كاسولينا

شكل الحمل مأثر عليج .. حبيبتي قلت لج عن طريقة فتح الملف في الموضوع اللي نزلتيه بروحه من قبل .. و عن العيادات المسائيه مادري و الله .. بس مثل ما قلت لج مادام انتي ما تشتكين من مشاكل مع الحمل ادخلي على اي دكتوره متوفره ترى كلهم بيقولون لج نفس الشي .. يوم كنت في الاهلي كانوا الحريم كلهم على رزفي و في غيرها هنديه و الثانيه ايرانيه محد معبرهم من الملل يتمشون في الممر .. مره رزفي كانت مسافره و دخلت على الهنديه قالت لي نفس كلام رزفي و حسيتها مهتمه اكثر من رزفي .. يعني ما كشفت بالتلفزيون و قالت قومي لا تقيس الرحم بيدها و تشوف حجم الجنين ..و عطتني نصايح علشان الجنين كان صغير شوي .. و امس يوم كان موعدي في الولاده بعد حسيتهم مهتمين يعني قاست الرحم و حجم الجنين و اسمعوا دقات قلبه و قالت لي سوي سونار علشان نشوف الجنين كبر عن الشهر اللي طاف و لا لا .. عاد انا بروح حق عدنان .. امس اتصلت لهم و رد الانسر مشين علي يقول بيفتحون العياده يوم الثلاثاء .. بروح هالاسبوع لان الاسبوع الجاي موعدي الله يعين الحين كل اسبوع موعد لين اولد ..

مجنونة قطر

الحين اقولكم ادعوا لي اربي قبل و انتي تبين تأخريني شهر ههههههه

اما ريلج ههههه يحق له يخاف على وليده .. خلاص علشان يرتاح روحي للدكتوره خليها تكتب لج عليها .. مع ان ما يحتاج بس علشان يرتاح ريلج ..

و ان شاء الله ربي يثبت حملكم و يهون عليكم و تترسون البيت عيال :)

يارب آآمين
موعدي يوم الخميس انشالله
اول موعد لي بعد الحمل
بعدها بيقولون لنا تصرفوا دوروا لكم دكتور يتكفل فيكم هههههههههههه

مجنونة قطر

هههههههه حلوه شوفوا لكم دكتور يتكفل فيكم ..

بس انتي خلج دوم مرتاحه و اذا تشتغلين اخذي اجازه بدون راتب و خلج منسدحه .. و نامي النوم زين لج و حق كل اللي توهم في الشهور الاولى لان النوم يريحج من التعب و يساعد الجنين ينمو احسن ..

لا
الحمدلله اني مفنشه صار لي فتره
ولا جان اشتغلت رزالتي عندهم
اما بارقد عالمكتب ولا مب جايتهم الا ع الـ 9 هههههههههه

مجنونة قطر ..

انتى عند منو بتابعين الحمل...؟؟

انا امس رحت موعدى عند الدكتورة نجاح وعطتنى شكثر ادوية .... بسبب السفرة ...كل صوب وانها

تخيرنى تقول لى تبين حبوب للوعة حق الطيارة قلت لها اية احتياط قالت لى حبوب ولاتحميلة ...

عاد يازينى في الطيارة حاطة تحميلة .....!!!