العطش قتال حبيبتي والله انا اكثر منك نشبه ومن شدة الخوف بعد مالبست
الروب مال الكشف البرتقالي بغيت أنحاش وانا بالغرفه البس عباتي وانحاش
هو الوضع بس يحسسك بالخوف لدرجة أقول للدكتور لا تعورني فاهم
ماحس شنو أقول
وهو يقول لاتخاف والسستر بغيت أحب يدها وهي تطبطب على قبل مايبلشون بشغلهم
وانا على السرير أقول بقلبي انا شنو جابني احس وهقت نفسي
واخر شي طلع مايخوف ولا شي
صح فيه الم مو من البداية من بعد ماينزل الصبغه بس بدايه الشغل يحط جل على الحدايد الي
يدخلها لاتخافي ماراح تحسي بشي بس الالم الي نفس المغص بعد الصبغه
وعض على شفايفي
انتي لاتشدي عاديه حبيبتي بتضحكي على نفسك بعد ماتخلصي بالنسبه
انا سويتها باليوم السادس من الدورة
كنت خلصت الدورة باليوم الخامس واليوم السادس الصبح سويتها
لازم ماتتعدي اليوم التاسع
من الدورة مو زين سمعت كذا انها تسويها اخر حد لها اليوم التاسع
انا بالسادس يعني يدوب خلصت
وللحين ينزل دم معاي قالولي هذا عادي والله يوفقك ويرزقك

حبيبتي حآجة ثانيه الله يطمنك يارب صاجة الحمد لله اول وتالي
وإني عرفت شنو السبب وبنطر موعدي عند الدكتورة وشوف شنو تقول
جزاك الله خير

والله ياكيك انا تهورت وبحثت وعرفت انهم يدخلون الانبوب جوا ارحم ويحقنون الصبغه .وانا زيك اخاف من الالم اللي اسفل اكره السونار مع انه مو ذاك العوار بس انا اتوتر الله يصلح حالي بس المهم انا زوجي قلي شي يقول مافي الم ما تتحملينه ممكن بيصير الم بس ف حدود المحتمل ولازم صبر اذا ودك باطفال اذ متوتره من الحين نبطل .عاد انا فكرت ف كلامه صدق لازم نصبر ونحتسب ويارب يعطينا من فضله ويسهل علينا جميعا كل شي .كثري استغفار وحوقله ويارب نسويها ونجي هنا نقول سهله وميسره ويرزقنا بعدها الذريه الصالحه

كيك لا انا ماشفت شي وهذا الي طمني بس احس يعني بالعين ماشفت
الا وجة السستر الي فوق راسي
مابي أطل وتخرع بس حسّيت حط الحديدة الي هي البطه بالجل
يعني ماتحسي وإلا وهو حاطها كنه ماسوي شي
بالنسبه لأنبوب مالي الصبغه ماراح تحسي فيه لانه ادق من الحديدة
وأصغر منها يعني ماراح تحسي اذا هو حطه او لا
بس بعد مايضغط ينزل الصبغه ماتبتحسي بتنزل الصبغه بس بتحسي
بمفعول الصبغه نفسها كأنه مغص خفيف يبيدا
يقوي شوي شوي وبعدها يقولك نزلي رجولك شوي لأنك
بتكوني ثانيتهم وتنزليهم شوي يادوب وبسستر بتحط جهاز الاشعه
على بطنك وشك شك دقيقتين وتشيله بس

حبيبتي احمدي ربك عرفتي السبب والحين تعرفين شنو تسوين علشان تحملين.. انا لي 8 سنين ولا عرفت السبب وما تركت شي ما جربته ولا سويته.. بالمختصر مالك حل الا اطفال الأنابيب.. لا تتاخرين وسويها والله يرزقك ويرزقني ويرزق كل محرومة يا رب ..