ياسمين 1401 @yasmyn_1401

عضوة فعالة

واخيرا..وصلت شغالتي

مرحبا..كيفكم..طبعا وصلت من يومين والله يعطينا خيرها ويكفينا شرها........بس الي شاغلني امرين.. الاول ..شقتي صغيره غرفة نوم ومجلس نساء وصالة تلفزيون ومطبخ وحمام واحد فقط؟؟؟لاني ساكنه فوق بيت اهل زوجي واغلب جلستنا تحت..كنت شايله هم استخدامها لحمامي بس شسوي مافي حل..واستخدمته ..الامرالثاني وين احط اغراضها لانهاتنام بالمجلس وحاليا عندها اغراضها بس افكر انه اجيبلها صندوق مرتب واحط اغراضها فيه بس وين احطه؟؟ لان مافي مجال اجيبلها درج مافي مكان..ماعندي غرف زايده..اناوزوجي وولدي الله يحفظه عمره 6 اشهر كلنا بنفس الغرفه..الي عندها اقتراح اوفكره ياليت تساعدني..ورجاء لاتفتحون مواضيع ثانيه برا الموضوع الله يجزاكم خير الي بتقول وش حادك عليها دام ماعندك مكان..انا ماجبتها الا لاني معلمه..واهل زوجي مو مقصرين معي بخصوص ولدي بس عجزت اتحمل الوضع..انتظر ردودكم..

ملاحظه..خلاص حبيباتي البنات بالمنتدىماقصرو عطوني الحلول الكافيه ولقيت الي ابيه .. وفقكم الله..

يلزم عليك تسجيل الدخول أولًا لكتابة تعليق.

تسجيل دخول

متعـــبه عســافها • 15 سنة

الله يعطيك خيرها ويكفيك شرها :39:

$""/ تكتيك \""$

""/ تكتيك \"" • 15 سنة

طيب انتي ضروري تخليها عندك بالشقه ماينفع تخليها عند اهل زوجك تحت اذا في لها مكان ؟؟؟؟؟؟
عالاقل وقت النوم وعشان تلاقي مكان لاغراضها !!!!!!!!!!!!!!

vanilla babe • 15 سنة

اختي في حل بس ممكن يكلفك شوي بس افضل صديقيني وبترتاحين من مشاكل الخدم مع اهل الزوج
فيه غرف جاهزة توفرها بعض شكرات البناء وبالمقاسات الي تبينها سوي لها غرفة بحمام صغير بالسطح او بالحوش

ياسمين 1401 • 15 سنة

vanilla babe :

اختي في حل بس ممكن يكلفك شوي بس افضل صديقيني وبترتاحين من مشاكل الخدم مع اهل الزوج فيه غرف جاهزة توفرها بعض شكرات البناء وبالمقاسات الي تبينها سوي لها غرفة بحمام صغير بالسطح او بالحوش

اختي في حل بس ممكن يكلفك شوي بس افضل صديقيني وبترتاحين من مشاكل الخدم مع اهل الزوج فيه غرف جاهزة...

فكرت انها تنام تحت عند اهل زوجي بس هم عندهم خادمه ومو حلوه جمعتهم ..ويمكن هم مايبون..فشله..واخاف احتاجها مثلا بالليل وماتكون فيه..وفكرت بالسطح بس فيها صعوبه شوي لانه اكيد صاحب البيت الي هو ابو زوجي مايرضى نحوس بالسطح..لانه بنظره عادي انها تحط اغراضها باي مكان..دايما الكباريبسطون المواضيع ..مو مثلنا نحب التعقيد..طيب مافي وحده بنفس وضعي ..وش سوت..

نجمة البر • 15 سنة

يالغاليه مافيه حل غير مجلس النساء

وتسوين لها دولاب صغيرون بزاوية الغرفه تفصيل يكفي ملابسها

وفراشها اللي تنام عليه (( الفرش اللي تنسفط )) ,,,

أو أنك تسوين غرفه فوق السطح مع دورة مياه ,,,

(( ونصيحه لاتخلين الطفل معها إذا رحتي الدوام خلي الطفل عند جدته

والشغاله تلاحظه ))

الله يسهل لك ويسر لك أمرك يارب ,,,