وقـار @okar_2

عضوة نشيطة

وأنا أسولف ، قال لي بغضب : فكّـيـنا ، يعني اسكتي !!!!

بسم الله

ولاحول ولاقوة الا بالله

تصوروا يابنات

بعد ماتعشى زوجي وأنا أروح وأجي في خدمته وأولادي ، قال لي هالحين وراه ماتجلسين ، اجلسي يكفي دوران

جلست

وكالعادة

لايسولف لأن الزوجة في نظره لاتعطى المهم من السواليف
وإذا سولف فهو : وش سووا الاطفال وش قالوا بروحتي
والا وش قالوا بهم الناس ، والا يسولف بالأكل والا بخرااااااااابيط
قدّ عقل المرة على باله

المهم وأنا اسولف بسولافة عامة والا هو بغضب يقول : فكينا

يعني خلاص لاتسولفين

قلت بكل هدوء : خلاص أفككم مو أنت تقول اجلسي !!!!!!!

وحلفت بيني ونفسي إني إن جلست ماأفتح فمي بسولافة

وإن طلبته طلب مرة وحدة وبس

والله لا أحقره
ولا اجلس قدام وجهه إلا لماما " قليل جدا"

خليه يحس بقيمة الآدمية اللي جالسة جنبه

وإذا تكلم بشي ارد له بأقصر الكلمات

بنـــــــــــــــــات

وش رايكم تأيدونني

صح ماعزمت عليه والا لا؟

مع العلم زوجي شمالي غربي

انتظر ردودكم وتوجيهاتكم

يلزم عليك تسجيل الدخول أولًا لكتابة تعليق.

تسجيل دخول

خجل نجد • 13 سنة

يمكن كان متضايق تري حنا الحريم مانراعي شعورهم ماعلينا منهم بس نبغي نفضفض
خبرك الرجال عقلهم بكل جهة شغل سيارة .... الخ
بالعكس خليك عاديه

غدو: • 13 سنة

الله يسخره لك يااارب ويحنن قلبه عليك يالغاليه لا تشيلين بخاطرك يمكن كان متكدر من شي فلا تتدققين مره كل الرجال كذا تجيهم اوقات ما يحبون يسمعون احد

ميراج222 • 13 سنة

مو كدة تنحل الامور خليه لما يروق اجلسي بجنبه وبكل هدوء حاوريه ناقشيه وقولي كل الي في قلبك
تراه الصد والسكوت يكبر الفجوة الي بين الزوجين بالحوار تتعالج كل الامور
بكل دلع وثقة في النفس قولي له يا حبيبي ويا عمري ليش تشوفني ناقصة وليش دايما تقمعني انا احبك واغليك ونفسي نسولف معك ومن دا الكلام طبعا انتي وشطارتك ولا تخلي شيء في قلبك
وصدقني ان شاء الله مع الحوار تنحل مشكلتك
الله يسخر لك زوجك

أُنشودة المطر • 13 سنة

وقتها اكيد كان طفشان
لا تشرهين عليه
أنا زوجي اذا كان طفشان أو تعبان أو نعسان يقول هذه الكلمة
وعادي اخرج واسيبه يرتاح ولا كأن شيء حصل

وقـار • 13 سنة

ياااااارب
قلبي متكسّر من كل جانب من تصرفاته
وبإذن الله راح انزل موضوع عن كذا

مشكورات ياللي رديتوا الله يجازيكم بالخير