احس ان الواجهه عاديه جدا ممكن تحطين فيها زوايا من جهه الصاله واشكال دائريه والقرميد الاحمر شكله مو مكانه احس انه ناقص
اختي ارجو ان تتقبلي رايئ بصدر رحب
وان شاء الله عقبال ماتبنيه وتسكنيه .........

القمورة الأمورة واجهتك حلوة بس ممكن تعملي احسن منها واحس لو تشيلي القرميد الأحمر احسن

وأحيانا كثيرة نقع في خطأ كبير وهو تجميل الواجهة على حساب استغلال المساحة وعد مراعاة الخصوصية والميزانية يعني في ناس يعملون واجهات زجاجية كبيرة جدا طبعا تعطي جمال رائع للواجهة وبعدين يتعبوا وهم يبحثون عن حل لمسألة الكشف اللي بيحصل عادة من مثل هذه الواجهات وعادة تكون مكلفة جدا وتأخذ جزء كبير في الميزانية وانا عن نفسي احب الواجهات البسيطة وازينها فقط باالأطارات والجبس وتطلع هادية وارايقة

شوفي أنا عملت بس من غير قرميد مثل هذه ومقتنعة بها جدا اهم شيء انك تكوني مبسوطة من ذوقك وراضية لأن الأذواق تختلف

الواجهة عادية مافيها اي تصاميم افتحي موقع المهندس في النت وفيه تصاميم في غاية الجمالhttp://www.almuhands.org/forum/showthread.php?t=61930

شفتها واجهتكم .. بس يبيلها شغل عدل .. في النوافذ .. لان الأعمده اللي حولها قديم شكلها .. بس النوافذ لا تسوينها مربعات مربعات لانها تتعب في التنظيف .. نوافذ شقتي جذي اهلك في تنظيفهم مربعة مربعة بالتقسيط .. ؟؟ عن نفسي ما احب القرميد الاحمر بس يمكن انتي عاجبك ..ونفس الشئ البلكونة ما احبها لانها تنعدم من الشمس وتتوسخ ولا تستفيدي منها بشئ ؟؟
والجدار اشوفه سيييييييده ..يعني مستقيم ما فيه انحناءات ولا طلعات ودخلات .. لازم تغيرين من مخطط البيت الامامي فقط اللي يتعرض للشارع .. يعني بدل لا تكون الصالة مستقيمة .. ضلعها المطل على الشارع تخليها منحنية نص قوس .. او على ضلع نص مثمن .. او مقوس على زاوية .. جذي يعني ..
اما الطابق العلوي نفس الشئ عندك طلعي بعض الاضلع على بره خليها يحنيها اشويه بدل ما تكون الواجهة مستقيمة تماما .. وما فيها اي انحناءات ..

النوافذ نوعي في حجمها وعددها .. بدل لا اتكون نافذة واحده كبيرة خليها تكون نافذتين صغار جنب بعض .. او وحده كبيرة ووحده ضعيفة جنبها .. ممكن ثلاث نوافذ .. وهكذا ..
شفت ان اكثر النوافذ مقوسة من اعلى .. تراها بتلزمك بتشكيلة معينة للستائر .. حاولي تقللي من النوافذ المقوسة او تلغيها .. وتخلي القوس بس من برا من الجبس مثلا او مجرد تشكيلة .. لكن من الداخل تكون عادية ..
انا اشوف البيت ما شاء الله ضخم لكن بالنسبة للمدخل احسه ضعيف وصغير وصاير شكله مو متناسب مع حجم البيت ليش ما تكبريه اشويه ..
جدار السطح بيكون شكله احلى لو كان فيه تفاوت يعني مثلا محل نازل ومحل مرتفع .. وممكن تضيفي بعض النوافذ بالحديد المشغول لجدار السطح بيطلع حلو شكلها ..
النافذة الدائرية ما ادري بتسويها بالزجاج المعشق او لا ؟؟ بس اظن حلو شكلها او بالحديد المشغول ..

عموما انا عندي بعض الصور بحاول اني ابحث لك عنها .. وان شاء الله تفيدك ..

وانا مع الاخت ام عمور ي...ممكن عند الباب تحطون اسطوانتين ...والجرميد الاحمر فعلا ماله داعي ..
يعني الواجه والبيت ماشاء الله حلوين بس غيري في المدخل وراح تنبهرين بالنتيجه.