واخيرا سويت الخياطة التجميلية للمنطقة الحساسة

السلام عليكم بنات


عساكم بخير


حبيت اوثق اللحظة اول باول وافيدكم
لاني كنت ابحث عن هالموضوع كثييييير


بعد تفكير دام سنوات سويت عملية تضييق المهبل جراحيا داخلياً مش بس خياطه من برع ولله الحمد


لان في نوعين من الخياطة
في خياطة ببنج موضعي هذي الخياطة بس شكل من برع
لكن العضلات الداخليه ما يستوي تتضيق وتنشد الا بتخدير كامل او تخدير نصفي


عندي طفلين الله يحفظهم
ومن بعد ولادتي الاولى لاحظت الفرق الشاسع
كانت ولادتي صعبه وصار تمزق وبلاوي 😂 وصار عندي سلس البول ايضاً عزكم الله
ومن وقتها وانا افكر بالتضييق
وقفت حمل خمس سنوات وبعدين حملت للمره الثانيه وبعد ما ولدت طفلي الثاني
استشرت دكتورتي وجيتها بعد ولادتي بثلاثين يوم بالضبط


وسويت الفحوصات اللازمه
وسالتني مقدار التضييق اللي اباه وخبرتها اني ما ابا ولد طبيعي مره ثانيه
صعب ادخل العمليات وارتب الوضع كامل من تخت وبعدها بكم سنه اولد طبيعي ويخترب كل شي 😭💔

عشان جذي اخترت هالخيار


فخدرتني ونمت وماحسيت بشي الا بعد ساعتين
صحيت وانا اتألم واتوجع وكان في حد قاعد يحرقنننني بالنار من تحت
تمنيت وقتها اني ما سويت العمليه وقعدت اسب نفسي 😂
اناديهم يحطون لي مخدر او اي شي يقولون خلاص ما يستوي اوريدي اعطيناج


بعدها بكمن ساعه اعطوني مسكنات و هدأ الوضع عندي الحمدلله


تنومت يومين في المستشفى ورضيعي معاي كان صعب شوي بس اختي ساعدتني 🥺🤍


اليوم الثاني الدكتوره جت وكانو مسوين لي قسطرة بول
ومدخلين شااش طويل في المنطقة
وقالت لي بسحب الشاش الحين خذي نفس 😭
كان شعور مؤلم ومريح في نفس الوقت
الله يكتب اجري يارب




الى اليوم صارلي اسبوع من العملية


واي استفسار انا حاضره 🙏🏼🤍
وبوافيكم بالمستجدات اول بأول