واخيرا ساكتب قصه ولادتي وعقبالكم%%اوبما

السلام عليكم ورحمه الله وبركاته
الحمدلله كما ينبغي لعظيم وجهه وجلال سلطانه
:icon28::icon28:
واخيرا ساكتب لكم قصه ولادتي معليش لو كلامي ملخبط لاني اليوم طالعه من المستشفى
ولدت يوم الاربعاء الموافق 23\8\هجري 5\9 ميلادي طبعا بطلق صناعي لاني تاخرت 10 ايام
المهم رحت الساعه7 لموعدي الصباح
والساعه12 الظهر فتحت الدكتوره كيس الماء بعد معاناه لانها ما قدرت تفتحه بسهوله:09:وانا:icon33:
وتركتني ساعه كامله لحد ما وقفت المويه
وصرت امشي في اسياب المستشفى وكل نص ساعه كشف والالم خفيف لحد الساعه3
ركبت الطلق وبدت اسياط النار تضرب ظهري بطني وفخوذي وانا ادعي ودعيت لكم ياحوامل حواء
وخصيت بالدعاء ناس معينين :(
المهم جات الساعه6 والبيبي لسه ما دفع
والرحم وصل 6سم
فجاءه ولعت صفارات الطوارئ
طبعا ما كان معي بالغرفه الا الميدوايف وزوجي على صوت الانذار طلعو من تحت الارض دكتورتي ومعها طاقم طبي عدده كبير مدري كم
رفعو رجولي على اكتافهم
لان الميد وايف ما جهزتني على بالها لسه فيه وقت
تخيلو منظري ورجل على كتف الدكتوره ورجل ما سكتها الميد وايف
ويصرخون بوش بوش البيبي قلبه وقف (الميد وايف تتكلم عربي)

لدرجه انها تهاوشني تقول لا تاخذي نفس بس ادفعي دفع متواصل ما فيه وقت البيبي يموت
وانا روحي طلعت لانه وضعيه الولاده كانت مره متعبه والخوف سيطر علي خفت البيبي يموت
اصعب لحظه مرت على في حياتي
جربت الولاده مرتين قبل بس مو زي هذي
كنت متفقه مع الدكتوره اني اولد بدون توسيع لان النظام في اغلب الدول الاجنبيه كذا
بس للاسف شقت شق وصلت لمناطق بعيده وسحبت البيبي بالملقاط ومن تاثير المشرط والملقاط راس ولدي انجرح جروح بسيطه وفيه جرح واحد غائر
بس الحمد لله الحين بخير وانا بخير
بس عظامي وظهري متكسره مره والجرح وما ادراك ما الجرح

الله يعظم اجرنا ويحرم والدينا عن النار
وولدي سميته فارس وانا شاء الله يبر فيني وفي ابوه
وهذي حكايتي الي تمنيت انها تكون احلى من كذا
سلامي لكم والله يهون عليكم

واشكر كل من هناني وساندني في هالتجمع الرائع