وااااااا ابي اعيش حياتي نفس البنات والله نفسي

دخلت كله عشان منقهره والله سجلت ابي اقول اللي عندي
خلاص انا طفشت يمكن اكتب الحين وانا طفشانه بس بعدين
يصير الامر عادي
بس مو معقوله هالقهر كل يوم احس فيه (بس الحمدلله يروح)

ياناس ابي اقولكم انا وش سالفتي

انا عندي امي وابوي الله يحفظهم ويشفي امي يارب
وعندنا شغاله بس ماكن في شغاله لو ماجابوها احسن و أوفر لهم والله
كل شي على راسي وخاااااصه ابوي الله يحفظه كل شوي خلود تعالي
خلود سوي خلود حطي
لو انا وحيدتهم نقول مايخالف بس انا مو الوحيده بين اخواني
وبعد مامرضت الوالده انا صرت اطبخ الغداء لان غداء الشغاله مايحبونه
قلت مو مشكله اهلي وش دعوه كله غداء وخلاص
وابوي بركز عليه اكثر شي ابوي كل شوي يناديني على اتفه شي والله
مره ناداني وقال بس ابيك اشوفك قدامي ما ارتاح إلا لما اشوفك
وكل مااجي بقرا قصص نفس البنات على النت ودي اسولف مع البنات بالأيميل مااقدر كل شوي خللللللللود تعالي
طيب ليش فيه شغاله خللللللللللود تعالي عطيني خللللللللود تعالي سويلي خلود اقعدي عندنا خلود هاتي الريموت وغيره
ولا فوق كذا اذا ابوي بس قال خلود مره وحده وماجيته قال هاااا راحت للنت طيب يبه ابي اعيش حياتي
وللعلم انا خلاص ان شاء الله كم شهر وبتزوج (هاااا الحين ابوي وربي ناداني )
المهم
ودي اعيش ببيت اهلي حياتي وبقولكم بعد لا اذا شافني ابوي صاحيه لوقت متأخر يعطني محاضره بابي نامي ليش قاعده يابابي
هو مسكين طيب معي بس طيب حنا ودنا نعيش حياتنا ودي اسهر ودي اسوي كل اللي في بالي
وربي احس ودي ابكي ودي افضفض لكم ابوي طيب والله بس فيه طبع يقهرني
ولا فوق كذا اذا صارت مشكله او شي بعد فتره يقول يبه انتي بكرا راح تروحين بيت زوجك خليك بنت كبيره خليك عاقله خليك وخليك (اتندم اذا جيت شكيت لأبوي لان متاكده بعد كم يوم يجي ينصح طيب يبه انا اذا مااشتكيت لك اشكي لمين )وانا قصدي بالشكوى يعني اشتكي له من اخواني او اخواتي الصغار واذا تهاوشت معهم يتضايق ويزعل مني اجي ابوس راسه يبه سامحني ومايرضى الا بعد وشو
ودي اعيش حياتي نفس البنات يسهرون يقعدون مايدرون عن شي ماشاء الله عليهم والله
عندي اخواتي اصغر مني ماشاء الله والله مايدرون عن أي شي بالبيت لانه كله على راسي
ولا فوق كذا اذا خلصت اغراض البيت يجيني بأسلوب يعني يقال عشان ماازعل يقول انتي مديره فاشله ويضحك
طيب يبه انا وش اسوي انت ماتحب تتقضى الا الصبح وانا انتظر الصبح عشان اقولك الاغراض اللي ناقصه
خلاااااااااص احس الحين ارتحت يوم قلت اللي بقلبي بنات مين نفسي وعطوني نصايح بعد ولا فوق كذا نسيت حاجه ابوي يابنات يطالع قنوات اللي فيها الرقص وما رقص اكيد عارفينها وامي تكون عنده بس عادي عندها وانا خايفه عليه والله وبس سلامتك

اصبري ياعمري انتي قلتيها باقيلك شوي وبتتركينهم خليهم يتذكروكي بالخير
وصدقيني ربي بيوفقك بحياتك
والله انا انبسط لما ابوي يناديني عساني ما انحرم منه

الله يكتب اجرك ويعطيك الصحه والعافيه , ويجعل برك لهم تشوفينه في اولادك يارب ..
ابوك ذكرني بجدي (قلق) الله يحفظه بس كان هذا طبعه ومااتخلى عنه للآن وبعد ماتزوجوا كل بناته قلب على جدتي المسكينه رغم انه صحتها مش ولابد وفيه شغاله بس مايرتاح لازم هي اللي تجيب له الوجبات والشاهي والله احزن عليها الله يكتب اجرها ..
نصيحتي لك ..
احتسبي الاجر عند الله ,, واذا هو نوع من اللي يتفاهم اقعدي معاه وقولي له ابغه اخواتي يساعدوني يعني الشغله اللي مايسويها الا انا ناديني واخواتي اللي يقدرون عليه ,,
وبالنسبه لموضوع القنوات يوم اجلسي معاهم ويكون موحاطها ودقي في الكلام انه ابو صاحبتك يحط القناه وهو كبير وعاقل وعنده بنات متزوجات ,, ويعني حاولي تحيبينها بأسلوب يفهم ما يجرح ..
هذا اللي عندي ,, ان شاء الله افدتك ..
والله يعطيك الصحه والعافيه ..

ليت ابوي عايش واكون خدامه عند رجوله احمدي ربك
وتجهزي لعرسك

هاذولا امك وابوك بري فيهم دون تذمر علشان مايروح اجرك لان الموت ماتدرين من ياخذ فيهم بعدينتندمين


والصبر مفتاح الفرج وماتدرين يمكن توفقين بزواجك بسبب برك فيهم هاذولا باب من ابواب الجنه اذاراحو تسكر الباب وانتي ناقشيهم


انك ودك تسوين الي في بالك ويراعونك ومن ناحيه السهر كل الاباء مايحبون السهر وبعدين تيصيرين ا م وتقدرين مواقفهم