وما دورك أختي في تنسيط زوجك , حاولي بكافة الأساليب , ولا تيأسي ..

فهذا من واجباتك , ولا تنسين ان كلنا عيوب

شوفي حبيبتي اذا هو كذا (توني اشوف ردك ) تراى فيه ناس كثير مثل زوجك
والله والله والله انه الصمت كان مخيم على بيتي لدرجه مريعه وفعلا الاهل اذا هم ماهم ونسين ياثر على اولادهم انا ام زوجي طول يومها تشتغل وحتى اولادها علمتهم فقط عمل من غير استمتاع الله يهديهم كل ما كان الانسان متفاعل كل ما اثر ايجابيا على حياته
لكن الشكوى لله
انسيه انك متزوجه انا كذا اخر ماتوصلت له بعد سنتين قتل كل فرح في داخلي بس لحقت عمري وطنشت حتى كنت احلم كثير

والله يوم انسافر على قولتك اقوله ابي سوق يقول بلدنا كلها اسواق طيب سينما ( احب الرومنسي لاني فاقدته ) ايقول مين يدخل سينما في هذا الزمان الى المراهقين وش رايك ؟؟

عيشي حياتك صادقي نساء واخرجي وتمتعي معهم لانه مافي شعور راح يبادلك الى انك تستني الايام مع محاولاتك الى تقدري عليها بدون ماتستني رد فعل منه ان شاء الله يغيره الى الافضل
والله اغلب البنات لهم ذكريات ايام شهر العسل والله مافي اي ذكري الى الصمت

الحمد لله بعد 8 سنوات فيه تغير بسيط بس املى بالله انهم يتغيرو للافضل بدون معاصي
ويصيرو لنا ازواج واصدقاء







لاتتوقعي ان حلمك يتحقق بدون احباط بس هذي هي الحقيقه بس انتي تمتلكي احلامك الى تحقيقيها لنفسك واولادك
ارضي زوجك لرضى ا لله هذا الى اقدر اقولك من ناحيته والله يهديه

قلبتي علي المواجع
انا اللي عندي نفس الشي من الدوام على التلفزيون على النوم
ولا يحب يشوف احد ومسكر جواله وفاصل تلفون البيت
وشكله تقولين ابو ستين سنه مو في الثلاثينات
بلا طموح وبلا مستقبل
بليد ومكشر 24 ساعه
لنا الان 5 سنين كلمته مليون مره كلموه الناس
يقول انا كذا وماراح اغير نفسي
غير البلاوي اللي سدت نفسي عن الحياة حسبي الله عليه وعلى اهله اللي يزوجون واحد زيه

الله يعينك ويقدرك وتساعدين زوجك في اخراجه من ها الحاله
اهم شي حاليا انك تأملين نفسك وتقولين رح اساعده ويخرج من ها الحاله.
ثم روحي موقع ممكله بلقيس وسجلي وضعي استشارتك للأستاذه ناعمه الهاشمي
وان شاء الله تساعدك في اقرب وقت
وحطي في بالك ان هذا زوجك ابو عيالك وسعادتك تعني اسعاده واسعاد عيالك
انا حاسه فيك بس حابه اقولك لا تكونين سلبيه خليك متفائله وقولي كل مشكله ولها حل
ورح تحسين بالسعاده لما تشوفين زوجك سعيد ويقضي وقت في ممارسة هوايه معينه او في
نقاش هادى معك.والله يوفقك ويفرج كرك ويريك الحق حقا ويرزقك اتباعه.

لو احكيله نكته ... ما بيتفاعل كثير
فهو أحيانا كثيرة لا يفهم النكت !!

أشعر بان في عقله جمود غريب
ليس لأنه غبي ! لا فهو متعلم وناجح

ولكن المرح في الحياة والهوايات والنشاطات تزيد طاقة الإنسان وذكاءه ولماحيته
عقله دائما منشغل بعمله وهمومه والامور التنظيمية
فكيف سينتبه للنكت والمزح !!!!


وأخاوتي اللي قالوا عيشي حياتك لوحدك دونه !!!
هذا طبعا مستحيل ولا يمكن لامراة متزوجه أن تستطيع ذلك!!!!
الإنسان مخلوق اجتماعي يحتاج لمن يكلمه ويشاركه اهتماماته وأفراحه ، يحتاج لأشخاص قريبين منه جدا يتفاعلون معه !!
لا يمكن للإنسان أن يعيش وحيدا دون أحباب يتقاسم معهم الفرح والحماس ...
والمراة المتزوجة ليس لها إلا زوجها
لا تقولوا أهلك وإخوانك !! كل منهم مشغول بنفسه !!! عدا عن أني بعيده عن الجميع لا اراهم إلا بالسنة مرة ...
لا تقولوا صديقات !!! فكل امراة مشغولة ببيتها واطفالها !!
والصديقة أراها كل فترة نجلس للتسلية والمجاملات ساعتين وتمضي كل منا لسبيلها!!

السعادة مع من يعيشون معك في كل لحظة !!!

اختي لؤلؤة الاكل مثل ما ذكرتي تماما ... حتى الثقافة العامة ما في !!! شيء يقتلني فياعماقي
ما أصعب الشعور بان الزوج فارغ في معلوماته وخبراته , كم اتمنى لو ألجأ له في أي أمر استصعبه !!

لو تعلمون صعوبة الشعور , حين يسأله أحد أطفالي سؤالي ويسرع بالتلميح لي لأجيب الطفل لانه لا يملك جواب!!!
والغريب أنه متعلم ! ولكن لا شيء يشده للقراءة والثقافة العامة ... لا شيء يشده لمتابعة برامج ثقافية أو سماع محاضرات او الاشتراك في دورات ... وهذا شيء عجيب لأن أي انسان لا بد أن يحب واحده من هذه !!!