وأنا وصديقتي

السلام عليكم ورحمة الله وبركاته
عندي صديقه اعرفها من أيام المتوسط يعني من عام ١٤١٩
المهم هي مره صحبتي ومره نعز بعض أيام المتوسط طبعا ماكان في جوالات كان نكلم بعض كل خميس على التلفون الثابت حتى بعد الدراسة نكلم بعض ومرت الأيام والسنين طبعا خلال هذه السنين حضرت زواج أخواتها وأخوانها بالرغم أن مافي زيارات بيننا بس كنت مبسوطة معاها وكنا ساكنين في نفس الحي بس هي بداية الحي وأنا نهايتها لازم الروحة سيارة فطبعا هم ممنوع يخرجوا الا البنت لمن تتزوج وأنا كنت عادي أنا كنت مقدرة وضعها وكان عندي استعداد ازورها بس هي ما بادرت وكانت تقول لمن اتزوج أجيكي ومع الأيام قللت الأتصالات وأنا كل مره ابادر بالإتصال وكانت تقول ان عدم الاتصال عشان كل يوم هي وقرايبها يزوروا بعض فأنا ما حبيت أضايقها لان انا عندي دوامي وهي الخرجه هذه منفسها الوحيد واحيانا أجلس فترة مره أشتاق لها فأقوم اتصل طبعا صارت عندنا جوالات فكانت تكون في جلسة قرايبها فأضطر أقفل فسبتها فتره قلت أشوف متى تتصل أتخيلوا 7شهور ما اتصلت ولا سألت وقتها عرفت انو خلاص اتعودت تعيش من غيري طبعا قمت أتصلت وعاتبتها وكالعادة تقفل عشان يارايحه يا يجوها وأنا شايفه اني ليه حق عليها أنها تفضي وقتها عشاني طبعا أيام الدراسة تكون فاضيه فأحيانا نتصل على بعض ومره قالت لي ترى اذا تزوجت وزوجي قالي لاتصاحبي ترى خلاص ما راح أكلمك طبعا أنا😳 وكأن 3عصافير تدور فوق راسي ههههه
وقلت يصير خير لوقتها وطبعا كل زواجاتهم أروح تستقبلني أحلى استقبال وطبعا على الكوشة واهلها كلهم يسلموا عليه يقولوا انتي فلانه ترى فلانه مره طفشتنا ماعندها سيره غيرك واخيرا شفناك وطبعا أنا مبسوطه وماحد قدي
طبعا اتزوجت ماشاءالله حضرت ملكتها وزواجها وطلع زوجها فله ويقول لها روحي عند صحباتك بس هي ما ادري اشبها لمن اقول لها كل مره تعالي تتحجج فكنت اتمنى تقولي أنتي تعالي
طبعا بعد الزواج ولدت مرتين رحت حمدت لها بالسلامه اتخيلوا الزيارتين كلها جالسه بالعباءة ولو انها ماقصرت بالضيافة بس ماقالت فسخي العباءة بصراحة حزت بخاطري وكل الزيارتين ماطولت من المغرب للعشاء ولاتقولي اجلسي طبعا بعدها سوت عمليه ورحت عندها
ولمن اتزوجت لاسألت ولا حضرت ولاشي حتى لمن خلعت ماتدري ولمن كانت تبغى مني شي ضروري كلمتني ولمن قالت أنا كنت جايه الجمعة بس زوجي تعب بعدين قلت ترى خلعت بس تعالي بيت أهلي وطنشت طبعا أنا معلمة روضه وسجلت بنتها في مدرستي وتجي مجلس أمهات نجلس ونتونس وهي دحين حامل لمن قلت لها أولدي عشان أجيك أحسها سكتت مدري مستحية مني عشان دايما تقول مقصره معاك ولا شي ثاني
سؤالي هل ازورها بعد الولاده ولا لا؟
والشي الثاني أنا ناويه اعاتبها على التقصير بس بعد ماتقوم بالسلامة إن شاءالله تأيدونني ولا أطنش وأخليها على راحتها
بما أني في إجازة أكتب لكم قصة زواجي وطلاقي خلال أسبوع ☺️ والحمدلله على كل حال