هايمه وعايمه :

اقولك شي؟؟؟ هذي تقريبا قصتي من عشر سنين والآن تعرفي ايش صار لي ؟؟ انام وانا دمعي على مخدتي ايش استفدت من الحب والاعجاب برجال كبير؟؟ ولا شي بعد الزواج اكتشفت فيه سكر وضغط وسمنه سريعه يعني الشهر هذا سبعين كيلو الشهر الجاي ثمانين كيلو وهكذا غير نظره الضعيف الحمدلله والشكر تخيلي ايش يقول لي؟؟ يقول لي انا اشوفك بس مو تمام اشوف طشاش بس مااقدر اقول لأحد اللي عجبني فيه زمان انه يلبس نظارة نظر مخليه شكله مره حلو ومحترم طلع مايشوف حتى مكياجي الخفيف او لبسي ايش هو يقول المهم احس انا ماابالغ بس كل هذي مظاهر والرجال يفرح اذا حس انه فيه احد معطيه وجه ومعجب فيه حتى لو كان عمره سبعين يحس بالشاب وهو مايقدر يسوي شي للاسف بس يبغى يحس بأنه مرغو والبنت ايش؟؟؟ تخسر كل شي شبابها وجمالها واناقتها وكل شي يحسسها بأنه شابه راح تحس من الشهر الاول بأنها عجوز تخدم عجوز الشكل الخارجي بره البيت شي وجوه البيت شي ثاني تماما يعني بتطلع العيوب على اصولها وقت النوم الشخير والريحه وطريقة الاكل والنسيان والتعب وعدم الاهتمام اذا اخذ وحده صغيره يضمن انه خلاص الناس بتقول انه محظوظ لكن في الواقع كله كلام لاهو يقدر يسعدها ولا هي تقدر تكمل حياتها بشكل طيعي وازيدك من الشعر بيت كل ماخرجت بره البيت غصبا عنها عيونها بتروح لأي شاب يمر من جنبها كله شباب وحيويه ونشاط ووسامه او حتى مجرد شاب فهو احسن مليون مره من الشايب اللي في البيت وهذا شعور كل وحده صغيره متزوجه رجل فوق الاربعين واقسم بالله اللي تقول لك عكس كذا انها غير صادقه يااختي لازم وغصبا عنها عينها تلتفت للشاب حتى لو ملتزمه غصبا عنها يوقع شي في قلبها من الاعجاب بالشاب الصغير وتقارن بينه وبين اللي جنبها وكل ماله يكبر بسرعه لكن ادعو الله انه ييسر امر كل بنت ويشرح صدرها ويبعدها عن الطريق الخاطيء ويختار لها الطريق الصح

اقولك شي؟؟؟ هذي تقريبا قصتي من عشر سنين والآن تعرفي ايش صار لي ؟؟ انام وانا دمعي على مخدتي ايش...