واخيراااا..الدرس الاول >>حقروا الموضوع الثاني خخخ

هلا وغلا في حبيبات قلبي
كــــــــــــــــــــــــــلهم

اليوم قررت وبعد تفكير وتمحيص تمخمخ في عقلي الباطن
اني اعطيكم دروس زوجيه للي توها متزوجه والي جريب تتزوج والي صار لها مده نحاول معاها على وعسى تنفع افكار مسمس هانم معاها

ولكـــــــــــــــــــــــن وبالبونط العريض الرجاء قراءة التحذير والملاحظة
تحذير هام وملاحظه مهمه بقوقو عيونكم
الماسة السوداء تخلي مسؤليتها عن اي تسبب او طرد او كف يقوم به الطرف المعني بالكلام(يعني ريالكم)او اذا شال قشج وحط بقشتج فوق راسج ووداج بيت هلج فانا غير مسؤله>>ترزين روحج وعقب تقولين غير مسؤله:dry:

نبتدي الدرس الاول
شوفي حبيبتي انتي اذا تزوجتي بتتعاملين مع مخلوق شبيه بالمخلوقات الفضائيه يعني مافي صله تفاهم واهو تفكيره في مكان وتربيته غير وانتي غير
فشنو تسوييييييييييين
1. لازم تخلينه يتعود على الي انتي تحبينه والي تبينه يعني من الاكل الي تفضلينه الى المعامله ومنها على سبيل المثال تقومين الساعه 5 للصلاه تعلمينه يقوم معاج

يتغدى في البيت معاج..تحبين تطلعين في الويك اند معاه المفروض مايتواعد مع ناس غير
اذا زعلتي معاه وتفضلين انه يسكت وعقب ماتهدئ الاوضاع تتناقشين معاه عن الي صار

يعني كل الي تحبينه وما تحبينه سجليه وطبقي معاه بند بند
الحين شلوووووووووون تطبقين معاه البنوووود

شوفي انا باعطيكم الطرق الي استعملتها مع ولد امه وابوووه:23:
اول شي تعاملت معاه بالطيب يعني الكلام المعسول ودلعت فيه وخليته سي سيد
في اشيه اظبطت واشيه لا
رحت للخطه نمبر تو
قمت اتدلع حييييييييييييييييييل وحتى اذا اتدلع اشوف ريريه خخخ بالسعودي سعابيله
وباللغات الثانيه مادري
قمت اذا ابي شي البس اشياء يحبها وانوع في اللبس من التنوره القصيره الي تجي فووووووووق الركبه بوايد الي البديهات المزلطه والمبلطه
وقمصان النوم الفنتق وطبعا ماننسى الشعر انا ريلي يحب شعري مسبسب على الظهر ويحبه طويل ويحب البس تراجي الوان على نفس الوان ثيابي واحط ميك اب ناعم واتدلع في الحركات وبعد اشياء تنفع هالحركات واشياء لا
الخطه نمبر ثري
والمثل الي يقول رياييل مايوون الا بالعين الحمره
انا اييه بالعين البنفسجيه بعد والهواش والتطنقر والتكفخ والطراخ والطريخ
ويكون بعد فيه اكشن يعني لازم تتعلمين البوكس والتيكوندو والمصارعه الحره ويفضل هواش وتكفخ الشوارع لانج بتحتاجينه

نصيييييييييييييييييحه
خليج دايما من النوع الي يتغشمر علشان ريلج يكون عنده نوع المرح مثلج
يعني لو تهاوشتي معاه يعرف انها نوع من الغشمره وتعلمي التمثيييييييييييل
انا اشلون تعلمته

اجابل روحي بالساعات جدام المنظره واقول الي ابيه له >>طبعا جرب الدور قبل لا اسويه واهو محد
واذا ماعجبني ارد اسويه 3 و4 وحت 10 مرات لين يضبط
ودايما اسويها عن طريج الغشمره علشان لما اكفخه يدري انها غشمره ومايحاسبني عليها ولا بيقول هذا الي قاصر تكفخني وانا ريال جدامها اسويها من غير مايفهم اني قاصدتها:22:

هذا اول درس الي مافهم يقول شنو وباعيد عليه
واذا حفظتووووووووووه باعطيكم الدرس الي بعدووووووووو

طبعا الموضوع الثاني انسب حق غيري فقلت اغير الموضوع لان المشرفات ماعطوني ويه وغيروه
وبسوي كوبي على كلام البنات الي شاركو معاي:23: