واحد من طلاب زوجي بغى يقتل اخو زوجي لولا لطف الله سبحانه

السلام عليكم ورحمة الله وبركاته
زوجي معلم ودايم المعلمين يشتكون من تشويه سياراتهم خصوصا وقت الاختبارات
قبل اسبوعين تقريبا
بكفرة سيارة زوجي واحد ضرب فيها مسمار مو تحت الكفره حتى نقول ممكن دخلت والسياره تمشي
لا من قدام من الامام يعني فعل فاعل واغلب اظن والله اعلم من الطلاب وزوجي واثق من كذا لانه خبره معاهم
والمسمار كبير وشفته انا قلت طلعها قال اذا طلعتها بتنفش الكفره
بروح للبنشري بعدين بضبطها << دايم زوجي كذا الله يهديه متكاسل
هي سياره نوعها جيب
امه عندها مفتاح سبير لان هم عائله احيانا يحتاجون سيارتة لانها كبيره واخوه برضوه
احيانا يسافر فيهاا وحنا ساكنين فوقهم
ومتعودين على اخوه يروح ياخذ مفتاح السبير من عند امه ويعطيها مفتاح سيارتة الصغيره حتى يتقضي زوجي عليها الحد مايجي بسلامه
المهم وهو بخط السفر وتعرفون الشباب سريعين الله يهديهم انفجرت الكفره اللي فيها المسمار
وربي ستر ومانقلبت السياره لانها جيب والجيب ثقيل وزنه وقدر يسيطر عليها
الحمد الله والحمد الله على سلامته والحمد الله ان ربي ستر علينا
سبحان الله تفكير جاهل غبي طفولي بغى يتسبب في مقتل انسان وروح مالها ذنب
احيانا نعمل مشاكسات وتصرفات بسيطة ماندري انها ممكن تسبب في اخرب ودمار اسر كامله
الله يستر علينا بستره ويكفينا شر الانس والجن