واخيرا سمحو لي 😫

السلام عليكم
بصراحه مره مستانسه واخيرا قدرت اشارك واكتب واطرح استفساراتي
بعالمي عالم حواء ويشهد الله كم اثق فيه وبراي البنات المتواجدين فيه
ما بطول عليكم
خواتي اي والله اعتبركم خواتي بحكم ماعندي اخت كبيره
وصديقاتي بما ما عندي صديقات 😢
بقولكم استفساري وماراح اقول عنه مشكله لان الي يجي من الله كله خير فالله الحمد حمدا كثير
انا انتظر الحمل ومن كم شهر حللت وطلع التحليل ايجابي
فرحت طرحت من الفرحه _ اخترت الاسم ومن وين اقضي له و و و
حتى والله رحت لموعدي الثاني قبله بيومين او ثلاثه
ماقدرت اصبر متشوقه اشوف جنيني واسمع نبضه
وصدمتني الدكتوره قالت لي كيس فارغ بدون جنين
انتظري ١٠ ايام وتعالي
ومرت ال١٠ ايام والله يعلم كيف مرت وعدت
مايخفى عليكم شعور الانتظار
رجعت لها وعندي امل بس قالت نفس الكلام 😢💔 كيس بدون جنين
رحت مستشفى ثاني ونفس الكلام
انتظرت اسبوعين وكلهم نفس الكلام متوقف النبض ع ٨ اسابيع
والحمدلله على كل حال
وقالت لي الدكتوره ينزل عليك
خذي اعشاب بس لسى فيني امل
خفت اخذ اعشاب ويطيح جنيني
اخذت الاعشاب اسبوع ونزل علي من كم يوم دم ومع كتل اسفه ع الوصف
ورحت للمستشفى قالت لي مافيه سونار تعالي بعد يومين نشوف اذ الكيس نزل
ورحت مستشفى برا منطقتي سوت سونار وقالت لي لسى باقي الكيس نزل شي بسيط منه
وقالت لي عن ابرة الفصيله
لام فصيلة دمي سالبه وان ضروري اخذها وبتسوي لي تنظيف ورفضت التنظيف
وقلت اخذ الابره اذ نزل الكيس بس قالت لي مايفرق
كلهم نفس الشي اذ اخذتيها هالحين او بعد ماينزل باقي الكيس
واخذتها لان المستشفى برا منطقتي
قولي ياخواتي عادي لو اخذتها قبل ينزل باقي الكيس ؟؟!!
اسفه سلوبي مو واضح
وياليت تدعون لي ربي يعوضني خير
وتعطوني نصايح ايش ماتتكرر علي الحاله
ويارب ترزقني وترزق كل من تتمنى الحمل بالذريه الصالحه المعافاه
وادعوليا ربي يبعد الهم والحزن عن قلبي
والحمدلله حمدا كثير