وأخيرا بتخذ قرااار..

قبل اسبوعين تقريبا كان لازم يدخل التوقيف من الليل للعصر وقال بتروحي تجلسي عند بنت عمي وانا رفضت قلت ماله داعي دامك بتطلع بكره اروح اثقل عالناس وعصب ومسك جوالي ومقلمتي وحذفهم عالجدار بكل قوته وقال انا نازل السياره وتلحقيني ولبست جيت ابي انزل لقيت الابواب كلها مقفله ووالمفاتيح ماخذهم معه وارست له وما رد ..عرفت انه قفل علي
وضاقت فيني وما عرفت من اكلم واوح ارسل لاخوي قلت ابيك تجيني ببيتي(اهلي بمنطقه ثانيه تبعد 260 كم) وفهمته كل شي وقال لو جيت اخذتك بيحط الغلط علينا انا اخذناك قال انا كلمته وقلت له ينزلك لنا كم يوم تغيري جو..وبس ساعه وزوجي يجي مع انه متوقف بس طلع وجايب لي ورد وجلس يتأسف وطنشته وخليته ومن وقتها لليوم وهو ماسك نفسه شوي ومتحكم باعصابه ما يعصب كثير..
وقبل ساعه وهو يتجهز بيداوم جبت لابتوبي وسالني ايش بتسوي عليه قلت عشان بحل واجبات واشتغل عليه للمشروع وقال حنا اجازه وقال نامي مو تطولي قلت لا نعست بنام وحذفني بالعلاقه ع كتفي قال لو جيت وانتي عليه لاكسره وجلس يدعي علي ويقول والله اني كرهتك وكلام كثيييير وانا ما نطقت بحرف واحد وطلع..
*الغريب اني وانا اكتب ردي هذا جا زوجي وقال لا تزعلي انا ما اقصد والكلام مو من قلبي وحلي واجباتك لين ما اجي قلت خلاص بعتذر والسنه الجايه بكمل عند اهلي قلت كذا اريح لي واريح لك قال ما بكون مرتاح لو رحتي..
والله تعبببببببببت من هالرجال مرررررره مو عارفه ايش اسوي..
احيان اقول خليني انفذ بجلدي قبل ما احمل واخلف منه واصير صدق مربوطه فيه ..واحيان اقول خليني اصبر واشوف وش اخرتها..

نسيت اقول ان زوجي فيه نفس ومره وحده راح لشيخ وقرأ عليه ومن يوم ما تزوجنا واخواته وامه يقولن فلان ما كان كذا من يوم ما ملكتوا وهو متغير ورفض يروح لشيخ ابدا..وقبل فتره من كثر المشاكل تخيلوا نكون جالسين وفجأه يجلس يعصب ويهاوش كذا ووعدني يروح لشيخ بس ما راح ..
وهو عمره 32 ..

والله اللي يمد يده علي ما اقعد دقيقه
وانتي استخيري وشوفي

ما بيدي الحين الا اني استخير واشوف خصوصي اني تعودت ع بعده عني صحيح ما نطلع كثير بس كل واحد فينا جالس بغرفه لحاله ومقفل ع نفسه ..صرت ارتاح اكثر وانا بعيده عنه
والله يكتب لي اللي فيه الخير وييسره لي..

تصرفات المحشش كذا ويزيد مع الايام ومستحيل يتركه وانت اللي بتتعبي معاه وحده قريبتي جوزها كذا بس هي ماتدري انه محشش سنين صابره عليه شكاك ويضرب وبعدين يرجع لها زي الطفل تعبت معاه لما اكتشفت انه يحشش تطلقت بعد عشرة 18 سنه وتركت عيالها نصيحه انفذي بجلدك ولاتضيعي يوم من عمرك معاه