واخيرآ رجعت بعد ماسويت اطفال انابيب بالاردن ,, تعالو يابناااااات

تأخر الحمل

السلام عليكم

كيفكم يا امهات المستقبل ,, الله يفرح قلبي وقلوبكم ياااااااااااارب

طبعأ انا قبل شهر نزلت موضوع استشيركم باحسن الاطباء في الاردن

طبعا البنات ماقصرو الله يجزاهم عني خير الجزاء

واالي ماتعرف هذا رابط الموضوع

http://forum.hawaaworld.com/showthread.php?t=2305530&page=2




المهم بعد بحث واستخاره ,, قررنا انا وزوجي نروح للدكتور خلدون الشريف

وفعلا اول ماوصلنا الاردن اتصلت واخذت موعد بنفس اليوم ورحنا ودخلنا على الطبيب

بصراحه جميع اللي يشتغلون معاه قمه بالاخلاق والذوق ,, حتى الدكتور ماشاء الله عليه نفسه سمحه والابتسامه على وجهه

ويشرح لك كل شئ بالتفصيل واي سؤال تسالينه يرد عليك بكل لباقه

بصراحه ارتحت معاهم كثيييير ,, لما شاف تحاليل وتحاليل زوجي قال يعني العيب منك انتي

لاني اشوف تحاليل زوجي ممتازة ,, قلت يالدكتور عشان كذا نبغى نسوي اطفال انابيب

قال بس زوجك لازم يعيد التحليل عندنا وانتي لازم تجين من ثاني يووم الدوره وحدد العلاج اللي راح اخذه ,, قلنا اوكي

اخذ لي اشاعه وطمني قال الحمدالله رحمك بمكانه ولافيه تكيسات
وهذي بشارة خير


حلل زوجي والحمدالله النتيجه طلعت مثل قبل سليم ,,

وبدينا بالعلاج من ثاني يوم الدوره في البدايه كنت اخذ 1بودره مع 1 سائل تحت الجلد و2بودره مع 1 سائل بالعضل

مع الاسبرين وحامض الفوليك

بعد اسبوع اخذت اشاعه وقال الدكتور استجابتك جدآ بطيئه ,, راح ازوود الجرعه

وصار 3 بودر مع 1 سائل بالعضل وعطاني موعد بعد 4 ايام

وفعلا رحت واخذت اشاعه ,, قال , فيه تحسن بس بسييييييييط جدآ , انا مظطر اعطيك اقصى جرعه

يعني اقوى شئ

غير العلاج اللي كنت اخذه بالعضل وعطاني علاج ثاني وكنت اخذ منه 6 بودر مع 1 سائل بالعضل

بس اللي تحت الجلد ماغيره

المهم اني طولت بأخذ العلاج لان جسمي كان مايستجيب بسرعه


بنات ساموحني مااعرف شنو العلاج ,, لاني كنت اخذ كل يوم بيومه منهم ,, يعني كل يوم امر الصيدله حقتهم واخذ الابر حق يوم واخذهم

والممرضات اللي يعطوني الابر ماشاء الله عسل ينحطون عالجرح يبرئ ,, وكل مره يعطوني الابر يجلسن يدعن لي


المهم بعد 4 ايام من زياده الجرعه اخذت اشاعه ,, قال الدكتور ممتاز بس لازم تسمرين عليه بعد 4 ايااااااااام

ورجعت اخذت اشاعه قال خلاص اليوم الساعه 9 ونص بليل تاخذين ابره التفجير وبعد بكرا العمليه

وفعلا اخذت الابره بوقتها

وجاء يوم موعد السحب ,, وجاء الطبيب بنفسه والابتسامه على وجهه ويحاول يطمني ويسال عن حالي

عطوني بنج كاااااااامل وبعد ماصحيت لقيت الممرضات كلهم حولي ويعاملوني وكاني طفله عمري 8 سنوات

عندهم عنايه ممتازه ,, وبشروني قال امورك تمام وسحب الدكتور منك 16 بويضه ,, انا فرحت وحمدت ربي وشكرته

خلوني عندهم لين صحصحت وجابو لي مويه وعصير وفطيره وقالو لو تبغين مشروب حاار حنا حاضرين

طبعآ يادووب قدرت اشرب شوي مويه لني كنت تعبانه واحس باألم .

جلست عندهم ساعه وطلعت ,, قالو لي بكرا يتصل فيك حق المختبر ويخبرك كم بويضه تلقحت

وصرفو لي تحاميل اخذها من فتحه الشرج مرتين باليوم

رجعت وكنت طوووول اليوم تعبانه يالله اشيل نفسي اروح للحمام وارجع للسرير

المهم من بكرا الساعه 10 الصباح اتصلو علي ,, وقال الحمدالله اللي تلقحو 13 بويضه وموعد الترجيع بعد بكرا

حمدت ربي وشكر ته

ويوم جاء يوم الترجيع قال الدكتور صحيح تلقحت 13 بويضه بس اللي من الدرجه الاولى بس 3 بويضات

والباقي من الدرجه الاقل ,, وانا اذا تبغين نصيحتي بس بنرجع لك الـ 3 وحتى الباقي غير صالحين للتجميد :44:

انا تضايقت وقلت ليش ماترجع لي 4 ,,

قال انا قلت لك نصيحتي و3 لحالهم يعطونك اكبر فرصه للحمل من اني احط لي 3 درجه اولى و1 درجه اقل


قلت : خلاص يالدكتور راح اسمع بنصيحتك ورجع لي بس ال3

والله يابنات اني ماحسيت باي شئئ يوم الترجيع ,, مادريت الا يوم قال خلاص قومي

استغربت .. قلت دكتور خلصنا ؟ ,,

ضحك وقال ايه تبغين نجلس ساعه

قال لا بس استغربت اني ماحسيت باي وجع

وعطوني قبل اطلع تعلميات باكلي ولازم اكثر من السؤال واني لازم مااسوي مجهود والجماع ممنوع ,, ورقه ثانيه فيها تاريخ موعد التحليل

وصرفو لي علاج اخذ منه ثلاث حبات اكلهم مع بعض مره باليوم

والتحاميل بعد الترجيع صارو احطهم من قدام فتحت المهبل

مع الاسبرين والفولك اسد


وجلسنا يومين ورجعنا ,,

كان يوم الترجيع يوم الخميس اللي فااااات ,, ورجعنا انا وزوجي يوم السبت



ادعو لي يابنات اني احمل ويارب يكونو تؤاااام


حبيت اخبركم باللي صار لي

ويارب يجي يوم وابشركم بحملي ياااااااارب يفرح قلبي ويعوض تعبي خييييييييير يااااااااارب


دعواتكم يابنات
176
14K

يلزم عليك تسجيل الدخول أولًا لكتابة تعليق.

تسجيل دخول

حلم محرومه
حلم محرومه
اولا الحمدلله ع السلامه
ثانيا الله يرزقك بثلاثه تؤام يملون حياتك ويسهل حملك وولادتك
ثالثا الله يرزقنا جميع بالذريه الصالحه المعافاه من غير حول منا ولا قوة
رابعا معليش سؤال حشري كم كلفتك العلاج والعمليه الله يعوض عليك يارب
ألمااااسه حساسه
أسأل الله العظيم رب العرش الكريم ان يثبت اجنتك ويرزقك ماتتمني

ويرزقنا جميعا بماتقر به اعيننا ولاتنسيني من عواتك
naoumah
naoumah
ياااااااااااااااااااااااااااااااااااااااااااااااااااارب تحملي بثلاث توام سليمين معافين
وبشريني اختي :)
ام فزاع وهزاع
ام فزاع وهزاع
يارب ياكريم ماتجي السنه الجايه الاتؤؤام الثلاث في حضنك يارب ياكريم
وكل محرومه يارب
حرم المهندس زيكو
أسال الله الكريم رب العريش العظيم أن يتم عليكي الحمل ويرزقك التؤام الصالحين
بس سؤال ليش سويتها برا؟
وكم تكلف العملية عشان أبي أسوي الشهر القادم أن شاء الكريم.
والسموحة على كثر الاسلئه