مبروك شعور حلو

الف مبروك الله يخليه لك ويتربى بعزك يارب

لوليا.. إن شاء الله ألف ألف مبروك حبيبة قلبي
الله يخليلك كنان و يتربى بعزكم

و الله إني انصدمت لما عرفت إنك ولدتي قيصري
قلت لحالي معناتها لازم جهز حالي بركي صار فيني متلك
أنا كنت مفكرة بما أنو ما عندي مضاعفات و كل شي تمام معناتها رح أولد طبيعي, بس هلأ خفت..

بعدين تعي لهون, عواض ما ترتاحي, ماسكة اللاب توب و قاعدة على النت؟ :16:
أنا لو مطرحك بنسى شي اسمه تكنولوجيا من الأساس..

صحي, لحقيني بالخبر اليقين عن الشامي متل ما اتفقنا... كيف لقيتي النظافة و الخدمة و الممرضات؟ و خلوه لجوزك ينام بالمستشفى؟ لأني مستحيل نام لحالي بالمستشفى.. بطق لحالي..

بوسيلي كنان و قوليله جاييه رفيق على الطريق.. كلها شهر إذا الله راد

عروس الشام طبعا بيخلو جوزك ينام معك انا جوزي نام معي بدار الشفاء

وانا كمان حابة اعرف عن مشفى الشامي لانو نازلة عالشام بدي اعمل عملية قريبا