بسم الله الرحمن الرحيم
كيفكن يا صبايا ان شاء الله بخير
انا اليوم فرحانة وخايفة وعدة احاسيس كلها بقلب بعضا عم حسا
يعني بالمختصر المفيد ملبكة وحاسة انو مخي فاضي ومو قادرة فكر
وكل هالشي لان قربت ساعة الصفر
واللي هية
بعد بكرة الصبح موعدي مع الحقن الصناعي
للي ما بيعرفني انا عمري صار 29سنة والي تقريبا 3 سنين ونص مزوجة وما حملت لسا وعملت جميع الفحوصات والحمدلله طلع مافيني شي وجوزي كمان الحمدلله ما فيو شي لحد ما عملت من فترة تحليل ما بعد الجماع وهون كانت الصدمة
طلعو الحيوانات المنوية كلن ميتين يعني عندي اجسام مضادة بجسمي عم تقتل الحيوانات المنوية
وقالتلي دكتورتي انو الحل عن طريق الحقن الصناعي
وهون بلشت انا بالنق على جوزي اللي كان مو موافق ابدا ابدا ابداااااااااااااااااااااااااااااااااااااااااااااااااا
ولا اله الا الله سبحانو ربي كل عقدة والها وقت لحلها
التلو لجوزي انو هالشهر بدي اعمل الحقن وكمان ما وافق بس لما اجتني الدورة رحت اشتريت الدوا تبع التنشيط واللي كان اسمو (انستاين)والله مالي متزكرة اسمو تمام بس يعني هيك شي
المهم وبعد ما اخدتو التلو لجوزي انو اخدت الدوا مشان الحقن وقالي انو لا ما رح نعمل حقن
ام التلو بالله شو انا اخدت الدوا وعرضت جسمي لهرمونات وتعب هيك عالفاضي
مو عكيفك بدنا نعمل الحقن(عم احكيلكن بالتفصيل الممل)
وقالتلي دكتورتي انو تعي لعندي لشوف اباضتك بال 13من الدورة
واليوم كان ال 13 من الدورة ورحت لعندا وقالتلي انو الحمدلله المبيض اليمين مطالع بويضتين الاولى ممتازة والتانية صغيرة وعالاغلب ما رح تكبر والمبيض اليسار كمان مطالع بويضة جيدة وقالتلي انو اخود ابرة تفجيرية اليوم المسا الساعة 11 بالليل ويوم الاربعا روح عالمستشفى مشان اعمل الحقن وحكيت مع جوزي وقلبي عكفي خفت يقلي مين الك رح نعمل حقن
والحمدلله ما قال شي يعني الحمدلله ياربي وافق نعمل الحقن
وان شاء الله على خير
باربيتو @barbyto
عضوة فعالة
هذا الموضوع مغلق.
rama 2009
•
الله يوفقك ويرزقكي الحمل السليم المعافى قريبا
هاباريتو بشري ايش صااار على العمليه ان شا ءالله كل شي اوكي
الله يرزقج ان شاء الله الذرية
الله يرزقج ان شاء الله الذرية
الصفحة الأخيرة