***واخيرا سويييييييتها ***كيكة الشطرنج بالملعقه!!!وبلا تعقيد

كيكة الشطرنج............ولكن










بلا ادواتها الخاصه وبلا أي شي...........مجرد الملعقه :cook:
وكانت عجيبه ...قطعت منهاقطعه ورحت اركض حق زوجي اوريه الشكل الرائع واذوقه الطعم اللذيذ ( كاني مخترعتلي شي...او ناصرتني مسلم ..والله المستعان )

والله شكلها كان عجيب...:32: ولا وبعد اخذتها لبيت ابوي اوريهم الشكل والطعم...يم يم

والطريقة باختصار علشان ما أطول عليكم يالحلوين

كرتونين كيك ( روبن هود ) واحد كاكاو وواحد ابيض
( استخدمت هذه النوعية روبن هود لانها شوي ثقيله وكتجربة....وراح استخدم ان شاء الله كيكة من خلطتي في البيت مرة ثانية..)
وتخلطينهم مثل ما هو مكتوب على الكرتون ....بس بشرط تقللين كمية الماء عن المطلوب شويه...حتى تكون ثقيله شويه ومتماسكه...

وبعدين اخذي 3 بايركسات بنفس الحجم دائريه....وخلي 2 نفس التوزيع والثالث العكس

مثل ما اشرحوا الاخوات الطريقه ....في مواضيع سابقة

وأول بايركس ...وزعي خليط الكاكاو على حافة البايركس عن طريق الملعقه..بشكل دائري
بس مو تكثرين الكميه....وبعدين وزعي الخليط الابيض بنفس الطريقه دائري ...ويبقى في الوسط فراغ....ضعي في بالملعقه كميه قليله من خليط الكاكاو....بعدين يصير عندك الشكل
خط دائري كاكاو ...وجنبه خط دائري ابيض وبعدين جنبه دائره كاكاو..

طبعا البايركس الاول نفس الثالث في التوزيع....أما الثاني فالعكس يكون خط دائري ابيض ثم كاكاو ثم دائره ابيض.....
وندخلهم مع بعض في الفرن ( وراح ينضجون بسرعه بسبب العجينه تكون مو عميقه )

وبعدين هاتيلج ماعون للكيك دائري وحطي في أول بايركس وادهنيه اما بعسل أو كاكاو
وبعدين حطي البايركس الثاني ...وادهنيه بنفس الطريقه الاولى...ثم الثالثه وبعدها راح
يكون عندج كيكه بثلاث طبقات....بعدها ادهنيها بأي كاكاو وزينيها بالمكسرات أو الفليك

وضعيها في الثلاجه حتى تتماسك وتصك أكثر.......ولما تقطعينها راح يبين لج الشكل الرائع

وبالعافية ان شاءالله



* ملاحظه مهمه...سبب فرحتي بنجاحي ....في عمل الكيكة اني كنت مشتهية أسويها بايدي من مده...ومحيرتني طريقتها.....ولما سويتها كأني مسويتلي اعجاز علمي...

حلالة لغز....ما تعسر فهمه :41: