واحد يراقبنا من الشباك

السلام عليكم
مشكلتي بدت من اسبوع تقريبا احنا مستاجرين شقة دور ارضي انا وزوجي وعندي بنتي صغيرة بيتنا عبارة عن صاله ومجلس وغرفة نوم ومطبخ يعني البيت صغير اغلب وقتنا نقعد بالصاله زوجي تعبان مقعد المهم عندي بالصاله شباك من جهته عمارة مافيها شبابيك واحنا نفتح الشباك هذا عشان يتهوا البيت من كم يوم جالسة انا وبنتي في الصاله شوي رفعت راسي فجأة إلا الاقي ورع يطل على من الشباك😭😭 واصيح فيه وهرب ممكن عمره 13 أو 14 كذا كبير شوي وعلمت زوجي زوجي مرة تعبان ما يقدر يلحق وراه المهم ما عاد فتحت الشباك هذا اليوم دقت على ام زوجي انها بتجيني وقاعدة أرتب الصالة والشباك مقفل الا اشوف شي من ورا الزجاج يدين تبغى تفك الشباك من برا😭😭😭 والله انخلعت ومن الخلعة صرخت وهو هرب والمشكلة شباك خربان يعني ينفتح من برا😭 والله من الخلعة قعدت ارجف واصيح هو شكله عارف زوجي تعبان ومقعد عشان كذا والله اني في حيرة ايش اسوي انا ابغى اعرف بس ولد مين هو اروح اكلم أهله وادا عرفت والله أبلغ عليه الشرطة بس هو كل مرة يهرب ايش تنصحوني اسوي عشان امسكه مالي أهل كلهم بعيدين وزوجي تعبان ومقعد وانا خايفه ما عاد يجيني نوم وربي الله يسعدكم ساعدوني