مساااااكم الله بالخير خواااااتي الغاليات
بدخل موضوعي بدون مقدمات وأتمنى يكون في إحترام بالردود حتى نوصل الفكره
للجميع ولي عندها مداخله أو معارضه تناقشنا بس بهدوء الله يرضى عليكم .....
لا تستغربون السطرين إلي فوق وليه كتبت بهدوء وبإحترام .....
يا أخوات لاحظت شئ هنا بالمنتدى وبالحياه العامه عموما .... لما ينفتح موضوع للنقاش الحق نحصل من يناقش بهدوء وبأدب وبذوق حتى لو كان يخالفنا الرأي وأوجه الشكر والتقدير لهم ولعقولهم الراقيه والنيره و الواعيه .......
ونحصل إلي تدخل وتعبر عن وجهة نظرها بهواااااش وكلام غير لائق وتاخذ مسار أخر مختلف عن مسار الموضوع وهو التشكيك بالنوااااااايا ...... ونحصل إلي ماقرت الموضوع بتمعن
وفهمت المقصود منه وتكتب رد طويل عريض بعيد كل البعد عن موضوع النقاش !!!!!!!
ليه يا أخوات البعض يتعامل بهالأسلوب المستفز والمنفر ؟!!!!
إلي بخاطرها شئ أو لها وجهة نظر مختلفه ومقتنعه فيها وتخالفنا تقووووولها وتعرضها بكل أريحيه وبكل هدوء وبكل رقي كذا نتقبلها منها ......
يا حلو الإحترام لما يكون متبادل بيننا .... البعض أسلوبه قوي وشرس تقولك إيه محد
عاااارفني ولا يدرون من أنا ؟!!!!!!
طيب إحنا ماندري من أنتي لكن فوقك ربك إلي يدري من أنتي !
أنا عن نفسي واجهة عينات غريبه بصراحه وأسلوبهم جدا غريب
وحده الله يهديها تختلف معي بموضوع معين تقوم تراسلني ع الخاص
وتهااااااوش وكلامها ما فيه ذررررررة إحترام وذوق وكأني ذابحه أحد من أهلها
أقوم أرد عليها بإحترام وأقولها ياليت الأسلوب يكون ألطف من كذا وماعندي مانع
أخذ وأعطي معك للصبح بس الأسلوب مهم عندي بالتعامل .......
و وحده تتهجم بموضوع وتتهم إتهامات باطله طيب ليه هذا كللللللله !!!!
وضحي وجهة نظرك بأدب وبذوق وشاركي الأخرين وجهات نظرهم ولا تنفرينهم
منك بسبب أسلوبك ......
وببعض الإجتماعات مع القرايب والصاحبات تحصلون البعض يفررررض بقوه
وجهة نظره وإنه هو إلي فاااااهم وعارف والبقيه كلهم غلط ويحاول يهمش أراء الأخرين ويتمسك برأيه بقوه ويكون الأسلوب
خالي من الذوق والإحترام فبالتالي هالعينات ينفر منهم الأخرين ويتحاشون
مجالستهم أو الدخول معهم بنقاش صغير كان أو كبير ......
هالشئ لاحظته ومضايقني وحبيت أقولكم عليه .....
وحياكم الله خواتي ولي بترد رد غير لائق ماراح أتجاااااوب معها نهائي
ولي بترد رد محترم بحطها على راسي من فوق حتى لو خااالفتني .....
كثير نواجههم تبي تفرض رايها والمصيبه انها عارفه انها على خطا ومستمره يعني محد يفلها او يقاطعها
وعلى قولتهم ماخذتنا بطواله لسانها
هذي النوعيه اذا تواجهت معها ابتسم في وجهها واخليها تتكلم وتصارخ مثل ماتبي والف بوجهي عنها
طرح مميز كصاحبته