يسعد صباحكم / مسائكم ياحلوات
كيفكم وكيف كتاكيتكم؟؟
طبعا بالبدايه حبيت اليوم احكي لكم قصة ولادني قبل شهر و18 يوم وابغى اطمن البكريات واعطيكم بعض النصائح وبإذن الله تستفيدون منها
انا ياعسولات بكريه وحددت لي الدكتورة الولاده في 4/2 طبعا رحت لأهلي من نص الثامن>>>> ساكنه بمنطقه تبعد عن اهلي 600 كيلو
وبصراحه كنت مهمله في مواعيد المستشفى اخر تحليل سويته وانا بالخامس والشهر السابع ماكشفت ولاشيء ورحت مره في الثامن ومره في التاسع وهذا اكبر غلط المفروض كل اسبوع بس الحمدلله ربي الحافظ
المهم حتى جاء يوم الجمعه 3/2 اتصلت علي وحده من قريباتي وطولت في المشي وانا اكلمها تقريبا ساعه الا ثلث >>>>>كنت امشي مره او مرتين بالأسبوع وماتعدي ربع ساعه الحمدلله مااجهدت نفسي بالمشي
المهم جاء الساعه 12 الليل بدأت احس بألام خفيفه قلت الطلق الكاذب ومطنننننننننننشه مشغوله بالنت وماحسيت بنفسي
المهم نمت بعد الفجر >>>>يوم السبت
وصرت اصحى الصباح وماكنت اعرف وش اللي مصحيني حتى اذن الظهر وصحيت اصلي وتذكرت ان فيني الآم مستمره وقلت لأمي طبعا خافت ورحت اخذ ملعقه عسل وافطرت
وصرت امشي وأقرأ ورد الولاده واستغفر كثييييييييييير وامي اتصلت على ابوي تعطيه خبر انوممكن اولد الليله عشان مايروح بعيد او ينشغل
المهم ووحده من صديقاتي تتصل علي وتسولف واعطيها طريقة صينية الشورما واحس الطلق بدأ يشد بس محتمل >>>>>>مررررره رااااايقه
وتغديت بعد العصر ورحت المستشفى انا وامي وابوي وقالوا مافيه دكتورة بس دكتور واحنا نبغى دكتورة وجلس يسأل ابوي هي شافت علامه!!!!! بكريه !!!!!! ممكن تطول وتولد بكره طبعا سوداني الله يسامحه بس
خرجت من عندهم
ورحت امشي واتصل علي زوجي وعطيته خبر انو ممكن اولد اللييله
وتمشينا شوي والآم كل مالها تشتد بس محتمله
صليت المغرب ورحت دورة المياه وانتم بكرامه وشفت سدادة الرحم
والآم تشتد بس الحمدلله قدرت اتحملها
وبعد العشاء اتصلت علي زوجة زميل زوجي تتطمن واسولف معها واكتم الطلقه ماأبغاها تحس>>>>> كأنهم حاسين ان عندي ولاده
رحت المستشفى تقريبا الساعه 9 وكشفوا علي قالت 1ونص او 2سم وسألتني الدكتورة والممرضه نبغين تنويم بس قالت افضل تروحين البيت ترتاحين ممكن تطولين وتولدين بكره الصبح ونصحتني ماأشرف قرفه ولا قشر قهوة
رجعت البيت جلست ممكن اقل من ساعه والآلام تشتد وانا منسدحه على السرير واهلي جالسين بالأرض وجاتني طلقه قويييييييييييييييييييييييييييييييه وانفكت علي المويات انا هنا جاني احراااااااااااااااااااااااااج فضييييييييييييييييع من ابوي واخواني وابكي واهلي يناظروني مو عارفني وشو اللي فيني امي جات عندي تقول عادي قومي امشي ماتدري ابغى اتكلم بس منحرجه من ابوي واخواني بعدين قلت انفكت المويات ابوي فديته قام هو واخواني راحوا بعيد عني وانا لبست وتجهزت >>>>>>>>>>طبعا منظراخواتي ميتين من الخوف علي
رحت الساعه 10 وعشر تقريبا وندور الدكتورة اللي كشفت علي مانبغى دكتور وشوي زوجي يتصل وابكي ويسألني وبالغصب اجاوب من الخوف والإحراج
وجات الدكتورة الساعه 11 وشوي وكشفت قالت 2سم لازم تنويم ودخلت غرفة التنويم الساعه 12 الا ربع ورفضو يدخلون امي معاي بصراحه فرحت مرررررره ماودي تتعب وهي تشوفني تعبانه وكمان الجو باااااااااارد وبدأ الطلق يشتد وحطوا علي جهاز التخطيط واسمع نبض ولدي وارحمه مررررررره كل ماجات طلقه تصير نبضات قلبه سريييييييييييعه طبعا جات الممرضه بعد ربع ساعه قالت تبغين تمشين قلت ايوه وفكت الأجهزة وماقدرت اقوم لأن الجنين متجمع جهة اليسار لأني كنت على جنبي وياااااااااااااااااااالله اتقلب في السرير وحالتي حاااااااله بعدين تجرأت وقمت وصرت امشي واستغفر وادعي وزوجي ذكرني بلاحول ولا وقوة الا بالله العلي العظيم و كل ماجات طلقه ذكرت الدعاء وسبحان الله تخفف عني كثييييييييييييير
ايوه تذكرت تخيلو رحت وانا جوعانه تغديت العصر وبعد المغرب اخذت تمر وقشر قهوة ومااكلت بعدها شيء ماانتبهت ولا كنت ادري
المهم اني صرت امشي ورحت اطلب الدكتورة تكشف علي رفضت جالسه تتفلسف انتي بكريه وممكن يسبب التهاب وخرابيط طبعا فلبينيه تمنيت اعطيها كف اوووف قهرتني
اجلس حتى الساعه 1:38 الليل طبعا ورجعت لها مره ثانيه قالت روحي عند الممرضه اللي عندك بالغرفه لحظتها ودي اني اذبحها وينك ماتتكلمين من زمااان
ورحت عند الممرضه اللي في الغرفه جالسه على اوراق وخرابيط وطلبتها تكشف قالت يالله يووووووووه قهرتني خييييير انا اشحتكم شحاته اعوذ بالله منهم
وكشفت قالت 4سم وفررررررحت واتصلت على امي واطمنها
تخيلو من التعب اللي فيني اسأل الممرضه متى ممكن اولد تقول الله واعلم احنا ماندري
يااااااااااربي تقهرني اذا قالت كذا وهي صادقه ماتدري مسكينه
وبعدها سألت الممرضه فلبينيه متى ممكن اولد قالت بكره ممكن 8 صباح انا هنا طارت عيوني خفت وتصيح الممرضه اللي كشفت قالت لا ممكن تولدين الليله تطمني الله يسعدها
وجلست امشي ورحت دورة المياه وانتم بكرامه وشفت دم كثييير مرررررره خفت ولما صارت الساعه 3 طلبتها تكشف وسألتها عن الدم قالت حلو ممكن فتح الرحم اكثر وكشفت قالت 8 سم يلا على غرفة الولاده ورحت وربطوني بجهاز التخطيط ولما صارت 3 ونص جلست اقول لهم احس بدفع وانا كذابه مااحس بشيء بس اابغاهم يجلسون معي وماابغى اجلس وحدي اخاف اولد وهم بعيد عني وكشفت قالت 10 اذاحستي الم ادفع فلبينيه طبعا قلت طيب وسبحان الله حسيت الطلق بدأ يبرد عندي واتوقع انه من الجوع مااكلت شيء بس اشرب مويه بصراحه مرررررررره خفت
وجلست ممكن ربع او ثلث ساعه احاول ادفع ماقدرت طبعا ماساعدوني الله يسامحهم وهم يشجعوني ومابقي في المستشفى ممرضه ولا عامله الاحضرت ولادتي والدكتورة السعوديه تقول يالله بأساعدك وسوت توسيع وادفع وادفع وادفع حتى قبل اخر دفعه جاتني دوخه وصار راسي يلف يلف يلف لاشعوريا
والحمدلله طلع احلى ولد بالدنيا البراء ربي يحميه آآآآآآآآآآآآآآآآآآآآه يااااااااارب لك الحمد الساعه 3:50 يوم الأحد بتاريخ 5/2/1432هــ
وشفته وسمعته لما بكى الحمدلله يارب
المهم ادور جوالي مالقيته شوي ابوي يتصل انا على بالي انه يبغى يتطمن اثاريه وصله الخبر اني ولدت انتم بتقولون كييييييييييييييييييييييف؟
طبعا اعطى وحده من العاملات رقمه ورقم امي راحت الغبيه اتصلت على ابوي قالت بابا مدام طلع راس ورجعت اتصلت قالت مدام طلع بيبي
وبعدهاانا بشرت زوجي على باله اطمنه اني بخير وارسلت لصديقاتي الرساله اللي جهزتها واتصلت علي اللي كلمتني العشاء مي مصدقه واليوم الثاني اتصلت اللي عطيتها طريقة الشاورما وتقول وين الشاورما >>>>>>>>>>>خخخخخخخخخخخخخخخخخخخخ اووووووووم الروقان
وطبعا خيطتني وانا بس اقول أي أي صجيتها صارت تقول كلمي عادي عشان تنشغلين بعدها سألتني قالت انتي عارفه وش جبتي ؟؟؟؟
قلت ايوه ولد .... قالت اشوفك مو فرحانه قلت آآآآآآآآآآآآه اهم شيء ولدت بالسلامه خخخخخخخخخخ
طلعت الغرفه الساعه 5 الفجر وطلعت من المستشفى بنفس اليوم على اذان المغرب لأن ماكان معي مرافق ممنوع طبعا وماعرفت اتصرف مع البيبي بس وحده معي بنفس الغرفه ولدت الظهر قبلي طبعا تساعدني الله يجزاها الجنه يارب
وهذي قصة ولادتي
وبأعطيكم بعض النصايح
اولها شيلي الخوف من راسك استمتعي بكل لحظه في حملك >>>>ترى انا خوااااااااافه من الولاده من قبل مااعرف الحمل ولما حملت شلته من راسي
ثاينا لاااااااااااااااااتنسين الدعاء ان ربي يسخرلك الساعه الطيبه والدكتورة الطيبه للولاده وربي يكتب لك اللي فيه الخير واستودعي الله نفسك وطفلك ولاتنسنيينها اذا رحتي تولدين
ثالثا وقت الطلق لايوقف لسانك من ذكر الله ومن الدعاء ولاحول ولاقوة الا بالله
رابعا انتبهي تروحين وانتي جوعاااااااااانه خذي اكل معك بشنطتك خفايف وعصير
خامسا لاتستخدمين محرضات والخرابيط انتي بتولدين بتولدين بس في ساعه ربي كاتبها لك
سادسا لاتنهكين جسمك ورجلينك بالمشي بالكثير ربع ساعه
سابعا لاتهملين مواعيد المستشفى
اعذروني طولت عليكم وان شاء الله انكم استفدتوا من قصتي ومن النصايح
ولاتنسوني انا واهلي زوجي وطفلي من الدعاااااااااااااااااء
ادعولي ربي يعيني على بر امي وابوي وارد لهم الجميل مررررررررررره تعبوا معاي الله يجعلهم مثواهم الفردوس الأعلى ياااااااارب العالمين
الله يسهل على كل حامل ولادتها ويرزقها و كل محروم ومحرومه الذريه الصالحه سليمه معافاه على فكره ولدت بمستشفى ابها العام
محبتكم .... بـــــطــــــاطـــــهـ ....
بطاطه @btath
محررة فضية
يلزم عليك تسجيل الدخول أولًا لكتابة تعليق.
وشو اللي يرضيني
•
مبررررررررررررررررروك والحمد لله على السلامه ياعسل
س.د.ف
•
الف الف مبرووووووووووووك ويتربى بعزك وعز ابووه والله يخلي اهلك لك ويطول بـأعمارهم
ادعيلي الله يسهل حملي وولادتي
ادعيلي الله يسهل حملي وولادتي
الصفحة الأخيرة