واخيرا اتفقنا على الطلاق وبهذي الشروط اتمنى تشوفونها وتخبروني رايكم؟

السلام عليكم ورحمة الله وبركاته
شخباركم ؟
انا وزوجي من 7 سنوات متزوجين وعندنا ولد وبنتين وحياتنا كلها مشاكل وزعل ومب متفقين مع بعض لاني ساكنه عند اهله واهله يغيرونه علي وماسكين بنته من زواج سابق حجه علي الي يعرف قصتي وقراها قبل بيفهم الظلم الي انظلمته منهم وكيف نكروا جميل تربيتي لها وطلعوني شيطانه .. المهم اني تعبانه من حياتي مع زوجي وكل فتره اطلب الطلاق لانه ما يعاملني كانسانه يطلع وما يرجع الا فليل واذا رجع يسوي مشاكل على اتفه سبب ويقولي انه بيخلي حياتي بايخه وانه ما بيتغير لو شو ما صار لانه اهله شالين البنت عندهم .. حاولت وايد اتودد له عشاان امشي حياتي بس هو ما يعطيني فرصه وينام بغرفه ثانيه .. وما يحب يطلعني الا بالقوه وبسرعه ويرجعني وطول الوقت ساكت ما يبتسم ولاصدقائه يشق حلجه .. المهم اني طفرت كل مره احاول اتناقش معاه في السبب وليش جي .. بالاخير ما احصل نتيجه لانه يقول مرتاح يوم ما يكلمني .. بالنهايه قلتله خلاص انا مليت من هالعيشه الي اتقصر العمر وابغي ننفصل قالي انه موافق وسالني شو شروطي قلتله:
كل طفل تدفعله نفقه 1000درهم والشغاله تدفع راتبها قال بدفعلها لين تشتغلين بعدين خلاص ما بدفعلها
شو رايكم بالشروط يوم فكرت فيها حسيت 1000 نفقه لكل طفل ما بتكفي لانه اغراض الجمعيه والاكل والمستشفى واغراض المدرسه؟؟ حبيت استشيركم في الي سويته وشرطته وهو سافر الحين يوم بيرجع بنروح للقاضي علشان نتطلق


ادعولي ان كان خير لي الطلاق يصير وان كان خير لي اصبر معاه ويتغير الله ييسرلي هالشيء ويبعد عنا شياطين الانس والجن


وحسبنا الله ونعم الوكيل