السلام عليكم ورحمة الله وبركاته
الصراحه حبيت اقول لكم موضوع طبعاًانتم عارفين زيت الحييييييه وما وصل له من شهره انا ما عرفتها غير من هالمنتدى الجميل
عاد انا شعري متقصف واتمنى يطول ومن كثر ماداخ راسي :D من سيرة زيت الحيه فصفصت في المنتدى علشان اعرف مكانه ويين بالرياض واخيرا وجدت إحدى الاخوات قالت انه موجود عند عطار المحمود باسواق العويس وطرت من الفرح
المهم اني رحت اخيراً ولقيت الزيت فعلاً وقام الرجال سأل زوجي قال انتم جايين عن طريق النت والا احد دالكم قال زوجي اللي يعجبك!!!!!! هاهاهاها
المهم انه قال ان الكيلو ب400 ريال قمت اخذت نصف كيلو على اساس اجربه قبل ما اسافر وعلشششان شعري يزين وقال انه يستخدم من 3 إلى 4 مرات في الاسبوه وإذا ما اعطى نتيجه خلال 15 يوم رجعوه وخذوا الفلوس
بعدين استخدمته على شعري وانا خااااايفه مره لكن وش اسوي عاد شريته وبعد الاستحمام حسيت ان لمسه شعري اتحسنت شي~بسييييط والله يعيني على ريحته
هذا كل ما عني وسلاااااام
aml-alhayah @aml_alhayah
عضوة جديدة
يلزم عليك تسجيل الدخول أولًا لكتابة تعليق.
tagee
•
أم رضوى
عزيزتي ياريت تقولي لي اسم العضوة تمام التمام عشان اراسلها واسألها من فين هي جابته انا في الرياض ولاني لاقيته الله يسعدك جاوبيني
عزيزتي ياريت تقولي لي اسم العضوة تمام التمام عشان اراسلها واسألها من فين هي جابته انا في الرياض ولاني لاقيته الله يسعدك جاوبيني
حبيبتي صاحبت الموضوع وخيتك شاريه من عند المحمود هذا والبياع بالماريه اسمه فيصل الله لايوفقه ياختى باعنياه على انه حيه واخرتها طلع حشيش انا انصحك ترجعينه مثل ماسويت انا انتى بس جربيه اسبوع انتبهى لا تروح المده عليكي بعدين يقول لا خلاص
واذا رحتوا سوي مثلنا سوينا نفسنا بنشترى وعادى نسال ونقول تضمنه وترجع الفلوس قال طبعا وكان فيه ناس قلنا هاك رده انفجع مادرى وش يرد على طول طلع الفلوس وردها بدون كلمه وحده ووجهه يتقابس شرار
\
اتمنى لك التوفيق
واذا رحتوا سوي مثلنا سوينا نفسنا بنشترى وعادى نسال ونقول تضمنه وترجع الفلوس قال طبعا وكان فيه ناس قلنا هاك رده انفجع مادرى وش يرد على طول طلع الفلوس وردها بدون كلمه وحده ووجهه يتقابس شرار
\
اتمنى لك التوفيق
ان كنتو تقصدون عطار الحمود اللي بالعويس وطيبه فهو مشهور وبضاعته حلوه ومايحتاج دعايه
زائرة
•
الله لايعيد زيت الحية انتبهوا منه أنا ماني من الرياض ولما سمعت عن مفعوله السحري طلبت من زوجي يجيبه لي بحكم تواجده في الرياض وبالفعل جابه لي من عطار الرياض اللي بالعويس الكيلو بـ 400 ريال واستخدمته أنا واختي الشعر فعلا بدأ يلمع وينعم لكن وش الفايدة إذا كنت أصلا مأأعاني من تساقط وبعد ما أستخدمته تساقط شعري بشكل فظظظظظيييييع ونفس الحال أختي واستمريت عليه لمدة شهر على أمل إن الحال يتعدل ولكن للأسف نفس المشكلة ووقفته لكن بعد إيش وأنا الآن أدور حل لمشكلتي
الصفحة الأخيرة
بس حبيت انبه كل البنات لشغلات حاصله بالمنتدى من اول ماشاركت وهذي الحركات تتكرر
والله شي يخوف ترا في بعض البنات تروج لعطارين وهذا للاسف حصل وانا اتكلم بشكل عام مااتكلم عن هالعطار والبنت اللي قالت عنه بس شوفي رد الريال وعرفي شنو القصد انتوا يايين عن طريق المنتدى والا احد دلكم !!!!!!!!!! عطار متطور يعرف عن المنتديات للاسف في ناس قامت تنشر اسامي عطارين معينين والحركه مكشوفه عشان البنات اللي يدشون موضوع يشوفون اسمه ويروحون له يعني ترويج وانا قريت كم مره عن زيت الحيه واللي حصل مع بعض البنات من غش بسبته اهو وزيت الحشيش وجدايل للاسف الناس راحت ذمتهم فديري بالج يالغاليه والبنات بعد من هالمواضيع ومن هالحركات اللي حصلت وعدمت شعر بنات والسبه بعض العطارين النصابين