هلا فيكم حبايبي..
حبي الخالد..
يا الله بإذن الله نستمر.. خلونا نشجع بعض با ستمرار..

بنت الحرية ملاك..
هذا جهاز رهيب يصقل الجسم خلال فترة بسيطة.. لأنه يحرق سعرات كثيرة خلال وقت قصير.. ويركز على الأرداف والزنود.. لكن مشكلته أنه متعببببببببب جداً.. علشان كذا يحتاج تحفيز وعامل دفع قوي علشان تستمرين عليه..

أشواق الطفولة.. حراااااااااااااااام عليك نص ساعة مرة واحدة..؟!!!!
يا أختي أنا أخوي يلعب رياضة في النادي وهو بطل في رياضات كثيرة مثل الجودو والتايكونود وعضو في المنتخب.. وما شاء الله على جسمه..
تحداني أنه يجلس في النادي على هالجهاز نص ساعة وبالموت قدر.. يقول بغيت أموت من التعب.. لولا الله ثم تشجيع المدرب..

هالمرة تبينا حنا أمهات العيال اللي هلكانات من التعب نجلس عليه نص ساعة!! حنا يالله عشر دقايق ونهلك..

بس تدرين والله كأني ودي أجرب.. نص ساعة.. يا سلام ما أتخيل.. إذا كانت 10 دقايق صقلت جسمي شلون نص ساعة؟؟ أكيد شي رهيب..
خليني أجرب الليلة وأرد لك الخبر..
إلا أنتم شرايكم بنات؟؟
:26: :26: :26:

انا اقعد عليه 25 دقيقة الي نصف ساعة ..

بس ماجا هالوقت من فراغ كان من 5 دقايق وزودهم الى 30 دقيقة وساعات اذا تحمست 35 او40 دقيقة والله مابالغ او اكذب ..

بس لاني كنت في فترة ابغى انزل وزني بسرعة وفعلا انشد جسمي عليه مررررة ..

بس 10 دقايق ماتكفي اقل شي 20 دقيقة ..

انااااااااااااااااااااا معااااااكم يااحلواات
انا قبل فتره شريته ومالعبت عليه الا شوي وبالكثير 7دقاايق ومره وحده صاارت ولا الباقي 1دقيقه او 3:(
لانه متعب شووي وبعد اتكااسل مع خطيبي كل يوم يحطمني:(
بس خلاااص
اليوم بلعب عليه ربع سااعه وبشوف اذا قدرت شجعوووووني :)
ومشكووره ياارسيل على الفكره مره حلوووووووووه:26:
بس تصدقين للحين مافهمت كم السعراات الي يحرقها انا احطها على الساعه اوكي طيب الي فوقه وشو؟؟؟معليه تحملي اسئلتي شوي
وكيف اقدر زي الي رديتي علي اخليهم كلهم؟؟واكتبي بالانجليزي يعني زي ماهو مكتوب لاني مااعرف انا Eوهذا الي موهقني
اختك
ليوووونه:27:

وبعد معنا اختي:)
الحين هي راااحت تلعب 10دقاايق تقوول تشجعت لمى قرت المضووع:)

هلا يا بنات يا نشيطات..
يا الله أنا اليوم لعبت عليه 10 دقايق.. لكن 5 وبعدين 5.. صحيح شوي لكن أحسن من ولا شي.. المشكلة هالأيام دايم مشغولة سبحان الله..
لكن بصراحة تحديك يا أم سارونا عجبني.. ودي أوصل للنص ساعة بإذن الله..

هلا ليان.. تصدقين كنت أنتظرك هنا.. يا الله شدي حيلك.. خليك خطيبك ينجن على جسمك بالعيد..

شوفي ليان.. أنتي الآن يطلع لك رقمين صح؟ واحد فوق.. خليك منه هذا السرعة.. لا تشوفينه..
شوفي اللي تحت.. هل هو ثابت أم يتغير كل شوي؟ اضغطي الزر الأخضر mode ضغطة وجربي شوفي هل صارت الأرقام اللي تحت تتغير؟ اصبري شوي.. لأنها تجلس تقريباً 30 ثانية يا الله تتغير.. إذا صارت تتغير هذا أحسن وضع.. وإّا ما تغيرت اضغطي مرة ثانية لحد ما تصير تتغير..

راح تطلع لك كالتالي:
أول شي يطلع لك الوقت كذا مثلاُ 0:30 يعني 30 ثانية وهكذا.. بعدين تروح ويطلع لك عدد الكالوري المحروقة وعادة تكون حوالي 9 لكل دقيقة.. بعدها تظهر الأرقام اللي تدل على الأمتار اللي قطعتيها.. وهذي غير مهمة اتركيها..
أهم شي تتابعين الوقت والسعرات علشان تتحمسين..

وإذا تبين ما تملين حطي الجهاز قدام تلفزيون.. علشان تنشغلين لأن أكثر شي يتعب هو الملل على الجهاز.. ولا تنسين تخففين الضغط من خلال لف البرغي نحو إشارة - وليس +