السلام عليكم ورحمة الله وبركاته
بعد ما كنت من متابعي قصص الولاده جا دوري احكي لكم ولادتي انا كل ولاداتي قيصري
يعني محدده مسبقا مع الدكتوره موعد ولادتي
الي كان في 29 جمادى الاخر نفس يوم ولادة ابني البكر وكانت ولادتي في مستشفى الاطباء المتحدون
وع فكره للي ما تعرف تراهم يفاجئوكي قبل الولاده بكم يوم انك لازم تجيبي لهم دم من نفس فصيلتك
وهما الوحيدين الي يطلبون هالطلب
المهم طبعا ما نمت يومها من القلق وكان موعدنا 6صباحا صحيت زوجي ورحنا لقيتهم مستعدين تماما والحلو عندهم انهم فورا يستقبلوكي في غرفتك المجهزه تماما بكل شئ من لبس العمليه للمحاليل للابر لكل شئ وغرفة العمليات بنفس الدور وكانت اول مره استخدم بنج نصفي صراحه روعه ما حسيت باي الم وابرة الظهر اكثر من رائعه تندمت اني ما استخدمتها من قبل وربي الشاهد على كلامي انها امنه والعمليه ما تاخذ لها الا ساعه الا ربع ورجعت للسويت الي زوجي الله يحفظه حجزه لي وكان يطل على البحر مباشره
صراحه منظر روعه وخدمتهم اروع مثل الفنادق الخمس نجوم
بس للاسف ثالث يوم بعد العمليه جاني اكتئاب الولاده بس زوجي فورا اليوم الي بعده اخذني لطبيب نفسي واعطاني علاج ارتحت عليه لان الاكتئاب اذا ترك من غيير علاج ممكن يسيطر عليكي تحت اي ضغط تتعرضين له فيما بعد
دكتورتي كانت صباح حداد اكثر من ممتازه والله تحسين انها اخت مو دكتوره الله يوفقها يارب واحب انبهكم انكم ما تنسون تحصين انفسكم او اذا حسيتي انك اوك تستقبلين ضيوفك في في اللفينغ تبع السويت الي انتي فيه خليكي منسدحه واياكي تقولين كل شي كان سهل وحلو ولا تحطي ميك اب خفيف وتكوني هبله وعلى نياتك مثلي لاني كنت بخير لين ثالث يوم بعد ما راحو عني الضيوف جاني هبوط واغماء وتعرق وقلق وخوف وهلاوس وبعدها اكتئاب قاعده اتعالج منو الى الان وانحرمت من ارضاع بنتي بسبب الادويه حق الاكتئاب ااااااااااه يا قلبي والله يتقطع لاني ما لحقت ارضعها الا يوم واحد بس الحمد لله جت على كذا
وهذي قصتي وسللامتكم ودعواتكم لي بالشفاء لي ولكل المسلمين
فراوله بالتشوكليت4 @fraolh_baltshoklyt4
عضوة جديدة
يلزم عليك تسجيل الدخول أولًا لكتابة تعليق.
بيبي دودو
•
مبروووك والحمدلله ع سلامتك
ماشاء الله تبارك الله
الف مبروك ويتربى في عزكم
عقبالي يارب
وكيف الولاده الطبيعي عندهم
الله يستر ويسهلها على وعلى كل الحوامل
الف مبروك ويتربى في عزكم
عقبالي يارب
وكيف الولاده الطبيعي عندهم
الله يستر ويسهلها على وعلى كل الحوامل
الصفحة الأخيرة