> أنا اليوم تعبان عندي أختبارات يوم السبت لكن اشغلني النت
تعرفون ليش ؟؟؟
على العموم انا يا جماعه قصة قصة ولازم أبدء من الأول علشان تفهمون القصه؟؟؟
مريت تجارب كثيره
مع اصناف الملتزمين ومع أصحابي ومع قصة زواجي التي كانت لي تحدي وما زالت
,ارجوا أن تسمحوا لي أن ابدء بقصة زواجي:
أنا شاب صغير في مقتبل العمر وطيب وتعرفت على شباب كبار شباب أصحاب فضل وخلق ودين
وكانوا ودهم يتزوجون لكن ماعندهم قدره ماليه
وكانوا يتكلومون عن طريقه وكيفية زواج حتى يستروا على أنفسهم
تعرفون هذا الزمان سار في ناسي عقرب.... وأشكال وأنواع من الحريم المتبرجات ؟؟
وانا وكنت أساعدهم في البحث عن بنت تفبلهم
والمواصفات كانت
الأول : شاب رومنسي يقراء في الحب وطالب
جامعي ساكن في غرفه
وهذه الفرفه مساحتها 4&4 وساكن فيها أربعة شباب
وعنده سياره وانيت مديل قديم جدا ((وطبعا هذه السياره ماهي له هي بعد مشتركه مع ثلاثة شباب)
ومع ذلك يبي يتزوج
وان ابحثلهم بحكم اعرف مشايخ
قلت لش أن ما أتزوج لكن فكرة كيف أقنع أبوي وأمي
والجماعه لأن عندنا أن الواحد ما يتزوج إلا بعد ما يتخرج من جامعة البترول وبعدين يتوضف في
أرامكوا ويجمعله فلوس بعدين يتزوج
وأنا طالب ثنوي يعني بتزوج على هذا القانون بعد سبعة سنوات أو أكثر
على العموم رحت أكلم الوالده وقلتها أمي أن ودي أتزوج
قالت روح ياحبيبي ألعب بعيد
قلت أمي صحيح ودي أتزوج قالت أنت ماعندك سالفه توك لابس حفاضه
على العموم مشيت من عندها مكسور الخاطر لكن قلت لن أستسلم
ويوم من الأيام سمعت فتوه بجواز (زواج المسيار) وعحبتني الفكره
ورحت أدور على أحد يزوجني مسيار وفعلا كلمة وحدا يدور لي ولقينا بيت وأخذت العنوان
رحت البيت ودخلت البيت بعد واستقبلني رجل كبير في السن وقلته بعد السلام أنا ودي أتزوج بنتك
الكبيره
قال يا ولدي أبشر
لكن الكلام مب كلامي الكلام هو كلام البنت عطني عمرك وين تشتغل قلت أنا عمري 18 سنه واشتغل طالب وبكل فخر
قال خلاص لا تكمل حنا بندق عليك
قلت طيب سلام عليكم
ومرة الأيام شوي يدق رقم غريب الو مين قال أنا فلان تذكرة صوت الكبير في السن هلا كيفك ياعم قال
قال أبشرك البنت موافقة قلة خلاص ودي أشوها النظرة الشرعية قال ,ابشر لكن تعال يوم الأحد
يعني الأسبوع الجاي
قلة ليش قال هي مسافره قلت أن شاء الله ترجع بسلامه ومر الأسبوع مثل الشهر دقيت على نفس
الرقم قلت السلام عليكم كيف حالك ياعم أن فلان قال حياك قلت أنا جاي اليوم بعد العصر قال حياك
رحت البيت حتى أشوف
زوجة المستقبل دقيت الباب فتح الباب الشايب فال تفضل المجلس أنتظرة حتى دخلت البنت ........
دخلة البنت عليي
أستحيت أشوفها لكن رفعت راسي طلعة مو بنت طلعت حرمه في عمر أمي
لكن أنا ذالك الوفت ما أعرف أحد أهم شي حرمه قلت في نفسي صحيح مهي حلوه لكن أحسن من
ولا شي
قعدت البنت أقصد أمي أقصد الحرمه قدامي
سألتني كف حالك قلت طيب ودار بينها حورا بعدين
قالت لا تنشر خبر الزواج لأي أحد
قلت خلاص
وحددنا موعد عقد النكاح وكان الزواج و عقد النكاح في يوم واحد
مرة الأيام وكان باقي على موع الزواج أسبوع واحد وخلص الأسبوع جاء يوم الزواج ولا أحد يدري
من اقاربي
وكشخت ذاك اليوم
ورحت بيتهم دقيت الباب فتح الباب عمي وكان مبسوط
وبعدين
جاء عاقد الأنكحه أستغرب من فارق العمر
بعدين بعد ما رحو الناس وكانوا قليل صراحه ما عدتهم ولا أعرف واحد منهم
رحت عند حرمتي خلاص صرت متزوج
ودخلة عليها في الغرفه قالت نعم ليش داخل!!!!!!!!
ضحكت حسبتها تمزح
قالة :وين داخل
قلت: انام
قالت :روح بيتكم
قلت: أفا كيف
قالت :كلها يومين وطلقني فاهم ياولد
قلت: ليش أنا اش سويت
قالت : أبوي غاصبني أتزوج
وانا مشغوله فرفضت الزواج بحجة أني مشغوله وأقترح علي أبوي بحكم أني مشغوله زواج
المسيار
فقلت طيب علشان أسكته
وجيت أنت تعيس الحظ فقلت فرصه مادامه صغير يومين ويطلقني
وأقول يا أبوي تزوجت لكن مالي حظ
فهمت ياولد
قلت: اجل أنتي من الحين طالق ورجعي المهر وكان المهر (1000ريال)
ورجعت البيت وانا حزين لأني ما تزوجت
المهم مرة الأيام وجاتني فكره أو مقلب أسويه في أهلي علشان يزوجوني
دخلت على أمي وكانت رايقه
قلت أمي تراني متزوج مسيارررررررررررر
قالت يامجنوووووووووووووون ليش حنا بنزوجك ياخبلللللللللللللللللللل
قلت هذا الي صار وعرسي يوم السبت
قالت ياقليل الأدب
شوي دخل ابوي وسمع الصراخ
وقال :أش السالف قالت أمي السالف كله
شوي طالع أبوي فيني وقال:................
لكن قبل ما أكمل زين أن الموضوع مع طليقتي ((يعني زوجتي السابقة))
أنتها بطلاق لان هذا الزواج مشكلة مشكله ما فكرت بهذا الموضوع إلا بعد عقد النكاح قلت وين
أتقابل مع زوجتي هل في بتها أو في شقه أو أو أو
كيف أجيب عيال
هل بعد العيال لازم ما أعلم أحد إن عندي عيال
وإذ اعرفوا أهلي إني متزج وعندي من هذه الحرمه عيال أش بكون ردة فعلهم
وذا جوني عيال وين يسكنون عندي أو عندها ..........؟؟؟؟؟؟؟؟؟؟
ألتف أبوي علي
وأنا قلت: الحين بيجني كف محترم لكن
لكن طالع فيني وضـــــــــحك وطول هو يضحك بعدين سكــــــــــت
بعدين
قال: أنت من جدك
قلت: طبعا وخلاص الموعد يوم السبت سكت ابوي
ودخل الغرفه وراحت امي معاه الغرفه
وانا رحت غرفتي لكن رحت في الليل غرفة امي وابوي اسمع أيش يقولون
كانوا صاحين يتكلمون فيني
المهم فرحت وقلت في أمل أن شاء الله ورحت صليت قيام الليل وأدعو الله ان ييسر أمري
ويعجل بزواجي
طلع النهار رحة اصلي الفجر بعدين نمت
وبعد صلاة الجمعه نادني أبوي
وقال: يا أبني تعال انا ابيك
قلت: سم
قال : تعوذ من الشيطان وخل عن زوج المسيار وانا بزززووووجك لكن لاتخاذ مسيار
وعطاني نصيحه جزاه الله عني خيرا
بعد ماخلص من كلامه
قال : خلاص أنت موافق بلاش من زواج المسيار ,اختار أي بنت تبيها
قلت: عطني فرصه يا ابوي أفكر وبردلك الخبر يوم السبت ((وأنا مسوي ثقيل و من داخلي ميت من الفرحه))
جا يوم السبت كنت طالع دق ابوي
قال :ها أنت مواقق على الكلام ألي سار أمس
قلت : أي خلاص (مسوي نفسي ثقيل بعد)
جا يوم الأثنبن دقت امي علي قالت يا فلان ترى أبوك رح عند بينت فلان يخطبلك
وقال ترى النظره الشرعيه يوم الأربعاء
قلت : خلاص الحمد لله
قالت: انت منت فرحان؟؟
قلت: عادي (( وانا من داخلي ارقص من الفرحه))
قالت: خلاص أفتكاينه من المسيار
والحمد لله جاء يوم الأربعاء لكن تتوقعون أني كشخت في ذاك اليوم؟
لاما كشخت رحت بيت عمي بثوب عادي ونعال (الله يكرمكم) قديم
وجات البنت والحمد لله
وتسهل الزواج بفضل الله
وسارت هذه البنت زوجتي الودود الولود إن شاء الله لان ماجاني عيال
أدعو لي .....
طبعا كانت ذاك اليوم أن طالب في الجامعه السنة الثانية
طبعا ما خلصت القصه باقي رة فعل أهلي وجدي والجماعة
لما عرفوا الجماعه دقو الحريم على امي يقولون انتي مجنونه تزوجيه هذا الصغير
هذا بيطلقها من اول شهر هذا صغير ما يعرف يتصرف
طبعا بعضهم يتكلم عن حسد وبعضهم عن نصيحه
ودق واحد على جدي
وقال: مبروك زواج العيال
قال جدي: أي زواج
قال :زواج فلان وفلانه
قال جدي: هذا الزواج بزران ما عليك منهم
تخيلوا حتي في يوم الزواج وانا لابس البشت في صالة الأفراح جاني اكثر من واحد ويقول انت مجنون بتتزوج
الحين روح اقعد في بيتكم ذاكر
(طبعا بعضهم حاسد وبعضهم ناصح)
وأنا اسكت منهم ..........
لكن سار العرس وانا ألحين والحمدلله مبسوط ...
وهذه قصة زواجي المبكر
م /ن
كل التقدير @kl_altkdyr
عضوة جديدة
يلزم عليك تسجيل الدخول أولًا لكتابة تعليق.
احبك باامي
•
هذي قصة واقعية والا تنكيت بس
هذي قصة واقعية والا تنكيت بسهذي قصة واقعية والا تنكيت بس
على حسب كلامه حقيقه
بارك الله فية وفي أهلة.. والله يكثر من أمثالهم..
وفي الصحيحين وغيرهما عن ابن مسعود رضي الله عنه قال قال رسول الله صلى الله عليه وسلم { يا معشر الشباب من استطاع منكم الباءة فليتزوج فإنه أغض للبصر وأحصن للفرج ، ومن لم يستطع فعليه بالصوم فإنه له وجاء } ..
وفي الصحيحين وغيرهما عن ابن مسعود رضي الله عنه قال قال رسول الله صلى الله عليه وسلم { يا معشر الشباب من استطاع منكم الباءة فليتزوج فإنه أغض للبصر وأحصن للفرج ، ومن لم يستطع فعليه بالصوم فإنه له وجاء } ..
الصفحة الأخيرة