خذيها تجربه مني وضعي نفس بنتك واتزوجت مطلق وعنده طفلين والرجل مدحوه ولله الحمد مثل ماقالوا الرجل طيب لكن المشكله طبيعيً راح تواجهها معا الاطفال خصوصا انه مطلق وحيكون لهم علاقه مع امهم ومهما ربتهم تربيه صحيحه بترجع في يوم من الايام وبتقول منحقي اعيش حياتي واطفاله راح يكونون مفروضين عليها في اجمل لحظات حياتها فهميها كل هذا وحاولي انها تقدر تظبط. امورها علي هذا الاساس واذا هي قد الموضوع لاتضيعي عليها الفرصه بس حاولي انها من بداية زواجها تحط حدود لكل شي والله يوفقها واذا احتجت اي استشاره. انا موجوده ياغاليه

انا انخطبت وفسخت وماتزوجت غير عمري 30. والحمدالله تزوجت رجل اعزب غير مطلق ولامتزوج انا انصحك تصبر صراحه غريبه حرمه بعد ثلاث اطفال تترك زوجها الا بسبب قوي لا تستعجلون استخيرو اسالو

اسألوا عن الرجل وخلوها تستخير إذا هي عندها قدرة أنها تخاف الله في الأطفال  تتوكل على الله 

خلي العمر على جهه
فيه كثير في عمر بنتك وللحين ماتزوجو وأكبر
لاتخلي العمر سبب للموافقه بدون اقتناع تام وتفكير , وبكره تقول ياليتني ماتزوجت وترجع مطلقه لا سمح الله
مسأله مطلق عادي اذا سألتو عنه زين وطلع رجال ماعليه كلام بس مسأله 3 عيال وتلقينهم ورا بعض بالسن هذي يبي لها تفكير وتشوف نفسها هل عندها قدره تتحمل هالوضع ! لا تقول عندهم شغاله الشغاله ممكن بأي لحظه تنحاش وتسافر فجأه بتضطر تتحمل مسؤليتهم لا تقول بخليه يوديهم لامهم يمكن ما يرضى ويمكن امهم تتزوج اذا ماتزوجت .. ويمكن تتطلق وترجع لطليقها عشان عيالها عندها استعداد تتحمل وضع مثل كذا !
وضروري تسألون عن سبب الطلاق بعيد عن الرجال وأهله اسألو اهل طليقته وقرايبها
اذا مقتنعه الله يوفقها , لكن اهم شي السؤال ثم السؤال يمكن بيتزوج كيد لطليقته او عشان يحرها وماتدري الا بكره هو مرجعها ويتعذر عشان عيالها ..
خليها تفكر وتدرس الموضوع من كل الجوانب ه وكثفو السؤال عنه واذا وافقت تشرطت الشروط الي تضمن راحتها

أول وأهم شيء الإستخارة
وبعدين مش مشكلة عنده عيال تتزوجه ولا لأ المشكلة هي قد مسؤولية إنها تهتم بأطفال مش أبنائها حتحافظ عليهم وتعتبرهم
أبنائها وتخاف عليهم في أخلاقهم وتربيتهم صدقيني لو قامت ببيهم وخافت الله فيهم هما إلى حيكونو عون لها وممكن يوقفو بصفها لو سار أي مشكلة في حياتها لأنه مافي حياة زوجية بدون مشاكل ملح الحياة
وأهم شيء لو ربي رزقها بأطفال لا تخلي بينهم فجوة أو تفرقة لا زم تعلمهم محبتهم لبعض صدقيني لو أعتبرت أطفال زوجها أبنائها والله حتحافظ عليهم وربي حيحفظها دنيا وأخرة ولا تنسى أمهم عايشة ممكن تجيها مشاكل من أمهم لو ماكانت عاقلة وراحت في طريقها علشان كدا أنا اقول تكسب العيال أفضل في صفها ومهما تكون أمهم نفسية لا تجيب سيرتها بالشين قدامهم أبداً لأنه مهما كان أمهم خليهم هما إلى يدافعو عن بنتك وينصحو أمهم بالخير ويعرفونها قد ايه هي تخاف الله فيهم والخيار لبنتك بالموافقة أو الرفض والله يسعدها ويوفقها ويرزقها الخير ويرزقها الخير والبر من أبناء زوجها وابنائها في المستقبل ( ولا تنسي لو سار نصيب إنتي أمها تكوني حنونة وطيبة مع أبناء زوج بنتك ولا تفرقي بينهم وبين ابناء بنتك في المستقبل