ابيـهـا بـنــت عـــز مـــن رغـدهــا يـنـعـم الفـسـتـان
ابــي الـرقـه وابــي الـدقـه لـهـا باطـرافـهـا شـانــي
الروايح .. الروآيح
ممكن تجذب الناس حواليكـ
وممكن تبعدهم عندكـ
ومن هذا المنطلق راح اتكلم عن تأثير الروايح ,, ومدى اهميتها ,, وطرق التعطير والنظافة
راح نبدأ الموضوع من فوق اي الرأس
اغسلي شعركـ يوميا بشامبو لطيف خفيف
ثم عطرية بعطور الشعر
وفية طرق مختلفة للتعطير راح نتكلم عندها بالتفصيل
المخمريات شخصياً ماحبيتها كثير
بس فيها روايح كثيييرة مرة حلوة وفخمة خاصة الي تميل لعود وكذا
عطور الشعر وتوجد في سيفورا , دبنهامز وغيرها من اماكن
خلصنا من هالموضوع ,, وراح اعطيكم كم نصحية وكم طريقة للتعطير :
1- لا تغطي شعركـ بمنديل او عبايةاذا كان لسة ماجف لانو راح تطلع ريحة مو حلوة ابدا ,,جففية شوي قبل ماتطلع .
2- اذا حطيتي في شعركـ زيت وجيتي بتغسلين شعركـ حطي شوي شامبو مع فانيلا واغسلي شعركـ فية راح تطلع ريحة شعركـ تجنن .
3- لا تستخدمي فرشة او مشط غيركـ ابدا ولا تسمحي لاحد يستخدمة .
4- كل اسبوع اغسلي فرشتكـ ومشطكـ بموية وشوي شامبو او ديتول . طريقتي ,, اجيب فرشة اسنان وافركـ بها اسنان المشط كويس وكمان الفرشة .
5- لما تخلصي حمام حطي لكـ في علبة بخاخ شوي دهن عود او اي عطر شرقي تحبية مع شوي موية و رشية على شعركـ وهو مبلل الريحة .
خلصنا من الشعر
يتبـــــــــــــــع
نجي للفم اهـــم منطقة
كثير بنات تجيكـ ريحتها حلوة وتجنن ونظيفة لكن من تفتح الفم الريحة
وهذا ينفر الناس منك ويقرفهم
الحلول :
1- اغسلي اسنانكـ يومياً : صباح , مساء , بعد الوجبات بقدر ماتقدري .
2- استخدمي خيط الاسنان ولا تهملية ابداً ,, ترى خيط الاسنان اهميتة باهمية الفرشة ,, لانو اذا تجمع الاكل بين الاسنان يطلع ريحة غير مستحبة ابدااا
3- استخدمي غسول الاسنان وفية انواع كثيرة لا تكثري الكمية شوي بس واخلطية بالموية
4- فية غسول احلى وطبيعي : ماء وملح اخلطيهم مع بعض وتمضمضي فيهم ,, يعقم اللثة ويقويها وينعشها حلو مرة .
5- عالجي الاسنان لانو التسوس وامراض الاسنان وللثة تسبب الريحة الكريهة .
6- احياناً الريحة تجي من المعدة ,, افطري او كلي لكـ اي شي خفيف يبعد الريحة ,, واذا عندكـ مشاكل بالمعدة عالجيها .
7- فية طريقة حلوة وذكية : خوذي نقطة قد الذرررة من العود وامسحي فوق شفايفكـ خفييف وكل ماتكلمتي راح تطلع ريحة العود .
فية شي يخلي ريحة الفم مرة حلوة هو غسول طبيعي راح اعطيكم المقادير :
زجاجة ماء ورد كاملة اي نوع وافضلها الطائفي
ملعقة وحدة بيكنج بودر "حق الطبخ "
نصف ملعقة شاي صغيرة قرفة " دارسين " مطحون
نسخن ماء الورد في الميكروويف ونجهز علبة بلاستيكـ او زجاج عليها ورق تصفية تعرفوهـ حق الزيت وكذا
ونحط فوق الدارسين ونصب فوقها ماء الورد مع البيكنج صودا علشان مايصير فية ذرات دارسين
وخلاص صارت جاهزهـ
تمضمضوا فيها كل يوم
وخلي معكـ دايم علكـ او حلاوهـ تاكلية بعد اكل فية ريحة اذا ماقدرتي تغسلي اسنانكـ
وتقدري تحملي معكـ فرشة اسنان اذا حبيتي وهذا افضل بعد
هذا الطريقة الصحيحة لتفريش الاسنان
هذا الطريقة الصحيحة لاستخدام خيط الاسنان
خلصنا من الفم واتمنى اكون مانسيت شي
يتبــــــــــــــــــــع