قال يا المهاجر ودي اشكي لك
قلت سم كلي لك وصدري مفتوح لك
امممممممممم والله مدري وش اقول بس بأقولها وانت تفهمها..... زوجتي عربجيه
هاه .. وش تقول؟!
أقول لك زوجتي عربجيه وتفتقد شي اسمه انوثه ونعومه!! (qq50)
حشا متزوج كربه انت مهوب حرمه
والله انك جبتها هذا اقرب وصف لها.. تصدق من خشونتها وعرجبتها احس اني جالس مع رجال مو انثى
تصرفاتها غريبه... اكلمها برومانسيه ترد علي بعبارات غريبه
مرّه قلت لها مساء الورد حياتي مير تطالعني بعين وتقول ( اغدي دهنه)
لا جيت من العمل القاها تتفرج على الفيديو افلام تفحيط سيارات أو مباريات مصارعه حره
تحب التفحيط... تحب تسمع الفن الشعبي وتموت بشي اسمه عزازي وبشير شنان...
مير تطلع عيوني قلت انت صادق والا تمزح؟
طيب كمل وعلمني زود عن الرجال اللي انت متزوجه
قال وش اقول ووش اخلي
دايم تلبس ملابس كوره والا تلثم بشماغ وترقص على اغاني عزازي
واذا شافتني مولع سيجاره تقرب وتشم بقوه وتقول اتنثر واروح هوى مع هالريحه
اذا طلعنا للبر مع الاهل ونقرب للمخيم تقرب يمي وتضغط على البوري بقوه وتصارخ ويا حوول يا البزارين بالبر مالهم فرصه يلعبوون بالدباب مسيطره عليه تلعب فيه كل الوقت وتطعس وتموت بالسيارات اللي نوع جيب ربع والا جيب شاص
لو نكون بالسوق وأحد طالعنا بعين صدفه يعني مو قاصد تقعد تطالعه وتصرخ فيه وش تناظر يا الثور
اما بالفراش حدث ولا حرج كني نايم مع ولد مو بنت تنام وهي حاطه رجل على رجل احيانا واحيانا تنام بملابسها كامله
والله اني خايف يا المهاجر على عيالي لا يطلعون عرابجه على امهم
قلت له بسألك سؤال
كيف كانت طفولتها يعني كم عدد اخوانها وخواتها
قال ما لها الا ثلاث اخوة ومالها اخوات
قلت اذا عرف السبب بطل العجب
زوجتك عاشت مع عيال وتربت على تصرفات العيال لذا تركت النعومه على جنب واخذت تصرفات التماسيح اخوانها اللي يبدو انهم كانوا منفلتين وراعين بر او بمعنى اصح عرابجه
وهذا كبر معها لذا تشبعت من تصرفاتهم وصارت تحس نفسها واحد منهم
هههههههههههههه
معصب منها الله لايلووومه فيهاااااا الوحيده بنت تتتعلم خخخخخخخخخخخخخخخ
المفروض يوضح لها بطريقة ماتجرحها زي مثلا يقول ماشاء الله كلك انوثة ودلع اذا لبست لبس حلو يمدحة ويقول احب اشوفك بهذا المنظر ممكن يكلم احد من خواته ينصحونها بطريقة حلوة وحتى لو عصبت مرة والا اثنين مصير الكلام ياثر فيها وكثر الدق يفك اللحام ومن الكلام الحلو اللي يذوبها ومهما كان هي انثى يقولها انتي حلوة ويناسبك الدلع والتغنج وان شاء الله ربي يهديها ماالومها يمكن اهلها ماكانوا ينصحونها تاركينها على هواها علشان كذا ماتعلمت