شوفي يا بنت الحلال ...
انا فتحت رابطج مال احلى معكرونه
واشتهيت معكرونه بالباشميل وسويتها ... وكاهي قاعده تطامر في الفرن ..
تبين اطرش لج منها باطرش انظف من اكل المطاعم وخاصه انج حامل الحين وماتظمنين اكل برا ...



ها شقولج ؟ ههههه

بصراحه الجو يهبل .... بس حسافه انا في الشغل :(

ههههههههههه
اكلي منها عليج بالعافية .. انا خاطري في سي فود صراحة ..
بس لا تنسين قوليلي شرايج ..
اكل المطاعم من يوم ما حملت وانا ما احبه وايد ..
الغداء .. اهل ريلي ما يقصرون ,, والعشاء احاول اسوي كل يوم شي لو بسيط ,,
اخر مرة رحنا المطعم .. رجعت اللي كلته كله .. :(
وقبلها باسبوعين كنت بايته عند هلي وطلبت من المعصرة .. ليش ما ادري ,,
وقمت ثاني يوم الصبح وانا صايدني تسمم
والله خفت يصيد البيبي شي :(

الحلوة الحلوة ..
والله الجو مب جو شغل .. تخيلي لو يعطون الحوامل اجازة مدفوعة الراتب :)
كل يوم اقوم الصبح وانا افكر استقيل .. خخخخخخخ
هاي وانا ما كملت 4 شهور

الحلوه
انا حطيت لي كرسي في الحوش وقعدت ... بس يوم طلعت الشمس شوي دخلت ...
عيوني عورتني وانا مسويه جذي>>> -_- ههههه


كلاسيك ..
انا بعد مره كنت رايحه بيتزاهت وتعرفين عاد الريحه هناك ...

الله وكيلج حتى اكمل ماكلت لاعت جبدي بس من الريحه
واكل المعصره بس كرهته مع الحمل .. ودايما اتخيل المايونيز والكاتشاااب بصوره بشعه
وااااي

هلا والله حبايبي

شلونكم.. شخباركم وأخيرا دخلت الشهر السابع وبجدارة من يخبرني وانا بالسادس ..بس سكتوا على ما قلتوا لا لج خلق عزايم ولا أعراس ولا حتى زيارات ولا استقبال ضيوف في بيتج ما تبين تشوفين حد كافي تشوفين نفسك وجسمج الي كل ماله ويتنفخ..
أقولكم عن أحلام محمد يوم رحت اصور عندها شافت البيبي كانت صورته تجنن حاط يده على خده ويتثاوب قلت لها عطيني هذي الصورة.. تتخيلون وش قالت؟؟؟
قالت لا عشان البيبي حاط يده على خده والصورة مب واضحة ( أنتي شيخصج أنا عاجبتني ) وتصدقون أنها رفضت..لا وقالت لي البيبي حجمه وايد كبير أكيد فيج سكر أو زلال ..قلت لها لا رجولي متنفخة ولا احس بأعراض السكر قامت تضيع يمين يسار وتخورها المهم قلت لها خلاص عطيني التقرير وطلعت من عندها على مركز للتحاليل وسويت كل الفحوصات والحمدلله كل شيء طبيعي واليوم الثاني كان عندي موعد في الولادة طبعا أنتو عارفين النظام لجديد كل مرة تدخلين على وحده دخلوني عند وحده اسمها سوسن العبيدلي مسكينة هذي بعد ماتدري وين الله حاطها من شفتها قلت يعلني ما شوفج في الولادة ..تخيلوا كلهم متدربات(من استوينا وهم يجربون فينا)كنسلت لي تقرير أحلام لمن قلت لها السالفة..قالت خلاص بكنسله وصوري مرة ثانية قلت لها انزين شوفي انتي هل وزن البيبي كبير بالنسبة حق عمره قامت تلف وتدور وعقب قالت تعالي بعد اسبوعين وصوري مرة ثانية عند مريم سلمان..الحمدلله والشكر على الأقل جاوبي على سؤالي تعرفون كانت مرتبكة ومب عارفة وين الله حاطها..طلعت من عندهم وسويت تحاليل بعد من عندهم احتياط لا يطلع شيء بعد ..
وهذا كل الي صار معاي ..والله اني ميته من القهر لين متى بنتم جذيه كل وحده تقطج على الثانية ؟؟

الحلوة القميص يوصل 200 ايه مع الخياط وعندج العنوان كاتبته لكم من قبل ..