واخيرااا لقيت الكريم اللي حيعطيني البياض اللي اتمناه

السلام عليكم ورحمة الله وبركاته 

اعزائي كيف الحال جميعا 
اخواتي احببت ان اشارككم اليوم واخد بريئكم لاني فعلا محتاره جدا جدا
طبعا انا زي اي وحده تدور على توحيد لون الجسم والتفتيح والبياااض 
انا لوني قمحي او على مايقولو حنطي ولاكن اطمح فالبياض او ع الاقل درجه فاتحه مع توحيد اللون 

المهم يااخواتي الاعزاء ماراح اطول عليكم 
انا ادرس بالخارج طبعا زي ما انتو عارفين في الكلاس تقابلي جميع الاجناس من الناس وجات عيني على وحده بنت تايلنديه تدرس معايا كانت معايا من الصف الدراسي العام وكان لونها قمحي والله اعلم على ماكنت اشوفها 
وجات هادا العام البنت مبييييضه وبشرتها رهيبه 
طبعا رحت اتحمست وسالتها صراحه وقالتلي انها تستخدم كريم تايلندي 
وحكتني حكايتها وكدا والحق كانت صادقه جدا لانها ماتعرفوي ولا لها مصلحه تكدب عليا في حاجه وانا اللي رحت وسالتها مو هيا جاتني 

المهم طلبتها اسم الكريم ولو تقدر توفرلي هوا 
قالتلي انها ممكن توصي احد من اهلها فس تايلند يشتروه ويرسلو لنا 
فا قلتلها راح افكر وارد عليكي
فا انا اليوم ابغى استشيركم انا متحمسه جدا على التجربه لاني شفتها قدامي سايره تجنن بيضه وصافيه كانها بيبي 
وقالتلي ان الكريم امن كلو مواد طبيعيه واعشاب وكدا ولاتنسو تايلند من اكتر البلدان الاسيويه يهتمو بالتجميل وهادا الجانب من الكريمات والتبييض وهيك 
فا مني عارفه محتاره وبالذات ان انا مو فالسعوديه اقدر اوديه لمختبرات وكدا يحللوه 
فا ايش رئيكم اغامر او ايش تنصحوني 
اتمنى التفاعل معايا لاني لو لقيت نتيجه ماراح ابخل عليكم 

ياريت الكل يرد بليزززز 
والله محتاره وقلت مالي بعد الله الا حبايبي بنات حواء يساعدوني بارائهم 


يلا استنى الردود ياحلوات في امان الله