واخيرا ... قصة ولادتــــــي

مرحباااااااااااااااااااااااااااااااااااااا كروشات


شخباركم ..... اخيرا صار الوقت الي اقدر اقول لكم فيه قصة ولادتي بالكتكوت الصغير


ممممممم طبعا الحين الي تنتظر موعدها والي تحسب الايام والساعات تفكر متى راح تولد خخخ

ان شاء الله ربي يسهل على الكل وتولدون ولادة سهلة وطبيعية

(((قصة ولادتي )))

قبل كل شي بخبركم بالمواعيد الي عطوني اياها للولادة وهي تاريخ 26-6 بالطب الخاص وبالحكومي عطوني تاريخ 30-6

وطبعا انا بكر ..

انا دايم اقرا ان الحوامل يصيدهم افرازات فيها خيوط حمرا وتكون ردود البنات عليهم ان هذي علامات ولادة

فكنت دايم الله يعزكم لما اروح الحمام اتفحص :hahaha: اقول يمكن لعل وعسى من دخلت التاسع وانا اتفحص

لغاية ماصار تاريخ 20-6 ابتديت اشوف هذي الخيوط الحمرا كنت اقول لامي كانت تقول لي انتظري لا تروحين المستشفى لا يلعبون فيج من الحين

لغاية تاريخ 23-6 نزل علي دم انا خفت لان كمية الدم شوي كبيرة كان هالشي الصبح انتظرت للمغرب وبعدها رحت المستشفى (( الطوارئ)) طبعا ..رحت مع زوجي وامي لحقتنا على المستشفى

خبرتهم بالدم الي نازل علي .. فقالو لي لازم الحين نفحص توسع عنق الرحم .........:06: آآآآآآآآآآآآآآآآآآآه خلتني الممرضة اصرخ اصرخ من الألم ماكنت ادري ان فيها سالفة هالفحص هذا يعوووووووور:44:

المهم قالت لي مافي توسع كلش كلش :44: بس قالو لي بنسوي تخطيط يشوفون دقات قلت الياهل بس لازم اكل ورحت اكلت ورجعت لهم وضليت ازيد من نص ساعه وهم حاطين الجهاز على بطني ويشوفون بالتخطيط

وانا اسمع دقات قلب البيبي شوي سريعه وشوي تعلى وشوي ينزل صوتها وانا خايفة ومادري وش السالفة

بعدين قالت لي الممرضة انتي لازم (( ترقيد)) لان دقات القلب مالت البيبي مو طبيعية ...>> حالتي بهالوقت تأزمت حدددددددددها :44:

المصيبة المصيبة انهم دخلوني بغرفة المخاض والولادة .. مادري يمكن ماحصلو لي سرير او يمكن كانو بيحطوني تحت الملاحظة او مدري وش السالفة فدخلوني غرفة فيها ثلاثة اسرة ... ومادريت اني بغرفة ولادة الا بعد ماكانت الي بالسرير الي جدامي تصارخ وتتألم وما وعيت الا صاكين عليها الستارة واسمع الممرضة تقول لها ((بوووش بووووش)) وبعدها سمعت صوت بيبي صغير بعد ماطلعوها في وحدة على يميني كانت في مراحل الطلق بعد تتألم وتتأوه وتصارخ وانا شوي وقلبي يوقف من الخرعة

بعد الفلم الرعب الي عيشوني فيه طول الليل نقلوني الساعه اربع الصبح على الجناح وطبعا كانو يتابعون حالة الياهل ويشوفون دقات قلبه ويسون لي تخطيط بالنهار والعصر واوقات بالليل والدم طبعا مازال مستمر ينزل علي

ظليت على هذي الحال لمدة يومين يعني لتاريخ 25-6. الصبح في هاليوم ابتديت احس بعوار في بطني والم بنهاية ظهري على الساعه عشر الصبح تقريبا ياتني وحدة من النرسات سوت لي تخطيط كالعادة وطلع يبين فيه ارتفاعات وانخفاضات منتظمة

شالت الاجهزة من علي وراحت وانا ولا ادري بالمصير الي يايني :06: جتني ممرضة ثانية قالت لي بفحص توسع عنق الرحم عندج لان يبين من التخطيط انج تتألمين وبالفعل فحصتني والصدمة الكبيرة ان انا متوسعه 2 سم

ظل الالم يزيد يزيد علي بس ماكنت أبين للممرضات اني اتألم عشان لايقولون لي بيفحصون مرة ثانية لانه يعور خخخخ
فكل ماتمر علي وحدة تقول لي تتألمين او زاد الالم اقول لها لا عادي ماتغير :hahaha::hahaha:

لحد المغرب زاد الألم حدددده .. حاولت معاي وحدة من النرسات تفحصني وبعد اصرار قوي منها قنعتني وجبرتني انها تفحصني وبالفعل بعد مافحصتني طلعت اني متوسعه 3 سم وقالت لي الحين خلاص لازم ندخلج غرفة الولادة مايصير تظلين هني من الخرعة قلت لها بروح الحمام وتعممدت اتأخر بالحمام خخ >>>> على بالي لين تأخرت بالحمام بتتملل وبتروح عني ههههههههههه

لما طلعت لقيتها تنطرني واخذوني غرفة الولادة دخلوني فيها الساعه 6 ونص
قالو لي انتي بكر فبتتأخرين بالولادة

اول مادخلوني الغرفة بعد فحصوني مرة ثانية وكان 3 سم وبعدها لقيت الالم يزيد ويزيد ياتني الدكتورة وضربتني ابرة قالت لي عشان تتوسعين بسرعه وانا هني فزعت الدنيا من الصراخ ... وعقب ساعه يمكن او ثنتين قالت لي بشوف شكثر صرتي ودخلت يدها :44: ومادري وش سوت وطلع ماي واااااااااااايد

ومنها الألم يزيد بشكل مو طبيعي عطوني كمامة اتنفس الهوا الي فيها الظاهر مخدر للألم وظليت على هذي الحالة ما احس بالي حواليني بس لما يجيني الم الطلق اتألم على خفيف ومن قربت وقت ولادتي

طبعا بعد ماغربلتهم من الصراخ فحصوني صرت 8 وبس منها ياروح مابعدك روح

ماعاد يفيد المخدر فيني قمت اصرخ الممرضات خخخ واعضض في روحي

سويت ديزاينات وايد حلوة في يدي خخخخ

وفجأأأأأأأأأأأأأأأة خلاص الصراخ انقلب لكلمة ((( بوووووووووووووووولد بووووووووووووووووووووولد)):hahaha:


وبالفعل تجمعو حواليني والممرضة تقولي بوووووووش بووووووووش

المصيبة اظافري كانو طوال يعني بعد شوارع سويت في فخوووذي


لين الحمدالله وبعون الله سمعت صوت ولدي حبيبي حطوه على صدري ... كان احلى شعور حسيته بحياتي

شفته وبسته وخذوه واشتغلت علي خياااااااااااااااااااااااااااااااااااااااطة ذبحتني بس ماقدرت اقاوم لاني كنت تعبانة خلاص


واخيرا وصل بالسلامة ولدي جاسم

الحمدالله ولدت حتى قبل الموعدين الي عطوني اياهم



:27: باركولي