من زمان على ده القسم امكن شهرين ووحشوني كتير عضوات فيه ..
ما حأطول بالكلام بس اظن الي مداومه على ده القسم حتعرف قد ايه انا عانيت من سواد المفاصل ..
وكح كح بحكم تجربتي مع سواد كل منطقة بالجسم ، فوالله اني اشوف أصعب سواد في الجسم تعبني ليروح الي هو المفااااااااااااااصل ..:06:
يدي ..
وماادراك مايدي ، هي ومفاصلها ونمشها ..
مشكلتي اني كنت مهمله نفسي مره ، بس منجد اشكر حواء لأنو لما انضميت ليها ودخلت ده القسم يالله استفدت كثير ..
وتغيرت اشياء كثيره الحمدلله ..
عليا سواج مفاصل يفجع يالطيف وكان يفشل وزي ماقلت زمان انو كنت لما أتجاذب اطراف حديث مع حرمه ، والله عيونها على يدي ، واعذرها من حقها تنصدم ..
مافيها انوثة أطلاقا ..
والله تصدقو لو قلت لي شهور كثيره أهتم بيها بكل شئ يخطر على بالكم لحتى الحين صارت يد أنثى أخيرا بس تحتاج كمان استمرارية وتصير تمام ..
وحأقولكم كل شئ بالتفصيل بس اصبرو ...
انا جربت يابنات الليمون لفترة و كل يوم مع الملح ، وترا و حسيته خف النمش + انو يبيض اليد نفسها واصابيعي ، بس نفس المفاصل فيالطيف مااتغير وان فتحت فذرة لاتذكر .
جربت احط سمن على يدي وألبس جاونتي قطني لفترة مش طويلة والنتيجة نعمت يدي وتطريه + تبيض اليد ، بس المفاصل نووووووووو:06:
جربت طريقة الي هي بيكربونات الصوديوم مع نص ليمونه وشوي زيت زيتون ، ادلك بيها يدي وبعدين ألبس قفاز بلاستيكي لمدة ربع ساعه وبعدها أدلك بببقايا قشرة الليمون ،، واستمريت على كذا تقريبا لمدة شهر وشوي!!
بس والله فتح يدي وخف النمش بس نفس المفاصل مافتحت إلا 35 :09:
قلت يالله كل ده الجهد ويفتح نقطة نقطة وغير الجهد والوقت وتركتها ووالله ياست ...
وهنـــــــــــــــــــــــــــــــــا وجدت المخلص الاخير ..
كنت مسافرة المدينة المنورة عشان زيارة الحرم النبوي المهم وكنت اروح للأسواق الي تحت الفنادق الي جمبها لأشتري ذكريات من الحرم وكذآ ..
بس شفت كريم واضح انه مبيض زي كيلي ، بس والله ماادري ليه قلبي قالي اشتريه ..
فتحت علبته وانا بالمحل وشميته ، ووالله والله يابنات انه يشبه ريحة الخدامات الاندنوسيات ..
متأكده انكم حتضحكو بس والله العظيم نفس ريحتهم ، وهي مش ريحة شينه ، بس انها ريحتهم حتى شممته لأخواتي قالو والله من جد :hahaha:
قلت ياسلام شكلو دي من اسرارهم ..
فأشتريتها ب15 ريال بس ..
هذي صورته ..
طريقتي في استعمالها ......
قبل ماانام ، اغرق مفاصل يدي بيها بده الكريم الاندنوسي
وبعدين أغرق يدي كلها بفازلين ، تعرفو ايش يعني أغرق ، يعني يدي تسبح بالفازلين ، وبس وع طوول أنام ..
وأصحى ويدي قطنننننن نعووومه ...
دي صورة الفازلين
واستمريت على كذآ كل يووم ونسيت نفسي حتى خلصت العلبة ..
و سواد مفاصيلي راااحت:32: .
بس ترا صبرت حتى خلصت العلبه ، مش كل شوي أشوف النتيجة وأدقق ، لالا بل استعملية وانسي نفسك
فالي تروح الحرم لاتنسى تأخذ صورته وتوريه للرجاااال لحتى يعطيها زيه ، واهم شئ احفظو صورة الحرمه الي ع الكريم :35:
وايه صح بنات ..
الي تعاني من نمش بيدها ، فاوصيها بكريم زبدة الكاكاو بسسس بدون اضافات ..
وغرقي يدك فيه قبل ماتنامي ، وحتلاحظي كيف النمش يخف بالتدريج ..
ده الشئ لاحظته خلال رحلتي مع سواد مفاصلي ..
ياربي الحمدلله والله مش مصدقه ..
شكرا لكي ياحــواء :hearts: