شوفي حبيبتي فيه وحدة تعالج عن الأخية هذي اللي تتكلمين عنها .. ممتازة مرة عالجت وحدة من بنات زميلتي .. كانت هزيلة ورخوة وبعدها ربي كتب لها العافية ..
اسمها :

ولدك كم عمره انا ولدى وبنتى كويتهم لاحظت تغير بسيط تحسفت انى كويتهم روعتهم عالفاضى ودىه حرمه شاطره تعرف للورعان طلبى منها سعوط بعض البزارين ينفعهم

الله يشفيه ويقومه لج بالعافيه

اختي بالنسه للاسهال حطي مع رضعة ولدج شويه نشاء

يمسك البطن او حلبه هم تمسك البطن

والرشاد ينظف البطن حيل

وحنا نعطي عيالنا من اول يوم ينولد فيه

اول يوم حبه وثاني يوم حبتين وكل يوم زياده عن اليوم الى قبله

لما يصيروا سبع حبات مع شوية سكر نبات نهايه الاسبوع الاول

ولا تطحنينه عطيه على شكله

حتى يصير متعافي وحالته زينه

شوفي يا قلبي يمكن عنده تسقيط اللي يصير حق بعض الأطفال سهال مع التهاب حلق بسيط وما ياكلون وهذا علاجه بالترفيع يعني لو وحدة تعالج شعبي ترفع لولدك لهاته وبتشوفينه تزين صحته أو نفس ما صار لبنتي جاها ترجيع وسهال وهاي علاجه تمسيد البطن.. انا أول ماجبت لها مرة تمسدها قالتلي يوم شافت بطنها ان بنتي يمكن طايحة على كبدها خذت تمر معبوط وصارت تلزقه في بطن بنتي وترفع ( في المنطقة أعلى المعده تحت القفص الصدري) وعقب مسدت بطنها بزيت زيتون ولفت بطنها بمهاد .
وفي شي بقوله فادني بشكل كبير أنا كنت أقرا الرقية الشرعية في ماء زمزم وما أخليها تشرب إلا منه والحين اللهم لك الحمد صارت أحسن عقب ما مرضت فوق الشهر متواصل أدوية.
وملاحظة إذا سبحتيه لااااااااااااااازم تدهنينه بزيت زيتون جسمه كامل وتسكرين المكيف عشان ما يدخله هوا..
ولا تنسين الدعاء لولدك ترى دعاء الوالد لولده مستجاب ومافيه غير ربي مفرج الكروب عساه يستجيب لك ويرزق ولدك الصحة والعافية اميييييييييييييييييييييييييييييييييين

انا ولدي عمره 6شهور ويعاني مما يعانيه ولدك
وعلى قولتك كل وحده تقارنه ببزرها الي كبره وتقول هلكان ولدك
شوفي اتوقع ان ولدك فيه سقاط يعني عظيم يعني الولد يسنن وهو كذا اسهال الاسنان يصيلر كن فيه مخاط او خيوط وديه للحريم الي يعرفون يرفعون واكليه سليق كثير يعني رز مصري وزبادي وقللي له الحليب الا ان يخف الاسهال وعطيه بطاطس مهروس
والله يشفي وليدي ووليدك وعيال كل الناس واذا احد ازعجك بقولت نحيف صحته شينه قولي يعني انا منيب امه وودي انه يصير احسن الناس اذبه في الزباله
خخخخخ