السلام عليكم
يسعد صباح ومساء كل وحده فيكم
وكل عام وأنتم بخييييييييير
جعلها الله سنه نصر وسعاده وفرح وخير وبركه وعافيه لكل المسلمين ..قولوا آمين
بنات طبعا من عادتي يوم الجمعه
لازم أصلي العصر برا في مسجد وبعده تكون محاضره اذا مافيه طلعنا نتمشى بعد الصلاه
عاد أمس سبحان الله مافي محاضره فقلت لأبو الشباب نبي نتمشى في هالجو الزين
العالم كلهم في الثمامه أنا بس بألفلف مناا ومنااااك خخخخخ:hahaha:
ونأخذ لنا فطاير وثلاجة الشاي معاي
ونجلس في حديقة القاسم اللي في شرق الرياض يعرفونها اللي في حي الروابي
وماااااااشااااااء الله ملياااااااانه نااااس :32:
وجلس اوليدي وبنيتي يلعبون بالسيكل <<<ولدي يقول لاتقولي سيكل قولي دراجه متأثر ببراعم
ونتقهوى وقال زوجي يالله قومي خلاص زحمه مررره المنتزه وتعرفون عصرية الجمعه لازززم نستغلها بذكر
ركبنا السياره وقلت خلنا نتمشى بالسياره مابي أرجع البيت الحين
وشغلنا المسجل على جزء عم وولدي وبنتي يتابعون مع الشريط عندهم حفظ
ونمشي ونمشي شوي الا احنا عند قصر الملك عبدالله :32:
قلت لزوجي بالله ادخل من هنا أبي أشوف وش فيه جوه قال ولدي ايه يابابا
أبغى أسلم على الملك عبدالله ونروح من ورا القصر ..
الا فيه بوابه مافي أحد عندها ونروح نلاقي بوابه ثانيه كمان مافي أحد
قلت متأكدين ان هذا القصر قال زوجي ايه متأكد
ونروح ونلاقي بوابه عندها شرطييين وأشر لزوجي ونروح الى عنده قلت بالله قول له ولدي يبغى يسلم على الملك عبدالله
قال اسكتي انتي صاحيه ؟؟
قلت بالله قوله يمكن يوافق متحمممممسه أنا ,, مارضي زوجي الله يهديه
قلت طيب أنا بأنزل بأعلمه عن شروط حااااافز
والله زوجي حلف ماتنزلين لأنه عارفني حاطه الموضوع ببالي ويقول الشرطي ليش تمرون من هنا
وأنا أبغى أصيييييييح أبغى الملك عبدالله بس كيف سكت مدري
قال زوجي غلطنا معليش <<يصرررف الاخ
وجتني صيحه بأنزل أعلم الملك تكفـــــــــى بس أبقول
شوف وش يسووون اللي وكلتهم يعطونا الالفين
كرهناها ياملكنا المفروض اليوم 1/1/1433
تكون نزلت في حساباتنا كلنا العاااااطلين
والله يابنات لو خلاني زوجي كان دخلت ولاهمني لكن الله يهديه يقول الله لايحوجنا لأحد
وبس هذي حكااااايتي البارحه
الله الله يابنات اللي عندها شي تبغاني أوصله للملك عبدالله تقولي انا في الخدمه
ماعندي مانع المره الجايه بأروح عنده أقصد الجمعه الجايه ان شاء الله هههههههه
,,,,,
بليييييز النفسياااات لايردون وشكرا لكل من مرر من هنا
دلوعه للأبد @dloaah_llabd_1
محررة فضية
يلزم عليك تسجيل الدخول أولًا لكتابة تعليق.
عادي بأحلف ما روح من عند الباب الا لما يدخلوني ولا سويت مظاهره ههههههه
محد يرد الضيييف خخخخخ
محد يرد الضيييف خخخخخ
رحتي عند الملك عبدالله
لالا ماصدق
المرة الجاية خذي معك ثلاجة شاهي وقهوة وحلى وروحي عنده وسلمي على عياله وقوليله ام زياد تسلم عليك
وصوري لنا بيته وكل شي وصوريه هو بعد
ونزليها هنيا
لااوصيك عاد>>>ايه هين فاضي لي انا ووجهي هع هع
لالا ماصدق
المرة الجاية خذي معك ثلاجة شاهي وقهوة وحلى وروحي عنده وسلمي على عياله وقوليله ام زياد تسلم عليك
وصوري لنا بيته وكل شي وصوريه هو بعد
ونزليها هنيا
لااوصيك عاد>>>ايه هين فاضي لي انا ووجهي هع هع
الصفحة الأخيرة
الله يعوضنا على حافز يارب
من البدايه ماكنت متحمسة لها وتوقعت اللي بيصير وربي