السلام عليكم ورحمة الله وبركاته
أخواتي العزيزات شلونكم؟
ان شاء الله بخير
تدرون انه انا اكتشفت سر خطير خطير خطير ....(شالسالفة خوفتينا)
والفضل يعود للشيف اسامة الطيب....أأأأأأأأأأاقصد السيد
دخت وانا ادور على وصفة صلصة الثوم (الثومية)اللي يقدمونها بالمطاعم اللبنانية
طعمها يجنن وما ينشبع منها
دورت بالنت وما لقيتها.......
دورت بالمنتدى وماكو......
كل الوصفات تكول بطاطا مسلوقة و زبادي وووو
وكلها ماتعطي نفس النتيجة الاصلية
وحتى مرة سألت بمطعم وقالولي انها صعبة وما تتسوى بالبيت....اعوذ بالله..سر المهنة كلمة ما تطلع منهم
لحد ما أيست وخضعت للأمر الواقع انه خلاص صعبة وما راح القاها
الى ان
كنت في يوم اتفرج على برنامج مع اسامة اطيب بالصدفة لأن مو دايما اتابعه
واتصلت فيه وحدة وسألته عن طريقة الثومية
وقالها...قالها....قالها....
اخيرا عرفتها
فرحت وااااااايد وركض على المطبخ
اجربها
وطلعت النتيجة وااااااااااااااااااااو اطيب حتى من المطاعم
واليكم الطريقة بعد ما دوختكم بالكلام (sorry)
نبدي بسم الله
3 زلال البيض (بياض البيض)
كوب ونص زيت نباتي (مثل دوار الشمس أو الذرة)
لا تستعملين زيت زيتون عشان اللون ما يكون غامق....انا استخدمت زيت اولايت كوب واحد بس
ثوم فص واحد كبير مقشر
ملح
تقريبا ملعقة اكل عصير ليمون حامض حسب الرغبة الشيف ماذكرها بس بالمطاعم احسها حامضة شوي
الطريقة :
تحطين بياض البيض والثوم والملح في الخلاط
واذا عندج الخلاط اليدوي من براون ولا غيره مع الوعاء تبعه يكون احسن
وتخفقين الخليط لحد ما يكون رغوة خفيفة
بعدين تبدين تضيفين الزيت مثل الخيط
بالضبط مثل طريقة المايونيز
وشوية الحامض بالتدريج
وتكون النتيجة مثل هالصورة من مطبخي
النتيجة طعم الثومية الحقيقي جنااااااااان
قدميها مع المشويات وعلى ذوقك
جربوها وادعولي بالخير
والموضوع من جهدي الشخصي فرجاءا ذكر المصدر عند النقل:mad:سمعتوا وش قالت ذكر المصدر
واقولها سمعاُ وطاعة يااخت pinky strawberry:blink:
جاااااااااااااااااااااات بوقتهااااااااااااااااا