وأخيرا قصة ولادتي اللهم لك الحمد والشكر

السلام عليكم ورحمة الله وبركاته

كيف حالكم حبيباتي ولهت على هالقسم وااايد

اول شي السموحه لو لقيتو اخطاء مطبعيه لأني داخله من الايفون

بس قلت ادخل اكتب لكم قصة ولادتي بالتفصيل

واحب انصح كل بكريه ماتخاف من الولاده اهم شي تقرين الادعيه وسورة الزلزله لها الأثر الكبير في تسهيل الولاده

طبعن ماقول انه مافيه الام لا فييييه بس أكيد فالنهايه راح يروح لما تشوفين نور عينج حاطينه على صدرج هاي كم تسوا

المهم نرجع لمحور حديثنا خخخخ

اول شي أباكم تصلون على النبي تذكرون الله ولان العين حق بس حبيت اخبركم عن ولادتي عشان البكريات مايخافون من شي اسمه ولاده وفالنهايه التساهيل من الله

ولادتي كانت في تاريخ 5-6-2011

المهم قبل ولادتي زوجي سافر وانا كنت اصييييييح لأني كنت خائفه إربي وهو مش موجود لان كانت اتيني اللام نفس الدوره بين الخفيفه والقويه الم فالظهر والبطن والريل طبعن كانت تزيد لأني تضايقت وااااايد يوم ريلي فاجأني بالسفره :(

المهم في تاريخ 4-6 الألم زااد وانا كنت خائفه مع تحجر البطن قلت لزوجي طبعن هالوقت رجع من السفر الحمدلله

قلتله ابي اروح المستشفي المهم الساعه 1 فالليل وداني المستشفي اللي اراجع عندهم قاتلهم احس أني بربي والم سوولي تخطيط قالت مافيه ولاده روحي البيت. طبعن ولادتي كانت فالاسبوع 37 و 5 ايام

المهم قالت لا أتين الا لما ينزل ماي او دم المهم رديت البيت ونمت

في يوم ولادتي الساعه 8 المسا خذت موعد في مستشفى خاصه قلت ابي اسوي سونار يمكن تكون اخر صوره وسبحان الله كانت اخر صوره

والحمدلله هالدكتوره ممتازه المهم سوت صوره وقال خليني اكشف على الرحم نتطمن قلت أوكي ولما كشفت انصدمت وقالت انتي ولااااااااااااااده الرحم مفتوح 4 ماشاالله لا قوة الا بالله

قالت لا تطلعين من عندنا إولدي هني طبعن مارضيت قلت لها ابي اولد فالمستشفى الحكومي اللي اراجع عنده

المهم طلعت وصدمت ريلي بالخبر هههههه وهو خاف قال يلا على المستشفى

قلتله اصبر خبر امك وانا بخبر أمي هع

رحنا البيت كانت 9 دخلت الحمام والا اشوف دم

لان هذيك دخلت ايدها وكشفت فنزل معاي دم

الساعه 10 قلت لريلي يلا المستشفى ورحنا أنا وهو وامه

طبعن أمي مالحقت علي ولادتي لانها من منطقه ثانيه بس اول ماولدت دخلت علي فديتها

المهم رحت الطواري وقلت لا هالمره ولاده :)

قالو كيف عرفتي قلت فيه دم قالو الآلام كيف قلت كل 10 دقائق

وحطولي التخطيط :( وقالت انتي بكريه. وتوج فالاسبوع 37 يعني توه الناس

قالت اكشف علي الرحم اشوف طبعن أنا ماقلت لها أني رحت عياده خاصه وان الرحم مفتوح

لما كشفت قالت وااااااااو 4 سم ولاااااده ههههه وقالت خلاص ماتطلعين

خلصت التخطيط الساعه 12 الصبح وقالت يلا نروح لعنبر ماقبل الولاده وآلام قام ايي كل 7 دقائق رحت فوق وركبولي التخطيط :( لين الساعه 1 وعقب الألم قام ايي كل 4 دقائق قالت يلا امشي شوي وعقب نروح الولاده

وانا بعدني مش مستوعبه الموضوع ههههههه ام زوجي تصيح وتدعيلي وتقرا علي فديتها مافارقتني

رحنا الولاده أنا وأم زوجي وزوجي وقالت بدلي ملابسج

أنا اول ماشفت غرفة الولاده خفففففففففت وقامت اتيني الآلام القويه :(

بدلت ملابسي وقالت امشي شوي قلت ماقدر لان الألم قووووووي ركبت المغذي وأنا كنت اصرررررخ قلت لا بدا الجد هههههه الألم كان ايي كل دقيقه وماقدرت امشي وزوجي عصب علي لان كنت اصرررخ حشرت المستشفي

يقولي لاتصارخين بس صيحي لو تبين تصيحين ههههههه يستهبل علي قلتله اقولك اسسسسسسسكت عني

النيرس تسويلي مساج كل مازاد الألم وانا كنت اتنفس وعقب قالت خلاص نروح الولاده

وانا مييييته من الخووووف قالت خذي الأكسجين والله فديته خفف عني الام ههههه زوجي واقف عند راسي وام زوجي ورا الستاره تصيح وانا اصاااااااااااااارخ

فكوا ماي الجنين وطبعن أنا في عالم ثااااااااااني

يقولون لي يلا شدي وانا اشد

اخر شي تخدرت كنت بنام هههههههههه وشلوا عني الأكسجين قالت يلا بووووش وطلع حبيبي ولدي ونور عيني على الساعه 4 الا ربع تقريبا

وعقب نظفوني وسؤوولي خياطه وأااه من الخياطه :( الم فضييييع حتي مع الأكسجين

والحمدلله رحت غرفتي وحمودي في حظني حبيبي

وهاي كانت قصة ولادتي والحمدلله الله سهل علي

الحمدلله ماشاالله لا قوة ألا بالله قولو ماشاالله

والسموحه منكم