين وافقت بدون نقاش...

ولما دخلت المستشفى تفاجأت و...جدت مثلي كثير جدا ...وكلهم تحت العناية وعندهم فوق الخمسة عشرة إجهاض وكلنا سبب الإجهاض عندنا غير معروف وكل وحدة تجهض بطريقة مختلفة لكن كلنا نفس العلاج ....يعني اللي تنزف واللي يخرج بعض الماء عندها او كله فجأة واللي يتوسع عنق الرحم بدون طلق او الم واللي أجسام مضادة واللي تخثر دم واللي,,,,شفت حالات عجيبة غريبة
قالت لي الطبيبة سأعطيك كل الأدوية الممكنة مع بعض حتى نأخذ جميع الاحتياطات لأنه منها فايدة ان شاء الله وليس لها ضرر وهي:
برجسترون (سايكلوجست)مو حبوب..حتى نهاية الشهر الرابع..
هيبارين من أول معرفتك بالحمل
حبوب مضاد ارثروميسين
اسبرين أطفال
وطبعا الفوليك من اول الحمل لآخر يوم في التاسع ..وعملية الربط في آخر الشهر الثالث( الله يرزقني وطبعا الموضوع يستاهل كل التضحيات)
والحديد والفيتامين والكالسيوم وطبعا الراحة الشديدة حتى اني تنومت على ظهري لأشهر في المستشفى

واهم نقطة:
ممنوع الجماع حتى الشهر الثامن.....
وهذا العلاج متبع مع جميع المريضات إلا أن البعض يضاف لهم حبوب الغدة الدرقية ( اللي عندها فيها مشكله)
وعند المغص او الطلق فورا,,,,يوتوبار....
بالمناسبة قرأت لطبيب متخصص في الإجهاض في أكبر مركز إجهاض في أمريكا انه يتبع هذا البرنامج مع جميع المريضات من باب اتخاذ كل الاحتياطات ...
وصدقوني كنا كل يومين ثلاثة.... تخرج من المستشفى وحدة ومعاها بين يدها طفل...وحالات الإجهاض كانت شبه نادرة حتى أنى تفجأت جدا...وصار عندي أمل كبير انه يصير عندي أطفال كثير وعقبالكم يارب انا كتبت بالتفصيل عشان اللي يبغى يستفيد

وفي نقطه مهمة جدا الراحة النفسية وعدم القلق والله يابنات كل ماافر في الحمل او ازعل فورا احس بمغص مثل الطلق والشهادة لله كان زوجي خير معين وضحى تضحيه غير عاديه وراعاني الى اقصى درجة ....... حتى اني فترة حملي اعتزلت الناس عشان ابعد عن القلق(طبعا ماعدا امي واخواتي الغاليات اللي وقفوا جانبي طول السنين اللي فاتت الله يجزاهم خير....

واخيرا اتمنى اني افدتكم .....وهذا رد لجميل بنات عالم حواء

اختكم جــــــــــــــــــــوري

الف مبروك ياأختى والله يجعلهم انشالله من الذريه الصالحه ويرزقج اخوان لهم ...

الله يعلم انى فرحتلج وايد لما قريت موضوعج ....

والله يسهل على ولادتى وعلى كل وحده حامل ويرزق كل وحده ماعندها عيال يارب

يابنات نصيحة.........

كل وحده عندها مشكلة اجهاض تشتري من المكتبه كتيب ........اسمه (تجنب اسقاط الحمل)مترجم لطبيب امريكي...رح تلاقين فيه كل التفاصيل والاسباب والتحاليل المطلوبه...كتاب اكثر من رائع....حتى اني اهديته لبعض الاطباء.....

وسلامتكم

الحمدلله على السلامه

الله يحفظهم يااااااارب وتشوفيهم مثل مااااااااتبغى امين يااااااااارب