وأما بنعمة ربك فحدث

السلام عليكم
بدخل في الموضوع سيده انا مااعرف مقدمات وهالسوالف..

قبل فترة يابنات استلفت من احد مبلغ على اساس اني ارجعه قبل شهر وفنفس الوقت استلفت من امي على اساس ارجعه بعد شهر.. وصارت معاي مشكله وماقدرت ارجع المبلغ.. الاثنين محد فيهم سالني عن الفلوس وقلت الحمدالله مرت ثلاث شهور وامي بدت تطالب بالمبلغ وانا ماعندي شي وكل مرة اتهرب بجواب.. ومر شهرين بعد وبدا الي تسلفت منه يتصل وانا اتهرب وماعرف شو اسوي قاعده خمس شهور يشهد الله علي انه ماعندي فلوس ابدا ولا شي... قبل تقريبا اربع ايام صرت ادعي الله واقوله يارب انت تعرف انه نيتي لما استلفت هالمبالغ اني ارجعها في خلال شهر وماكانت نيتي ابدا اني اخدها واسكت يارب انا صارلي خمس شهور او اكثر دون ولا ريال في ايدي يارب ماابي منك شي يالله غير انك بس تعطيني هالمبلغ عشان اسدد الي علي ذكرت المبلغ بالضبط لاناقص منه ريال ولازايد منه ريال قلت يالله انا لنفسي ماابغي شي بس برجع الي علي.. والله يابنات والذي لا اله الا هو الا يومين بس يومين بس وتجيني فلوس والله عالظيم اكثر من الملبغ الي ذكرته بضعفين اي والله.. ان الله لايعطيك ماتطلب ولكن يعطيك اكثر مما تطلب...

والله عمري ماتوقعت انه هالمبلغ يجيني لا وتحديدا من الي عطتني اياه سبحان الله سبحان الله سبحان الله..

رجعت لامي فلوسها واتصلت على الشخص قلتله متى ماكنت فاضي تعال مر البيت بعطيك فلوسك واسفه على التأخير..

وسبحان الله كنت قاعده بيني وبين نفسي اقول في شي ابي اسويه بس بينقص من فلوسي جي يعني وتضايقت لانه شوي مكلف جات اختي الصغيره وعطتني مبلغ اقدر اسوي فيه الي كنت افكر فيه سبحان الله سبحان الله سبحان الله..

والله مادعيت بدعاء معروف يعني كل الي سويته انه كلمت الله بلهجتي العاميه شكيت الحال بلهجتي بس لاني مااعرف انمق الدعاء واقول افضل الجمل تكلمت بلهجتي بس..



عقبال مايفرحكم جميعا يارب