حبيبتي انا ما ائيد الولادة في الخاص لانهم مستشفيات ما عندهم اجهزة للحالات الطارئة وفي اسوا الظروف ينقلون الوحدة لمستشفى الولادة. اما عن الغرف بصراحة انصدمت لما زرت وحدة في الاهلي تصدقين الغرفة ولا شىء غرفة النقاهة اللي في حمد اكشخ منها بالعكس غرف حمد وااايد راقية والعنايه ارقى النورسات رايحين جاين اضافة الى الدكاترة.

up

انا مع الاخت كازولينا ...

الخاص انتي وحضج .. .. ياتصيب ياتخيب ..

غير انهم غير مؤهلين وخبرتهم محدوده .. .. غير ان الاجهزه اللي باولاده احدث .. ويعرفون لها مو

مثل الخاص .. اذا صار عندهم شي تأزموا ..

ويقعدون يجربون في الوحده واخر شي يطرشوها حمد ..

من فتره وحده من ربعيا ولدت بمستشفى خاص ..

مابي اذكر اسمه خخخخخ الستر زين

ماعندهم الا 3 غرف مجهزه .. صج غرفهم عوده وشرحه ..

بس على كلامها ... تقول والله ان يمر عليها اليوم بطوووله ..محد يطل عليها من الممرضات او الدكاتره..

والياهل كلش محد يهتم فيه واذا اطلبت منهم شي مثلا يغيرون له او يرضعوونه ..

يقولون لها هذا مو شغلنا ..

وفوووق كل هذا .. تقول الغرفه فيها زهيووويه .. وطوول الليل وهي تطالعهم وخايفه تنام ...

و بغد اكلهم كلش مو شي ...

هذا للامانه اللي وصلني منها ...

انا انشاااء الله علة ويه ولاده.. ومستحيل افكر اولد بغير حمد .. مافيني على الغربال والتلعوز..

اهم شي بوصي دكتورتي تجيني في الولاده .. وهي ماتقصر .. بلا خااااص بلا مجازفات

وااااااي ... والله يازينها ابره الظهر .. انا اخذتها بولادتي الثالثه ... والله شي شي شي

بصراحه رحمه من رب العالمين ... من تاخذين الابره .. الا والدنيا تصير حلووووه وورديه خخخخخخخخ

عن نفسي ماحسيت بشي .. بس لاني طولت بالولاده خف مفعولها وقمت احس بطلق خفيف ..

وكلش عند طلعت الراس .. حسيت بألم خفيف

بس والله فرق بينها وبين الولاده العاديه

كنت اسمع اللي يطلقون من حولي ..

اللي تصرخ واللي تدعي .. واللي تولول .. مساكين والله الحريم .. انا نسيت نفسي وقعدت ادعي لهم ......

اللي خايفه من الابره .. تستخير وتتوكل على الله وتاخذها ..

واللي عطتني اياها دكتوره تخدير سودانيه .. يدها خفيفه ..

وماحسيت باي الم .....

وفي واحد سوري ملتحي .. هم يده خفيفه اختي مجربته مرتين وتشكر فيه

تعالوا بقول لكم ..

ترى الحين اللي ماتصر عليها في الاولاده او اللي يشوفونها متردده مايعطونها اياها ..

يقعدون يماطلون لين تصير الوحده 7 سم وبعد يقولون لها خلااااص مايصير الحين ...


بنات انتوا متى ولاداتكم ...

انا ب 29 -9

والله دحكت كلكم كوم ولزهيوية كوم بس شكلي عرفت هالعيادة. المهم انا ولادتي في 10-10 يعني صدق اذا طلبتي دكتور الولادة يجيك؟ تعالوا ومن الدكاترة الشاطرين اللي الحين موجودين شكلهم طلعوا للخاص.لي طلب يا الغاليات من تعرف تلفون العيادات المسائية تعطيني اياه الله يهون عليها انا اطلبه من الاستعلامات يعطوني غلط او ما حد يرد علي؟