هل عندك طفل شقي؟؟
له مواقف محرجة؟؟
مضحكة؟؟
الأطفال.. براءة الحياة
اللي على لسانه يقوله..
حبيت اقدم هذا الموضوع
واتمنى الكل يشارك فيه
حتى يرتفع........................
أو على الأقل نضحك من مواقف اطفالنا
والل متضايق وزعلان يتفضل ويوسع صدره شوي
*********************************
في أحد المساجد ،وعندما سجد الناس قام أحد الأطفال بجمع ((العقل))من على
رؤوس المصلين، ثم وضعها على الباب،وهرب..
بعد الصلاة تعالت أصوات الرجال:خذ عقالك ،هذا عقالي..لا هذا عقالي أنا
فعلا شقاوة
..........................
طفلتان تتحدثان عن آمالهما في المستقبل فقالت الكبرى:
أنا أحب أصير كبيرة مثل أمي عشان ألبس الفساتين وأروح الأفراح.
فقالت الصغرى:أنا أحب أصير مثل أبوي عشان ما أخليك تطلعين للعرس <==== نذالة
..................................
ساره تسأل عبدالعزيز : مين تحب أمي ولا اللي في بالي ..؟!
عبد العزيز : اللي في بالك !
ساره : هوّ .. يعني تحب أبليس أكثر من أمي
ساره مره أخرى تسأل عبدالعزيز : طيب مين تحب أمي ولا اللي في بالي ..؟!
عبدالعزيز : أمي
ساره : هوّ .. يعني تحب أمي أكثر من ربي
نزّغه هالبنت الله يحفظها !
...........................................
ولد أختي له خمس سنين شقي بكل
ماتحمله الكلمة الكل يتأذى منه الصغير والكبير لكن قلبه أبيض وبرئ (أنا خالته اللي مفسدته ومدلعته على الآخر)
إحدى الأيام جلس على سريري مروق ويفكر رجل على رجل قالي:يا...........
اللي مايصلي وش يسوي فيه ربي ؟
قلت له:يعذبه قال :وأنايعذبن ربي قلت له:أنت أصغير مايعذبك ربي..
بعدين قعد يفكر شوي ثم قال طيب إذا مت أنا ، منين لك حمودي ثاني غيري؟
((منقولة))
.......................
قام طلال الساعة سبع الصبح بيوم من أيام البرد الشديدة
وقام يغرّد ويسولف على روحه وهو بفراشه ..
يا طلال اسكت خل ننام الله يصلحك ..
طلال : مهوووب آاانا .. هذا حلقي اللي يتكلم !
........................
كان طلال راكب مع أبوه وأمه بالسيارة ..
وفجأة قال : بابا وماما بكرا يموتون
أفااا .. ليش يا طلال ؟
قال : علشانكم كبار!
...............
شيماء " أربع سنوات ونصف" تقول لأمها :
" ماما: إذا أنتم كبرتوا..من يجلس معنا و حنا صغار"
هههه ربي يخلي شيماء لأمها
....................
قالت الام لولدها الصغير : حمد ... ورا وجهك اصفر بسم الله عليك ؟
قال طلال الكبير (ثمان سنوات) : علشانه نصراوي !!
........................
طلال ما غيره .. كان جالس يلعب بلايستيشن , مريت من عنده
وقلت له : تروح معي ؟ قال وهو يلعب وعيونه على الشاشة : وين ؟
قلت : للبنك , قال : لا .. مهوب رايح , قلت : بكفيك , ورحت ..
يوم وصلت باب الشارع , وأنا أسمع ركضه , وقفت , وفتح الباب الداخلي
يوم شافن ما بعد رحت وقف على الباب وقال : بابا ! قلت : سم ..
قال لا تنسى تسحب مليون علشان نشتري بلايستيشن ثري !
.........................
فـراشـة (4 سـنـواتـ ) فـِي المـَدِيـْنـَةِ المـُنـَوَّرَةِ وَ لـِ أَوَّل ِمـَرَّةٍ ..
سـُئـِلـَتْ : فـراشـة وين حنـّا الحيـن ؟
وَمـَعَ كـَثـْرَةِ الدَّوَّارَاتِ وَالإِنـَارَاتِ المـُلـَوَّنـَةِ ..
أَجـَبـْتُ (بـِـكـُلّ ِثـِقـَةٍ) : فـي المـدينـة المـدوّرة ..!
..........................
طلال : بابا ! أبوه : نعم ياطلال وش عندك ؟
بابا .. إذا مت بكرا تصير أبو ؟
لا حول ولا قوة إلا بالله .. تسيف هالطلال يبي يموتنا !
...........................
عبدالحميد كان عمره أربع سنين , ويدلعونه (ميدو)
وأخوه الكبير عبدالعزيز , كان عمره حدعش , ويدلعونه (عبادي)
وأخوه الأوسط عبدالملك , كان عمره تسع , ويدلعونه (ملك)
المهم كان (ميدو) يسمع عيال خالته يقرون قرآن ويتابعهم
وبدا يقرا معهم .. قال :
(قل أعوذ برب الناس .. ملك الناس .. عبادي الناس)
...............................
هذا أنا أم جودي وعبودي
عندي ولد خالتي كنت احفظه سورة التكاثر
وكان يضحك ويقول الهاكم الدفاتر
وراح الغشيم المدرسة وجلس قدام الاستاذ
وقعد يرددها وضحك غصب عليه
واخذ علقة قوية
خالتي زعلت مني وحرمت علي ادرسه ثاني
...........................
لما توفى أبوي أخذت أشرح لعيال أختي الصغار ومعهم ولد عمي "نعيم القبر وإن المسألة مو مجرد حفرة وكفن" المهم مر أيام على محاضرتي الوعظية،أومير يجي ولد عمي ويسأل ولد أختي ويقول: وش تتوقع ياصالح إن عمي هالحين يسوي بالقبر؟ فرد صالح:مادري؟ فقال ولد عمي:أكيد إنه هالحين قاعد يتفرج على توم وجيري!!!)كلن على همه سرى(
......................
أبونواف : نواف ! قم يابابا طقطق إصابعي ..
نواف : أقول , ورا ما تعقل بس !
.........................
كنت امشي مع ابوي ..بسوق الخضره ..شفت رجل يمكن مصري
المهم ..راسه نصفه شعر والباقي صلعه ..قلت يبه ..شوف مخه طالع
........................
هذي سالفه حصلت بين اخواني الصغار...
كانوا اخوي واختي الصغيره يتهاوشون وحنا بالسياره كل واحد يضرب الثاني..
اخوي بثالث ابتدائي ..واختي بالتمهيدي.
امي: لو بدال هواشكم تقروون سورة الاخلاص عشر مرات عشان يبني لكم الله بيت بالجنه
اخوي الصغير: صدز يمه ..؟؟
أمي: إيه صدز ..يلا كل واحد يقراه عشر مرات عشان يبني له ربي بيت بالجنه..
صار كل واحد يقرا عشر مرات ويحسب بيده كم حصل من بيت ..
اخوي الصغير: الحين انا حصلت ست بيوت .. وه خلاص تعبت
اختي الصغير: يمه طيب اللي يبي بيت به مسبح وش يقرأ ؟؟؟
اخوي الصغير: يمكن تقرين (سبح اسم ربك الاعلى) عشان يصير به مسبح..
المااسه (ميته من الضحك) : هيييييييه لا موب على كيفك انت وياه .. بعد تشرطين تبين مسبح؟؟
احمدي ربتس اللي حصلت بيت بالجنه ( بعد طواف ويتشرط )
..................
طلال .. وش اسم خالك الصغير ؟
طلال : براهيم ..
نواف .. دخل عرض : اسمه براهيموفيتش !
متأثر بالإنتر ميلان
..................
واحد من الربع يروي عن واحد رفيق له .. يقول :
كنت معزوم بعرس , وكان فيه واحد معه ولده أبو خمس أو ست سنين
والولد نجس , وحركي , وملقوف , ووقح .. واللي أوقح منه أبوه الدبشة
اللي ما يهش ولا ينش .. المهم قلطنا على العشا , وصار الولد بجنبي
وحنا ناكل رحمته وقمت أقطّع له لحم .. يوم أخذت شوي , وإلاه يقول
طول حلقه : يبه .. شف ذا أكل عنّي اللحمة ! أومير أغيص بثيابي
طبعا الناس ما يدرون وش السالفة , ولا يدرون إنه يتسذب وإني من اول
ما قلطنا وأنا أقطّع له النذل .. يقول أومير أقوم وأهج وأنا ما بين فشيلة وقهر
واللي قهرن زود إن أبوه الدبشة ولا حس ولاخبر !!
..........................
يقول أبوفي .. كنا في إندونيسيا أنا وعيالي
وكان عمر (فَيْ) خمس سنين .. المهم ركبنا المصعد مادري بالفندق
أو بعمارة .. وركب معنا إندونيسيين , وقام واحد منهم يبتسم لـ (فَيْ)
وعلى طول قالت له : ليش أنتم عيونكم كذا , ومطّت عيونه !
طبعا الإندونيسي فهم من الحركة
وضحك إلين بغى يقطّع حبال المصعد من الرجة !
..........................
أختي الصغنونه ..
قالت لأبوي : يبه ..يبه .. أنتبه لا تصدم البسه الحماره
يلا الدور عليكم
❤غلا سامي❤ @ghla_samy_1
كبيرة محررات
يلزم عليك تسجيل الدخول أولًا لكتابة تعليق.
LuLlA AlgOoRy
•
صباح الخير##ياقلبي على الصغار مواقفهم ما تنتهي الله يصلحهم ويهديهم ويكبرهم ويعقلهم ويبرون باهلهم امين يارب
هههههههههههههههههههههههههههههههههههههههههههههههههههههههههههه
بصررراحه مووواقف تحوووووفه وبراءه .. يسعدهم ربي يااناس
كلش والا الصغيرونه اللي تقوول يبه يبه انتبه لاتصدم البسه الحماره ههههههههههههههههههههههههههههههههههههه
طيب انا دووبي حامل .. بس عااادي اقوول مواقف عن اخواااني ...
مرره كاانووا اهلي طالعين رايحين للأسترراحه وهي بعيده .. المهم وقف ابوي عند المحطه ولف على اخوواني الصغاررر
هاااااه ايش تبووني اجيب لكم .. عااادي تعالي اسمعي انتي الي يقووول ابي شبس واللي عصيررر واللي شوكولاته
نط اخووي القعده ملكع قال بابا بابا ابيك تفصلي ثوووب !!!!!!!!!!!!!! <<<<<<< يبي ابوي يفصل له ثوب عند
البنشررري عليه وقت مال امه داعي
اذا ذكررررت مواقف برجع واكتب
بصررراحه مووواقف تحوووووفه وبراءه .. يسعدهم ربي يااناس
كلش والا الصغيرونه اللي تقوول يبه يبه انتبه لاتصدم البسه الحماره ههههههههههههههههههههههههههههههههههههه
طيب انا دووبي حامل .. بس عااادي اقوول مواقف عن اخواااني ...
مرره كاانووا اهلي طالعين رايحين للأسترراحه وهي بعيده .. المهم وقف ابوي عند المحطه ولف على اخوواني الصغاررر
هاااااه ايش تبووني اجيب لكم .. عااادي تعالي اسمعي انتي الي يقووول ابي شبس واللي عصيررر واللي شوكولاته
نط اخووي القعده ملكع قال بابا بابا ابيك تفصلي ثوووب !!!!!!!!!!!!!! <<<<<<< يبي ابوي يفصل له ثوب عند
البنشررري عليه وقت مال امه داعي
اذا ذكررررت مواقف برجع واكتب
مرة كنت بمركز تجاري وجنبي ثنتين فلبينيات .. ولا ابني( عمره 5 سنين ) يشدني من عبايتي
ماما ماما ..
نعم ..
شوفي هدول( ويأشر بإيدو ) يشبهو جاك شان !!!
هما صارو يضحكو الظاهر فهمو ..
ماما ماما ..
نعم ..
شوفي هدول( ويأشر بإيدو ) يشبهو جاك شان !!!
هما صارو يضحكو الظاهر فهمو ..
ياليت الموضوع يتغير لانك كاتبه شقي ومعنى الشقي اللي حياته تعيسه وشقاء لو يتعدل ويكون مشاغب
ولي عوده
ولي عوده
الصفحة الأخيرة