واختفى متعب عمره 3 سنوات من يدين امه في مهرجان ربيع الرياض

مساء الخير
بنات حواء معروفين باهتمامكم وطيبه قلبكم وحنيتكم وتعاونكم
وحبكم لفعل الخير ....
فيا بنات اليوم في مهرجان ربيع الرياض (مهرجان الزهور) قبل ساعتين تقريبا
شاهدت موقف يحزن القلب ويقطعه
يابنات تخيلوا
وحده قدامي ولدها ضااااااااااااااااااااااااااااا ااااااااع
تصيع
تايهه
قطعه من لحمها راحت
ولدها متعب عمره 3 سنوات ولا بس تيشيرت عنابي وجينز هذي المعلومات اللي قدرت بعد جهد جهيد اخذها منها
تخيلي حملت وسهرت وتعبت واخرتها انخطف قدام عيونها
انا والله يا بنات وراها وراها اذكرها بالله واعوذها من ابليس
بس فجاة تاهت مني وانا اكللم ولد اختي
رحت الحقها قلبي معها ومع متعب
اه يا ام متعب الله يهون عليك ويفرج كربك ويقر عينك بمتعب وتشوفينه قدامك
يارب تحفظه وترجعه لامه سالم معافى
يا بنات انا اكتب وقلبي يتقطع
الحرمه تضييق الصدر ولا احد حولها
انا حسيت بالذنب لاني لهيت عنها وانا اكللم ولد اختي
بس صدقوني درت المكان كلله ادورها ما حصلتها
ياليت اسمع عنها خبر زين
الله يرده لها
اللهم امين
استودعتك الله يامتعب الذي لا تضيع ودائعه
بنات حواء اخواتي واعز
اثلجتم صدري بردودكم وعاواكم لولدي الله يشافيه
في هذا الموضوع
http://forum.hawaaworld.com/showthread.php?t=1187090
فلا تخلون هالحرمكه المسكينه من الدعا ولا ولدها
يا بنات تخيلوا بسم الله عليكم واللهي حفظ لكم عيالكم لو انكم بمكانها
يال قلبي عليها عمرها ما تخيلت انه هالولد بيضيع من يدها بثانيه
حسبي الله ونعم الوكيل
اللهم فرج همها وكربا ورد لها ابتها متعب يا كريم
ادعوا لها اخواتي لعل الله يقر عينها بولدها بسبب دعائكم
اخواتي تكفون من تعرف هالسالفه والا تعرف ام متعب تطمني عنها تكفون ترى على احر من الجمر
حتى ما رحت ازور ولدي اليوم كله افكر فيها وقلت اكتب موضوع عساه يرجع لها عاجل غير اجل

واذا كان رجع فالله يحفظه لها دوم ولا عمرها تشوف فيه مكروه