واحد رافع ضغطي

حبيباتي بدخل في الموضوع على طول واحد يقرب لزوجي له فتره ماسك عليه انت تغيرت بعد الزواج ماانت الانسان الاولي تغيرت 180 درجه لازم تنتبه لنفسك لا ويقلو بجيك الاسبوع الجاي اتفاهم معاك هاذا كله لانه خبينا عليه موضوع خاص وماله داعي ابدا انه يعرفه بس هو عرف من بره وقاله انا ولد عمك تسوي فيني كذا تلعب علي وما تقولي ياعالم والله موضوع ماله دخل فيه بس يقول انا ابغى اخدمك يعني الخدمه بالغصب قاهرني والله واللي يسمعه يقول ولد عمك يحسب انه واصل وهو احيانا يجي نفس المدينه اللي احنا فيها مايرفع التليفون على زوجي ولا يزوروه بس اذا كلمه يقولو ترى انت تغيرت صرت غامض وماتقول يعني لقافه وشكله خراب بيوت
ومو هو بس هو وواحد من اخوانه يناس جابولي الهم ايش دخلهم في الرجال هاذا كله لانه حياتنا الحمد لله هاديه ومشاكلنا بيننا وبين بعض عمرها ما تطلع بره
بس مره الفتره الاخيره بديت احس من هذا الشخص ومن اخو زوجي ومن زوجات اخوانه انهم يبغو يزرعو هاذي الفكره في راس زوجي وراس اهله انه فلان اللي هو زوجي تغير بعد الزواج وصار يخبي على اهله يعني مايقول كل شيء اول بأول وهذا اللي قاهرهم انه لو فيه شيء انا وزوجي دايما نحتفظ بيه سر حتى لو قلنا نقول لامه وابوه بس والباقيين لا وهاذا اللي يخليهم ينقهروا
بس اخاف يجي يوم ومن جد يحس زوجي ولا امه وابوه (لانه هاذولا الثلاثه اللي يهموني في العائله هاذي كلها) انه فعلا تغير للأسواء وصار غامض وانه زي ما يقولون ماهو مبسوط في حياته مع انه والله زوجي بعد الزواج ولله الحمد توفق مره في عمله وترقى وربي فتح عليه بالرزق تتوقعوا هاذا حسسسسسسسسسسد ولا ايه
وايش احسن طريقه توقف الامور هاذي عند حدها
اللهم من ارادني او زوجي بسوء فكن عليه ورد كيده في نحره